Ма?тану ма?танша?ты? емес саба? жоспары

Жалпы орта білім беретін Шипов мектебі
Пәні: Өзін-өзі тану
Сыныбы: 3
Уақыты:
Тақырыбы: «Мақтану - мақтаншақтық емес»
Құндылық: Ішкі тыныштық 
Қасиеттер: Өзіңді - өзің алдамау, мақтанбау,шыдамдылық, байсалдылық
Мұғалімі: Заитова А.А
«Мақтаншақ кісі – менмен кісі,
Менмендік – адамның міні»
Ж.Айтмауытов
Мақсат-міндеттері: -Балалардың мақтан  тұту,мақтаншақ  болмау, кішіпейіл,қарапайымдылық  сияқты  адами  қасиеттер  туралы 
түсініктерін кеңейте  отырып,өмірде  жақсылық жасауға үйрету және ішкі тыныштық құндылығының мәнін ашу.
Ресурстар: Құралдар, мәлiметтер
Ұйымдастыру кезеңi. Амандасу. Түгендеу.
-Cәлeмeтciздep мe, құрметті  ұстаздар,бaлaлap, сіздepмeн кeздecyгe қyaныштымын. Бүгiнгi күн бiз үшiн қызықты дa, қyaнышты дa бoлaтынынa ceнeмiн!
Тыныштық сәті. «Нұрға бөлену»-Ыңғайланып отырыңыздар, денелеріңізді түзу ұстаңыздар. Аяқ - қолыңызды айқастырмаңыз. Қолыңызды тізелеріне қоюға болады. Көздеріңізді жұмуларыңызды өтінемін....
-Рахмет.-Не  елестетіңдер?
(Мен жылулық  сездім),(мен  гүлдің  баяу  ашылып  жатқанын  ),
(Мен  нұр  сәулесін  аяғыма  таралғанын  сездім), мен Қолыммен  жылулықты  сездім),Ал  мен   жақсы  сөздерді,тіліктер  айтығым  келді.
-Ендеше  бәріміз  хормен:
-Мен  тек  жақсы  сөздерді  айтамын,
-Мен  тек  жақсыны  көремін,
-Мен  тек  жақсы  жолмен  жүремін.
Түс қағаздары арқылы оқушыларды екі топқа бөледі.
Үй тапсырмасын тексеру.
Әңгімелесу. Ғылым таппай мақтанба
Абай Құнанбаев
Бес нәрседен  қашық  бол,
Бес  нәрсеге  асық  бол,
Адам  болам  десеңіз.
Өсек,өтірік,мақтаншақ,
Еріншек,бекер  мал   шашпақ-
Бес  дұшпаның  білсеңіз.
«Мақтану» дегенді қалай түсінесіз?
Сендер қандай істеріңмен мақтана аласыз?
«Мақтаншақ» адам қандай адам деп ойлайсыз?
Жаңа ақпарат. Оқушыларға мақтаныш, мақтаншақ сөздерінің мағынасын ашып түсіндіреді.
«Адам өз еңбегінің жемісін көргенде мақтаныш сезіміне бөленеді.
Адамның мақтаншақтық сияқты жағымсыз қасиеті өзімшілдік, менмендік туындайды.»
Мәтінмен жұмыс. Оқушыларға мақтану мен мақтаншақтықты ажырата білуге үйрету мақсатында мәтінмен жұмыс ұйымдастырылады.
Алтын мүйіз (ертегі)
Өңдеген И.Хасенұлы
Ертеде бір кедей болыпты. Оның жалғыз сиыры бар екен. Бір күні сиыры бұзаулайды. Оның бұзауы ерекше, кіп-кішкене алтын мүйізді болып туады. Оны Алтынмүйіз деп атайды.
Кедей сорлының қуаныштан есі шығады. Оған жаңа қора салады. Сүтке тойғызып, көк шөп береді... .
Алтынмүйіздің іс-әрекеті мақтануға жата ма, мақтаншақтыққа жата ма? Неліктен?
Ол мақтаншықтығына қандай қиындықтарға тап болды?
Дәйексөзбен жұмыс. Оқушыларға бұл дәйек сөздің мағынасын түсіндіріп өтеді.
«Мақтаншақ кісі – менмен кісі,
Менмендік – адамның міні»
Ж.Айтмауытов
Сергіту сәті. Оқушылардың бойларын сергіту мақсатында сергіту сәтін ұйымдастырады.
«Қызыл өрік» әніне бірге қосылып би қимылдарын жасайды.
Жағдаятты талдау. Оқушылардың мақтану мен мақтаншақтықты ажырата білетіндерін байқау мақсатында ұйымдастырылады.
I-топ. «Үстелде қалың көк қағазбен қапталып, тысына әдемілеп жазылған сынып журналын көрген мұғалім: «Енді журнал тозбайтын, кірлемейтін болды. Мұны жасаған адамға көп-көп рахмет!» - дегені сол еді... .
II-топ. «Жадыра республикалық біріншілікке қатысып, жүлделі орынды жеңіп алды. Ертеңіне сыныпқа кіре салып, «Мен бірінші орын алдым», - деп айқалады... .
I, II – топ. «Шаңғы тебумен айналысқанына үш күн болған Айдос достарына: «Мен ертең биік таудан әкеммен бірге сырғанайтын болдым. Шаңғыны жаңа үйреніп жүрсемде, жақтықтырушым маған рұқсат етт», деді... .
Әр топ сахналап, жағдаятты талдап көрсетеді. Үшінші жағдаятты екі топ бірігіп сахналап, жағдаятты талдайды.
Тапсырма. Оқушылар өз жетістіктерін орынды мақтана білуге дағдыландыру үшін тапсырма беріледі. «Жарнама» ойыны.
I-топ. Достарын жарнамалайды.
II-топ. Жетістіктерін жарнамалайды.
Күтілетін нәтиже:
а) «Менің досым – Досан. Ол ұзын бойлы, қараторы, ақылымен ерекшеленіп тұратын, нағыз адал дос... .»
ә) «Біздің сыныпта математикадан, қазақ тілінен олимпиадалық жарыстарда үнемі жүлделі орындар алады... .»
Топпен ән айту. Оқушыларды топпен ән айтуға шақырады.
Дәптермен жұмыс. Оқушылар сабақта алған білімдерін дәптермен жұмыста бекіте түседі.
Тапсырма: «Менің ойымша ...» айдарымен берілген бос жолдарға мақтану мен мақтаншақтық туралы өз ойдарын жазу тапсырылады.
Қорытынды. Сабақ қорытындыланады. Сабақ өз мақсатына жетті.
Үй тапсырмасы: «Мақтаншақтық» туралы мақал-мәтел жазып келу және мақалдың мағынасын ашып, талдау.