Конспекты уроков по географии для 6-го класса

Күні : 19.11
Сабақтың тақырыбы: Жер қыртысын түзетін тау жыныстары
Жалпы мақсаты: Жер қыртысын түзетін тау жыныстары туралы түсінік беру, шөгінді және магмалық, метаморфтық тау жыныстары туралы өз бетімен оқытып, талдату. Тау жыныстары туралы өз ойын еркін айтуға үйрету,сабаққа деген қызығушылығын арттырып, ұйымшылдыққа тәрбиелеу.
Оқу нәтижелері: Ақпаратты өз бетімен оқу және талдау, топта меңгерілген ақпаратты түсінікті жеткізе білу,имәтінмен өз бетінше жұмыс жасау дағдысын дағдысын қалыптастыру, топ мүшелерін тыңдау, ақпаратты қысқа да нұсқа тұжырымдай білу.Өзіндік пікір қалыптастыру.
Түйінді идеялар: Жер - біздің анамыз.
Жаттығулар: 1.Тренинг. Әрбір оқушы өз атын айтып, оған сол әріптен басталатын сын есім қосып айту керек.
Оқушыларды топқа бөліп, топ ережесін белгілеу. Топ басшысын сайлау.Топ бақылаушысын белгілеу.
2. Қызығушылықты ояту.
"Теннис үстелі" әдісімен әрбір топтан 2 оқушыдан шығып бір - біріне сұрақтар қойды. 2 - топқа «Жер қыртысы» сөзіне ассоциация жасату.
3.Мағынаны ашу. «Біреуі - үйде, үшеуі - қонақта» әдісі бойынша оқушылармен топтық жұмыс жүргізіледі
Жүзеге асыру қадамдары:
1.Сабақтың тақырыбы мен мақсаты анықталды.
2 . 4 адамнан "үй" тобына бөлу. Әр топ 1,2,3,4 деген өз нөмірлерін алады.
3.Әрбір оқушы сабақ соңына дейін тақырыптың мәнін түсінуі керек.
4.Топ ішінде әр оқушыға жеке нөмір беріледі.
5. Үй тобында мәтінді оқып оны жұпта, топта талқылау, басқа топқа қалай жеткізетінін анықтау.
6. Белгі берілген уақытта топтың бір мүшесі келесі топтың біреуімен алмасып, өз тобында талданған мәселені келесі топқа баяндайды.
7.Топ өз жұмысын басқа топтың мүшесінің айтылған ойымен салыстыра отырып қорытындылайды.
4.Рефлексия. Синквейн.
5. Кері байланыс. Бағалау парақтары толтырылды.
Бірлескен жұмысқа негізделген тәсіл: Топпен жұмыс,өлең жолдарын құрастыру, мәтінді "Біреуі - үйде, үшеуі - қонақта" әдісімен талдау.
Құрал - жабдықтар: маркерлер, оқулық, магнит тақтасы
Дереккөздер: География оқулығы.
Оқуға арналған тапсырма: Үйге тапсырма: «Жер қыртысы» туралы толығырақ зерттеу. Суретін салу,интернеттен қосымша мағлұмат жинау.
Күні : 10.12
Сабақтың тақырыбы: Мұхит түбіндегі таулар мен жазықтар
Жалпы мақсаты: Мұхит түбіндегі таулар мен жазықтар тақырыбын өз бетімен меңгерту. Өз ойын еркін айтуға үйрету,сабаққа деген қызығушылығын арттырып, ұйымшылдыққа тәрбиелеу.
Оқу нәтижелері: Тақырыпты жан - жақты талдау, әр түрлі ойлау дағдыларын жүзеге асыру, тақырып бойынша рефлексия жасауға үйрету, ұсынылған проблема бойынша өз ойын шығармашылық тұрғыдан жеткізе білу.
Түйінді идеялар: Жердің бетінде емес жер астында да таулар мен жазықтар бар.
Жаттығулар: 1.Тренинг. Салфеткалар мен фигуралар. Қанша салфетка алса, сонша өзі туралы мағлұмат беру, фигураларға қарай топтастыру.
Оқушыларды топқа бөліп, топ ережесін белгілеу. Топ басшысын сайлау.Бағалау критерийлерімен танысу.
2. Қызығушылықты ояту. «Жазықтар» туралы бейне көрсетілді. 3.Мағынаны ашу.
Үй тапсырмасы «Кубизм» әдісі бойынша жүргізіледі. Әрбір оқушы кубикті лақтыра отырып, өзіне түскен нөмірге сай сұрақ алады. Әрбір оқушыға 2 минуттан сөйлеуге уақыт берілді.
Жаңа сабақ "Алты қалпақ" әдісі бойынша жүзеге асырылады.
Жүзеге асыру қадамдары:
1.Ақ қалпақ - проблемаға қатысты деректер келтіреді.
2 .Сары қалпақ - сәтті кезеңдерді айтады.
3.Қара қалпақ - сәтсіз кезеңдерін айтады.
4.Көк қалпақ - талдау жасайды. Неге? Не үшін? Неге байланысты сұрақтарына жауап іздейді?
5. Жасыл қалпақ - шығармашылық болжамдар айтады.
6. Қызыл қалпақ - тақырып бойынша алған әсерлерін баяндайды.
7.Топ жұмысын презентациялау.Автор орындығы.
4.Рефлексия. жасаған жұмыстарын критерийлер арқылы бағалау.
Бірлескен жұмысқа негізделген тәсіл: Топпен жұмыс, мәтінді "Алты қалпақ" әдісімен талдау.
