Т?рбиелік іс-шара К?рікті ?ыздар, к??ілді ?лдар

Тәрбиелік іс – шараның аты: Көрікті қыздар, көңілді ұлдар
Мақсаты: Студенттерге жақсы демалыс сәтін ұйымдастыру, колледж өмірінен жақсы нәрсе естерінде қалдыру, ұйымшылдыққа, достыққа, ойларын ашық айта білуге, шапшаңдыққа, шешендікке, тапқырлыққа, адамгершілікке баулу. Салауатты өмір салтына баулу.
Кештің барысы:
Кеш мұғалімінің алғы сөзінен басталып, кешке яғни сайысқа қатысушы қыздар мен ұлдарды сараптап отыру үшін әділ қазылар алқасы сайланды. Кешке 4 ер бала мен 4 қыз бала қатысты.
Бет алып сынның өткеліне
Орын ап қызық күннің беттерінен
Көңілді ұл, көрікті қыз сайысы өтпек
Ғажап сәт мәңгі қалар естерінде, - деп сайысқа қатысушы ұл – қыздарды ортаға шақырамыз.
I сайыс
Отырсыздар шығармай үніңізді
Көре алмай біріңіз – біріңізді
Көрмей тұрып сипаттап табыңыздар
Ал кәне ұл – қыздарым жұбыңыздыБұл сайыста суырған номер бойынша көздері байлаулы қыз бен ұл бала әуелі жұптасады. Содан соң көздері байлаулы күйде бірін-бірі сипаттайды. Сипаттауларына сәйкесінше баға береді. Көз байлауларын шешіп, бір – бірінің атын білісіп сайысымыздың келесі бөліміне көшеді.
II сайыс
Ұл-қыздарым жететін мәре бүгін
Жүзіктеп өткен епті бәле бүгін
Бір сөзді жүз құбылтып, мың құбылтып
Қызыл тілдер, сайраңдар кәне бүгін.
1 жұпқа – алдағы сессия
2 жұпқа – біздің мұғалімдер
3 жұрқа – дағдарыс
4 жұпқа – базар ( Осы сөздер бойынша әңгіме құрастыру)
III сайыс
Айтпаңыздар ұл-қыздар жатқа өлең
Ол өлең бола алмайды ақпа өлең
Келіссін, келіспесін ұйқастары
Онан да айтыңыздар лақпа өлең.
Бір – біріне комплимент 4 жол өлең құрастыруы керек. Ұйқасы маңызды емес.
IV сайыс
Өмір деген түйіткілді – түйінді дым
Сыйлайтұғын қызығын, қиын күнін
Жеңе біліп әрдайым дәл осылай
Дәл осындай шеше біл қиындығын.
Мұнда ұл-қыздар түйіп тастаған домалды тез шешуге жарысады.
V сайыс
Әзіл соқпақ жанға қуат береді
Күлкі деген мың ауруға ем еді
Тамашаның әртісінен сендердің
Ұл-қыздарым қай жерлерін кем еді?
Бұл сайыста телевизордан тамашадан үзінділер көрсетіледі, сайыскер осы мини – үзіндіні қайталап артистік қабілетін көрсетеді. Қай сайыскердің сәтті қызықты шыққандығы есептеледі.
VI сайыс
Бұл жалғанда жандар көп қой күйінген
Бір басына шым – шытырық үйілген
Осынау бір шым – шытырық нәрсені
Мақал – мәтел бір с өзіңмен түйінде
Мұнда қилы – қилы тағдырлар жөнінде кітап, газеттерден үзінді оқылады. Осы үзіндіні мұқият тыңдап отырып осыған қатысты мақал – мәтел, қанатты сөзбен түйіндеу керек.
VII сайыс (ұлдарға арналған сайыс)
Күлдіре алсаң қыздарды тамаша бұл
Күлмей қалса кетпессің аласарып
Қисыны кесілетін әсем қалжың
Достық көңіл жігітке жарасады.
Ер бала қызық әңгіме немесе анекдот айтып немесе қимылмен қасындағы қызды күлдірту керек. Күлдіре алса 1 ұпай қосылады. Ал қыз балаларға жолының жіңішкелігі ескеріліп 1 ұпай сыйға тартылады.
Кеш арасында ән, би, көріністер көрсетілді. Соңында ұпайлары (қыз баланың, ұл баланың) есептеліп, қайсысында ұпай саны аз болса, соған жаза беріледі. Оны қасындағы жұбы шешеді.
Кеш «Бақыт деген немене?» - атты оқушының өз өлеңімен аяқталды.