Же?іс к?ніне арнал?ан мерекелік ерте?гілігі
Жеңіс күніне арналған мерекелік ертеңгілігі
(Балалар марш екпінімен қолдарында гүл, жалаушалар ұстап кіреді. Орындарына отырады.)
Жүргізуші:
1941 жылы 22 маусым күні Ұлы Отан соғысы басталады.
Фашистік Германия қарақшылықпен Совет Одағының шекарасын бұзып, басып кіреді. Ұлы Отан соғысы басталады.
Бала: Сен шақырсаң отаным, өмірің ортақ маған да
Төгіп күйдің нөсерін, домбырамды алам да
Айнала жас нөкерің, мен де барам қалам ба
ЖабаевБалалар «Аязда да тонбаймыз » әнін орындайды
Жүргізуші: Соғыстың алғашқы күндерінен бастап-ақ Совет халқы жан тәнімен Отанын қорғады. Әрбір ауыл, әрбір қала үшін ұрыс болды, қан ішер неміс басқыншыларымен еліміз аянбай шайқасты.
Бала:Отаным еркелеймін өзге кімге
Өзіңмен нені болса көрем бірге
Қалайша қабырғама батпас менің
Басыма қатер бұлты төнген күнде.
Жүргізуші: Ленинград халқының саны 4 миллион 400 мың. Түгелімен жау қоршауында қалды. Қала халқы 900 тәулік бойы қоршауда болғанымен, туған қаласы үшін аянбай соғысты. Ер жүрек ленинградтықтар өз қаласын жаудан қорғап қалды. 1944 жылы қаңтарда батыр қала Ленинград жаудан азат етілді.
Бала:Жаралғандай жалыннан
Жайсаң батыр Бауыржан
Естігенде есімін, жау есінен жаңылған
Бала:Бұзып жарып, қоршауды
Жолсыз жерден жол салды
Достары түгіл ерлігін
Қасы да естіп, тамсанды.
Балалар «Гүлдер» биін орындайды.
Жүргізуші: Фашистердің түпкі мақсаты елімізді басып алу еді. Отанымызды бүкіл ел қорғады.
Бала: Бауыржан, Мәлік, Талғаттар
Сүйікті болып қалды аттар
Олар аттас қаншама
Сәби бар, шәкірт, солдат бар.
Бала:Аттары әнге ұласқан
Нүркен боп ашық тұр аспан
Табылар Мәншүк, Әлия
Қарасаң әрбір алаңнан
Бала:Әпкеміз деп жүреді
Атын аңыз жыр қылып
Елдің батыр түлегі
Әр жүректе тұр күліп
Ән «Елімнің ертеңгі иесі біз»
Жүргізуші: Қазақстандықтардан құралған генерал Панфилов атындағы 8-ші гвардияшы атқыштар дивизиясы жауынгерлердің ерлігі Ұлы Отан соғысының тарихына алтын әріппен жазылды
Панфиловтың өзі кіріп
Күркіреді күнше бүгін
Тас талқаны шығып дүлей
Күл боп танк қалды қырда
Өтті зәулім дүниедей
28 жатты тұлға
Қазақтын батыр өрімдей қыздары ерлікпен жаумен алысып, қаза тапты. Әлия мен Мәншүкті біз ұмытпай әрдәйім есте сақтаймыз. Әлия мен Мәншүктің ерлігін әнге қосып шырқап жүреміз. Жауынгер батыр атанған Бауыржан Момышұлы, Төлеген Тоқтаров, Талғат Бегилдинов, Нүркен Әбдіров, Мәлік Ғабдуллин, т.б батырларымызға бас иеміз деп тағзым етеді.
Ойын «Ұлдар»
Жүргізуші: Батыр қалалар даңқтары арта берсін! Ленинград, Москва, Новороссийск, Тула, Керчь, Одесса, Брест қалалары үшін шайқасқан ерлерге бас иеміз.
Бала:Көп қой батыр ағалар, халық сүйіп бағалар
Көп қой батыр ағалар, жаттап алар балалар.
Бала: Әлия, Мәншүк аттары әнге айналаған
Әлия, Мәншүк қос жұлдыз көкте жайнаған
Жүргізуші: Ал балалар, ойын ойнауға қалай қарайсыңдар.
Ойын «Медбикелер »
Бала: Жерден, көлден, аспаннан, соқты, жауды ел күнде
Берлинде алғаш басталған, бітті соғыс Берлинде
Балалар «Жаса Қазақстан» әнін орындайды. Жүргізуші: Масқара соғысты бастаған фашистер 1945жылғы 9 мамырда Берлинде сөзсіз тізе бүкті. Ауыр жылдар артта қалды. Жер бетінде бейбітшілік орнады.
Біздің Ұлы Жеңісіміз көктем боп
Көңілдерге шұғыласын төккен боп
Адал ниет адамзатты қуантып
Жеңіс күні тұрады ылғи нұр балып!
Жүргізуші:Осымен Ұлы Жеңіс күніне арналған ойын сауық кешіміз аяқталды. Балалар топқа барады.