Құрал - жабдықтар: маркерлер, оқулық, түсті қалпақтар
Дереккөздер: География оқулығы.
Оқуға арналған тапсырма: Үйге тапсырма: «Мұхит түбіндегі тіршілік» туралы интернет желісінен қосымша ақпарат жинау.
Күні : 10.03
Сабақтың тақырыбы: Мұхиттар мен теңіздердің адам өміріндегі маңызы
Жалпы мақсаты: Мұхиттар мен теңіздердің адам өміріндегі маңызын өз бетінше оқыта отырып таныту,мәтінге қатысты сұрақтар қоюға үйрету, қарым - қатынас жасауға үйретіп, сабаққа деген қызығушылығын арттырып, ұйымшылдыққа тәрбиелеу.
Оқу нәтижелері: Ақпаратты өз бетінше меңгереді және ойлайды, талдайды, сараптайды, бағалайды, жаңа тақырыппен ықыласты жұмыс жасайды, таным әрекетінде коммуникативті қатынасты іске асырады.
Түйінді идеялар: Адамзаттың табиғатсыз күні жоқ, мұны айтуға табиғаттың тілі жоқ.
Жаттығулар: 1.Тренинг. Мен өзіме және басқаларға тілеймін.
Оқушыларды топқа конфеттер тарату арқылы бөліп, топ ережесін белгілеу. Топ басшысын сайлау.
2. Қызығушылықты ояту. «Жіңішке және жуан сұрақтар» кестесін толтыра отырып, ол сұрақтарды бір - біріне қойғызды. Әрбір оқушы кімге сұрақ қоятынын өздері таңдады.
3.Мағынаны ашу. Жаңа сабақ «балық қаңқасы» әдісі бойынша жұмыс жүргізіледі
Жүзеге асыру қадамдары:
1.Мәтінді әр оқушы жеке оқиды.
2 . Оқу үрдісінде қаңқаның басында мәтінде қарастырылатын проблема анықталады.
3.жоғарғы қосымша бұтақтарында проблеманың себебі белгіленеді, ал төменгі сүйекшелерінде оқу барысында себепті нақтылайтын дәйектер жазылады.
4.Балықтың құйрығында қорытынды жазылады.
5. Жұпта, топта талқылау
6.Топ жұмысын презентациялау.
4.Рефлексия. Өзін - өзі бағалау парағын толтырады.
Бірлескен жұмысқа негізделген тәсіл: Топпен жұмыс,мәтінге талдау жасалады, ынтымақты қарым - қатынас жүргізу.
Құрал - жабдықтар: маркерлер, оқулық, магнит тақтасы
Дереккөздер: География оқулығы.
Оқуға арналған тапсырма: Үйге тапсырма: реферат жазу.
Күні : 11.03
Сабақтың тақырыбы: Өзендер
Жалпы мақсаты: Өзеннің бастауы, сағасы, арнасы, аңғары туралы түсінікті өздеріне анықтату, мәтінге талдау жасата отырып, мәтінді өз бетімен меңгерту, ұйымшылдыққа тәрбиелеу.
Оқу нәтижелері: Мәтінді оқыта отырып, таным үрдісін жүзеге асыру, топпен жұмыс барысында ынтымақты қарым - қатынас қалыптастыру. Өзеннің адам өміріндегі маңызын танытып, табиғатты сүюге тәрбиелеу
Түйінді идеялар: Бұлақ көрсең, көзін аш.
Жаттығулар: 1.Тренинг. Менің сүйікті атым.Әрбір оқушы өзінің сүйікті атын айтып, допты келесі оқушыға лақтыруы керек.
Оқушыларды Машаның суретін тарату арқылы 2 топқа бөліп, топ ережесін белгілеу. Топ басшысын сайлау.Топ бақылаушысын белгілеу.Бағалау критерийлерімен танысу.
2. Қызығушылықты ояту. «Өзен» сөзіне ассоциация жасату.
3.Мағынаны ашу. «Қалам столдың ортасында » әдісі бойынша оқушылармен топтық жұмыс жүргізіледі
Жүзеге асыру қадамдары:
1.Оқушыларға сұрақтар қою
2. Шағын топтарға бөлу.(дөңгелек үстел)
3."Дөңгелек үстел ережесін белгілеу".
- әрбір сөйлеуші ортаға қаламын қою арқылы өз қатысымын белгілейді.
- топтағы барлық оқушының қаламы ортада жатпаса, қатысушы қосымша өз ойын айта алмайды.
- оқытушы үстелде жатқан кез - келген қаламды ала сала, кез - келген қатысушының оның қандай "үлесі" бар екенін сұрай алады.
4.Қабылданған ережеге сәйкес "дөңгелек үстел" басында проблеманы талдау.
5. Кіші топтарда болған әңгімені түйіндеу. Жұпта, топта талқылау
6.Топ жұмысын презентациялау.
4.Рефлексия. Оқушылар бағалау парағын толтырып, топ басшысы топтың әрбір мүшесін бағалайды.
Бірлескен жұмысқа негізделген тәсіл: Топпен жұмыс,өз ойын ортаға салу, постер толтыру, мәтінді "Дөңгелек үстел" әдісімен талдау.
Құрал - жабдықтар: маркерлер, оқулық, постерлер, магнит тақтасы
Дереккөздер: География оқулығы.
Оқуға арналған тапсырма: Үйге тапсырма: «Өзен» туралы қосымша материал жинау.