«Жол т?ртібін са?тайы?!» та?ырыбында жалпы мектепшілік мерекелік іс-шара

Тақырыбы: «Жол тәртібін сақтайық!»
Мақсаты: Оқушылардың жолда жұру ережесімен таныстыру ережелерді есте сақтауға үйрету, жол қауыпсіздігін, өз өмірлерін сақтай білуге тәрбиелеу.
Көрнекілігі: бағдаршам, жол белгілері, сызылған жол.
1-жүргізуші:
Құрметті оқушылар, «жолда жұру ережелерін қаншалықты білеміз», «оларды қалай меңгергенбіз», «өз өміріміздің қауыпсіздігін сақтай аламыз ба» - сол жөнінде ой бөлісейік. Сонымен қатар жолда дұрыс жүрудің үлгісін көрсетейік.
2-жүргізуші:
Оқушылар, бүгінгі біздің «Жол тәртібін сақтайық!» атты мерекелік іс-шарамызға мемлекеттік автоинспекция қызметінен жас автоинспектор келіпті. Біз оны ортаға шақырып, сөз кезегін берейік.
Автоинспектор:
Сәлеметсіңдер ме балалар! Сендер алдымен менің жұмбағымды шешіп беріңдер:
Сөйлеуді ол білмейді,
Бірақ «тоқта», «жүр» дейді.
Оқушылар:
Бағдаршам!
Автоинспектор:
Жарайсыңдар, оқушылар!
1-жүргізуші:
Автоинспектор мырза, біздің оқушыларымыз жол ережелері туралы көптеген өлең-тақпақтар біледі. Ендігі кезекті оқушыларымызға берейік.
Арманға алда күткен асығамыз,
Біз қалай толқын атпай басыламыз.
Жол жүру ережесін жақсы біліп,
Сақтыққа тұра алатын жас ұландармыз.
Жалғайтын достастырып бар елменен,
Жолдардан тұрады ғой әлем деген.
Бүгінгі бізге келген қонақтарға,
Іс-шарамыз басталсын сәлемменен.
Ал, қанеки, үйренейік біз де жүру тәртібін,
Ережені жақсы білер бар кімің?
Кім айтады, жол белгісі неше түрден тұрады?
Өздеріңе қойылатын бұл – алғашқа сұрағым.
(сол кезде сахнаға бағдаршам және жол белгілерін ұстаған балалар шығады)
1-жүргізуші:
Бағдаршам – өмірімзді жазымнан сақтандыратын көмекшіміз. Оның сырын біліп, тілін алу баршамызға керек. Оны дұрыс білу үшін мен сендерге жол белгісі болған бағдаршам туралы ертегі айтып берейін. Ерте – ерте, ертеде, ешкі жүні келтеде сиқырлы түстер деген жанұяда үш ағайынды түс өмір сүріпті. Олар ылғи кім күшті деп бір-бірімен айтысады екен.
Қызыл түс айтады: «Мен күштімін, от болып жанамын, от сияқты қызарамын. Отсыз адам өмір сүре алмайды», - дейді екен.
Сары тус айтады: «Жоқ мен күштімін. Күн сияқты жалтыраған сарымын. Сенен мен күштімін», - депті.
Жасыл түс айтыпты: «екеуңденде мен күштірекпін. Өйткені мен шырса сияқты жап-жасылмын», - депті.
1-жүргізуші:
Үшеуі шешімге келмеген соң сол кезде бағдаршам патша болыпты. Үш ағайынды түстер содан ақыл сұрап барыпты. Сонда бағдаршам патша айтыпты: «Үшеуіңде күштісіңдер, ешкім жаман емес. Сендер маған үшеуіңде уәзірлерім боласыңдар. Менімен бірге патшалық етесіңдер», - депті.
Содан бері мыңдаған жыл өтіпті. Бағдаршам көшеде уәзірлерімен бірге
патшалық етеді екен. Көшедегі машиналар, адамдар жолдан өткенде,
жүргенде бағдаршам мен уәзірлеріне бағынады екен.
2-жүргізуші:
Ендігі кезекті бағдаршам туралы дайындалған бейне материалға берейік.
2-жүргізуші:
Автоинспектор мырза, біздің балалар көліктер туралы көп мағлұмат біледі.
Автоинспектор:
Қане ендеше назар аударайық.
(осы кезде велосипед қоңырауы естіледі, велосипедмен бала келеді, тежегішті басып, инспектор мырзаға ұрылап тоқтайды)
Зуылбек:
Әй, жолда барың неге иіріліп тұрсыңдар? Велосипед келе жатқанын көрмей тұрсыңдар ма? Қағып кетсем қайтесіңдер, ә?
Автоинспектор:
Велосипедіңнің болғаны жақсы екен . ендеше біздің жолда жұру ережесіне арналған жиынымызға қош келдің! Ол ережелерді сен де білуің керек. Балалармен таныс бол. Сенің есімің кім?
