Урок по изобразительному искусству на тему Геометриялы? денелер

Пән: Бейнелеу өнері 5-сынып
Тақырыбы : Натюрморт «Геометриялық денелер».
Мақсаты :
Білімділік: Натюрморт туралы түсінік беру, натюрморттың құрылымын көрсетіп, оқушыларды сауатты сурет салуға үйрету.
Дамытушылығы: сурет салудың заңдылықтарын меңгерту арқылы, заттың жарық пен көлеңкесін, пішінін дұрыс салу жолдарын үйрету. Оқушыларды көзбен елестете біліп, дұрыс бейнелей білуге баулу.
Тәрбиелігі: ұқыптылыққа, тазалыққа тәрбиелей келе, эстетикалық тәрбие беру.
Пәнаралық байланыс: геометрия,сызу.
Сабақтың барысы: I Ұйымдастыру бөлімі
II Үй тапсырмасын қайталау
Өткен тақырып бойынша оқушылардың теориялық білімдерін сұрақ қою арқылы анықтап,бағалау
III Жаңа сабақ:
Бүгінгі сабақта екі заттан құралған натюрмортпен танысып, үшбұрыш пен цилиндірді бейнелейміз. Сондықтан да жаңа сабақты мұқият тындап қатысып отырайық.
-14732029210000
Натюрморт-бейнелеу өнерінің бір жаныры болып табылады. Натюрморт – француз сөзі, дәл мағынасы «өлі табиғат» деген ұғымды білдіреді. Натюрморт алғаш рет 17-ғасырдың басында Голландияда пайда болды. 18 ғасырдың ортасында бейнелеу өнеріндегі көп тараған жанрға айналды. Негізінен натюрмортта заттар саны көп болуы міндетті емес. Олар тақырыбына, мазмұнына байланысты өзара үйлесімді таңдалып қойылады. Сондықтан натюрмортты қарапайым қарындаш арқылы бейнелеуде сурет салу ережелеріне сүйенген дұрыс.
Натюрморттағы заттарға қарап жарық пен көлеңкенің алып жатқан орындарын анықтап, олардың шекараларын белгілейміз. Суреттің өзін айқындағанда заттың ең жарық, ең қаранғы жерін анықтап алу керек. Яғни рендік қатынасты дұрыс айқындауға үйрену керек. Затты штрихтауды меншік ті көлеңкеден бастаған жөн.
Меншікті көлеңке дегеніміз - заттың сәуле түспеген бетінде пайда болған көлеңке.
Жарық деп – табиғи сауле мен жасанды жарық түскен бетті айтамыз.
Жылт дегеніміз – жарықтың аса мол мөлшерде түскен жері.
Түспе көлеңке дегеніміз – нақты бейнеленген заттан жазықтықтың бетіне түскен көлеңке.
Жартылай көлеңке дегеніміз – меншікті көлеңке арасында пайда болған көлеңке.
Рефлекс дегеніміз – заттың меншікті көлеңкесінің шет жағында, артқы жазықтық арасында пайда болған көмекші жарық тәріздес құбылыс.
Штрих дегеніміз – көптеген, біріктес сызықтардың жиынтығы.
Бүгінгі сабақта не үйрендік ? Бүгінгі сабақ ұнады ма ?
IV. Практикалық жұмыс.
Екі геометриялық денеден тұратын натюрморт саламыз.
V.Сабақты қорыту: сұрақ жауап әдісі
VI. Үйге тапсырма: мазмұндау, аяқтау
VII. Бағалау.