Психологиялы? тренинг : Мені? болаша? ?мірім!

Тренинг: Менің болашақ – өмірім!
Мақсаты: Оқушылырдың бойындағы мазасыздану, қобалжу, үрейді азайтып сәттілікке бағыттау, ерік – жігерін өз қабілетін дамыту. Өздеріне деген сенімділігін арттыру және жағымды көңіл – күй қалыптастыру.
Міндеттері:
өзін – өзі тұлғалық жағымды қабылдауын дамыту;
ішкі жан дүниесін түсінудің мүмкіндіктерін ояту;
ортамен үйлесімді қарым – қатынас жасауға дағдыландыру
Көрнекілік: шарық жіп , 4 ватман, түрлі – түсті маркерлер, сауалнама тарату бетшесі, күн бейнесі (жұмсақ ойыншық)
Тренинг барысы: Оқушылар дөңгеленіп отырады. Әр оқушыға шағындап шарық жіптен үзіп алулары ұсынылады. Сол үзіп алған шарық жіптерін саусағына орай отырып жіп аяқталғанша әр оқушы өздерін қысқаша таныстырып, болашақ өмірлік ұстанымдарын айтады.
Мысалы:
-Мен Жұмағулова Рауза
-Өмірде әрдайым биікке талпынамын.
-Әрдайым өмір ағымынан қалмауға тырысамын.
-Алдағы сынақтардан сүрінбеуге тырысамын.
1. «Мен неге қол жеткізгім келеді!?» жаттығуы.
Мақсаты: Оқушыларды сәттілікке бағыттау, актерлік қабілеттерін дамыту.
Уақыт: 15 минут.
Нұсқау: кішкене уақыт тыныштыққа отырып неге қол жеткізгіңіз келетінін ойланыңыз. Нені үйренгіңіз келеді? Өз ойыңызды ым – ишара арқылы қалай жеткізу жолын ойланыңыз. Қалғандары: сіздің не туралы хабарлап тұрғаныңызды шешеді.
Мысалы: Қандай маман иесі боласыз?
Болашақтан не күтесіз?
Қандай адам боласыз? – өз қолыңызда ...
Талдау:
Басты мақсатты таңдау қиын болды ма?
Осы мақсатқа жететініңізге сенесіз бе?
Ол үшін не істеу керек?
Басқа сыныптастар ойларынан нені ұқтыңыз?
Ойлаған ісіңізге қол жеткізу үшін ...?
2. Сауалнама. «Саған мектеп не берді?»
Мақсаты: Оқушының ҰБТ-ға психологиялық дайындығын зерттей отырып, психологиялық көмек беру, стреске қарсы тұру, өзіне – өзі сенімділігін арттыру.
1.Ұлттық Бірыңғай Тест дайындығыңыз қалай?
а) жаксы ә) орташа б) төмен
2. ҰБТ тапсыруға қатты қобалжып жүрсің бе?
а) Иә, екі алып каламба деп
ә) Иә, пән бойынша тоқсандық бағамдыұстай аламын ба, жоқпа деп.
б) Жоқ, мұғадімдер жауабын беріп, комек жасайды.
3. ҰБТ-дан жақсы үпай алатыныға сенімдісіңбе?
а) Иә ә) жоқ
4. ХI сыныптағы білім деңгеиің калай?
а) үздік ә) озат б) орташа
5. ҰБТ-ға барлық ынта-жігеріңмен дайындаласың ба?
а) иә ә) жоқ
6. Сенің таңдаған мамандығың қандай?
а) ... ә) таңдаған жоқпын
7. ҰБТ-дан қандай ұпай жинауды мақсат етіп қойдың?
а) ... ә) құлап қалмасам болды
8. XI сыныптан кейін білім жалғастыру жоспарың қандай
9. Қалаған мамандығыңа қол жеткізе алмаған жағдайда қосымша баламаң барма?
а) ... ә) жоқ б) әлі ойлаған жоқпын
10. Саған мектеп не берді?
а) білім б) жоо-ға дайындық б) болашақ өмірге дайындық.
3. Шағын топтағы пікірталас
Мақсаты: Қатысушылардың өздерін, өз сенімдері мен көзқарастарын түсінулеріне көмектесу.
Уақыт: 25 минут. Қажетті құралдар: 4 ватман,түрлі-түсті маркерлер.