Зуылбек:
Менің атам Зуылбек. Велосипедмен ылғи зуылдап жүремін. Сондықтан балалар мені осылай «Зуылбек» деп атап кеткен. Ал мынау белгілер көшеде қаптап тұр, мен оларды біліп қайтем? Велосипедті мен бұларсыз –ақ зуылдатамғой.
(қызыл жолақпен көмкерілген дөңгелек белгідегі велосипедті көтереді)
Әй мынау қандай белгі? Мынау менің велосипедім емес пе? Мен үшін жасалған белгімен, оны мен үшін арнайы жасаттырдыңдарма?
Автоинспектор:
Иә, Зуылбек, сен үшін. Бұл белгінің аты – «Велосипед жүрмейді!»
Зуылбек:
Не, жүрмейді. Тапқан екенсіңдер! Зуылбектің жүрмейтін жері жоқ, білдіңдер ме? Мен үшін көше де, саяжай да, арық та, аула, лүлзарлар да – бәрі ашық. Әлгі сендерше айтқанда қалай еді... маған үнемі «Жасыл жарық».
(сақтандыру белгісін ұстаған балаға жақындап, жан-жағына қарайды.)
Зуылбек:
Мұны да белгі дейді –ау! Әй, көшеге пәтер үшін жылу белгісі не үшін керек?
Автоинспектор: (күліп)
Зуылбек – ау, бұл да саған керек белгі. Айталық , сен велосипедпен зуылдап келесің дейік. Қарсы алдыңнан осы белгі кездесті. Ендеше, алдыңда «шлакбаум бар, теміржол бар» деген сөз. Ұқтың ба?
Зуылбек:
А-а-а-а... (қолын сілтеп). Бұл белгінің де қажеті бола қоймас, салдырлап-гүлдірлеп пойыз жеткенше зу етіп те үлгеремін.
(адам салынған нұсқау белгісінің жанына тоқтай қалады)
Ал мынау белгі не үшін керек?
Автоинспектор:
Қара, «Адамдар өтеді».
Зуылбек:
Велигім тұрғанда мұны қайтем?
(велосипедін келген жағына бұрады)
Автоинспектор:
Жолда жүру тәртібінің ережесін Зуылбекке үйретейік, мынау
Бағдаршам
Сақтандыру, ескерту белгісі
Тыйым салу белгісі
Міндеттеу белгісі
Нұсқау (көсеткіш) белгісі
Оқушылардың өлеңдері:
Зуылбек :
Балалар, сендерге көп-көп рахмет, мен зуылдайын. Сау болыңыздар! Сау болыңыз, аға автоинспектор! (кетеді)
1-жүргізуші:
Оқушылар, сендер бұл белгілерді біліп жүріңдер. Ал енді қауыпсіздік ережелерін мына тұрған балалардың есіне салып көріңдер.
Жолдан жаяу жүргіншілерге арналған жерден өт.
Егер жолдан өтуге үлгермесең, орталық сызықта немесе «Қауыпсіздікаялдамасында» тоқта да, бағдаршамның жасыл түсі жануын күт.
Жолдан өтерде алдымен – солға қара, ал бөлгіш жолақтан кейін оңға қара.
Жолдан бағдаршамның тек жасыл түсі жанғанда ғана өт.
Егер жаяу жүргіншілерге арналған жол болмаса, жаяу жүргінші жолдың шетімен қозғалысқа қарсы жүруге тиісті.
Жолдың машина жүретін бөлігінде ойнауға болмайды.
Келе жатқан машина алдынан жолды кесіп жүгірме .
Автобустан түскенде, артымен айналып өту керек.
2-жүргізуші:
Ал, балалар, міне, сендер жолда жүру ережесін еске түсіріп, жолдан өту қауіпсіздігін сақтауды үйрендіңдер. Жолда, көшеде барлық ережелерді есте сақтаймыз ба?
Автоинспектор:
Рақмет, жарайсыңдар, балалар! Сендер үшін қуаныштымын. Көше тәртібін қарау үшін қызметіме кеттім. Сау болыңдар, оқушылар.
2-жүргізуші:
-сізгеде рақмен автоинспектор мырза, біздің мерекелік іс-шарамызға келіп, оқушыларымызға жол ережесі туралы қызықты мағлұматтар беріп, ақыл-кеңес айтқаныңыз үшін сізге алғыс айтамыз. Жұмысыңызға табыс тілейміз.
1 – жүргізуші:
Қай көшеде, қалаға барсаңыз да,
Қай ақыл өлшеміне салсаңыз да ,
Жолда жүру ережесі заңды тәртіп,
Ол – ортақ, үлкен-кіші, баршамызға.
Бастаар әр қадамың аттауменен,
Жолда жүру ережесін сақтауменен, - дей келе, бүгінгі мерекелік іс-шармызды аяқтаймыз.
2-жүргізуші:
ОҚО білім, жастар саясаты және тілдерді дамыту басқармасы Сайрам көмекші мектеп – интернаты коммуналдық мемлекеттік мекемесі
Жалпы мектепшілік мерекелік іс – шара
Тақырып:

Дайындағандар: Джумабаев Д
Джуманова О