Ш?лгчнрин мар?ан: «Й?р?лчин мар?ан

Кичәлин төр: Йөрәлчин марһан
Кичәлин күцл: Хальмг улсин нег эркн сән дурта амн үгин зөөр таньлдулҗ, олн-зүсн эв-арһ олзлҗ, соньмсулҗ, сурһульчнрин келнә көрң байҗаҗ, келлһинь өргҗгүлхмн.
Кичәлин дөңцл: презентац, видео хроника, аудиозапись
Кичәлин йовуд:
Көгҗмин айс соӊсгдна.
Эн җилд кезә хальмгуд Зулан темдглх. (Бар сарин 5-д)
Хальмгуд Зулд ямаран белдвр кенә? (Әмтн кампадь-балтаһан, хәәлмшән, боорцган урдаснь белдх зөвтә)
Насна һол ямаран өвсәр кенә? (йөркг өвсәр кенә)
Өвсиг яһҗ хуһлна? (Өвсиг дөрвн хурһндан кемҗәләд хуһлна)
Күүнә насна то деер кедү өвс тәвнә? (Күүнә насна то деер нег үлү өвс тәвнә)
Юуһар ораһад насна һол кеднә? (Көвӊгәр ораһад насна һол кенә)
Өрүн эрт өрк-бүл яһна? (Өрүн эрт өрк-бүл Зулын цә чанад, дееҗ өргнә)
Шүтәнд ю дееҗ тәвнә? (Шүтәнд цә, боорцг, шикр-балта өмн дееҗ бәрнә)
Кезә цуһар насан авна? (Асхн теӊгрт одд күцхлә, насна оӊһцд белдсн зулан өргәд, цуһар насан авна)
Зул бөкхлә, оӊһц кесн һуйриг яһна? (Зул бөкхлә, оӊһц кесн һуйриг шарад, цугтаднь амсулх кергтә)
Көгшдүд бичкдүдин нас йөрәһәд ю өгнә? (Көгшдүд бичкдүдин нас йөрәһәд, цаһан улан хойр мөӊгәр эс гиҗ кампадь-балтаһар белг өгнә)
Чееҗәр келүлх: «Зулын йөрәл».
Цә шингн болвчн,
Идәнә дееҗ болҗ,
Цаасн нимгн болвчн,
Номин көлгн болҗ,
Буур җил һарч,
Ботхн җил орҗ,
Авсн наснь өлзәтә болҗ,
Өмнкәснь хөөткнь сән болҗ,
Цуһар әмтн амулң эдлх болтха!
2. Чееҗәр келүлх: Хуучн насн бат болҗ.
Хуучн насн бат болҗ,
Шин насн өлзәтә болҗ,
Җил болһн харһцҗ,
Эсрңдән үүнәс байртаһар зулан кеҗ,Амулң эдлҗәхиг олн деедс бурхдӨршәх болтха!
Чееҗәр келүлх: Зулын йөрәл.
Ирҗәх мана зулмднӨлзәтә болтха!
Цаһан хаалһта болтха!
Җил болһн насан авч,
Кен икчудиннь наснд күрч,
Кишгтнь багтҗ йовий.
Бәәсн һазр-усна сәкүсн өршәтхә!
Цуһар насан авч,
Гем- зовлң уга бәәҗ,
Түрү-зүдү уга бәәҗ,
Авсн насндан байрлҗ,
Аав-ээҗдән өлзәтә үрдүд болҗ,
Амулң- менд бәәх болцхай!
Хуучн җилмдн һарч,
Шин җил орҗ,
Оларн байрта- бахта бәәхиг
Олн бурхднь өршәтхә!
4. Чееҗәр келүлх: Зулла тәвдг йөрәл.
Ирҗәх (орҗах) җил
Идх- уухарн элвг болҗ,
Байрта- бахта бәәлһҗ,
Оньдин дөрвн цагтЗулан кеҗ, насан авч,
Насн турштан җирһҗ,
Цуһар эрүл- дорул бәәҗ,
Җил болһн авсн насмднҖигтә кишг учраҗ,
Амр тавар бәәлһтхә!
5 Чееҗәр келүлх: Авсн насн өлзәтә болтха!
Җил болһн «Зулан» кеҗ,
Насан авч,
Сән-сәәхн бәәҗ,
Авсн насн өлзәтә
Цаһан хаалһта болҗ,
Насан авсн бидн цуһар
Гем- зовлң уга бәәҗ,
Бат кишгтә болҗ,
Кен икчүдиннь наснд күрч,
Авсн насан эдлҗ,
Амр- тавар бәәҗ,
Амрч- җирһҗ бәәцхәй!
6. Чееҗәр келүлх: Насна йөрәл.
Хуучн насн бат болҗ,
Шин насн өлзәтә болҗ,
Эн наснд му юмньЦааран йовҗ,
Сәнь нааран эргҗ,
Кезә чигн маңна тиньгр бәәҗ,
Менд- амулң бәәх болый!
Хамг әмтн цуһар
Өсҗ- өргҗҗ,
Ут нас наслҗ,
Оньдин дөрвн цагтОрчлңгин җирһлд
Багтҗ йовтн!
7. Чееҗәр келүлх: Насна Зулын йөрәл.
Җил болһн Зулан кеҗ,
Насна зулдан герл өгч,
Намчлҗ зулдан мөргҗ,
Насан авч байрлый!
Икчүдтән дееҗән өргҗ,
Авсн насан йөрәлһүлий.
Ирсн җилин туршартАав- ээҗән байрлулый!
Насан авсн биднНәр- наадан кеҗ,
Нег- негән йөрәҗ,
Амулң менд бәәцхәй!
Багш: Бичкдүд, ода болхла жюрин гешүд наадна аш һарһх. Мадн болхла хамдан босад наадхм.
Наадн “Махла”
Би “Шарка-барка”