Нұсқау: 4 шағын топқа бөлініңіздер.Оларға Теңіз. Көл. Өзен. Жылға деген аттар беріледі.
Таймер, хатшы, спикер, басша тағайындаңыз. Қазір сізге пікірталс сұрақтары беріледі. Пікірталаста ой қозғау қағидасы мен топ ережесін сақтаңыз.
Жұмысқа 2 минут беріледі.
Топ тапсырмасы: Өзіне, өз күщіне сенімді адам портретін жасаңыздар.
Топ тапсырмасы: Өзіңіздің көңіл-күйіңізді қандай тәсілдермен көтеруге болады.
Топ тапсырмасы: Емтихандағы стрестік жағдайды қалай түсіруге болады.
Топ тапсырмасы: Емтиханға кірердегі әзірлік үстінде және емтиханда жауап берудегі толқуды қалай жеңуге болады.
4. «Күн сәулелі алқап» жаттығуы
(табиғат әуені ойнап тұрады)
Мақсаты: кедергілерді жою, сенім мен түсіністікке негізделген жылы, достық қарым-қатынас қалыптастыру.
Уақыт: 15 минут.
Қажетті құралдар: күн сәулесі бейнеленген ватман беті, ақ және түрлі-түсті қағаз, қайшы, әртүлі бейнелеу құралдары, жасыл желекті алқап, өсімдіктер.
Нұсқау: Қәне балалар, көзімізді жуып, еркін отырып, кең тыныстайық.
Біздің бөлмеміз қандай жарық. Себебі күннің нұрымен , біздің жүрек жылыуымызбен толықтаған. Көп гүлдер өскен таңғажайып, нұр сәулелі алқапта тұрмыз деп елестетейік.
Міне, сіз жамандық атаулыны білмейтін, жандары мейірімге толы, жүздері сондай жылы, табиғаты керемет, ғажайып мекенде жүрсіз. Тап – таза мөлдір суға шомылып, күн көзіне жылынып, жан-жағыңызға қараңыз. Адамдардың баплығы таныс, өздеріңіздің достарыңыз, туыстарыңыз. Осы мекенде ұлы жетістіктеріңізге жетуге мол мүмкіншіліктеріңіз бар. Онда бақбақ, раушан, қызғалдақ, т.б. түрлі гүлдер жайқалып тұр. Осы жасыл желекті алқаптан әркім өзінің сүйікті гүлін табады. Осылайша, сәлден соң өз-өзімізді жинақтап, терең дем алып, көзімізді жайлап ашайық. Енді қағаз алып қарындаш, не түрлі бояулармен сүиікті гүліңізді салыңыз, бояп, топқа арнап тілек жазып, қиып алып, біздің күн сәулелі «алқапқа» желімдеп орналастырыңыздар.
Қараңдарша, қандай керемет алқап!
Егерде жақындап қарайтын болсақ, тілек оқып, сиқырлы гүлдер хош иісін сезінуге болады:
Талдау:
Бұл жаттығуды орындағаннан кейін сізде қандай сезімдер пайда болады?
Өз көңіл-күйлеріңізбен бөлісізіңіздер.
5. «Келесі кездескенше!» жаттығуы.
Мақсаты: Өзара түсіністік пен сенімді арттыру, қатусушылармен кері байланыс жасау.
Уақыт: 5 минут.
Қажетті құрал: Жұмсақ ойыншық. (Күн)
Нұсқау:Менің қолымдағы сиқырлы күн. Ол жарық , жылу, қуаныш, бүгінгі күн шуағының бақытын шашады. Сіздер бір-біріңізге сиқырлы күн жалғай отырып, бүгінгі тренинг жөнінде өзара алған әсерлеріңізді бөлісесіздер және қатысушыларға өз тілегіңізді білдіресіз.. Біздің бүгінгі тренингіміз аяқталып келеді.Міне, енді қоштасатын сәтте жетті. Күн шуағы әрдайым бізге жылу береді , ал адам жақсы арқылы жылу тартады. Менің қолымдағы сиқырлы күнді бір-бірімізге беру арқылы жылы сөздер айтып тренингті біз келесі кездескенше сау болыңыз деп тараймыз.
Мен осы күн бейнесін қолыма алып сіздерге тілейтінім: Өміріңіз ғажайып мекеннің табиғатындай, жақсылыққа, бақытқа, қуанышқа, байлыққа толы болсын!