Та?ырыбы: «К?рікті к?ктем аруы».

«КӨРІКТІ КӨКТЕМ АРУЫ»! САЙЫСЫ
Зал іші мерекеге сай безендірілген. Әсем музыка ойналып тұрады.
Тақырыбы: «Көрікті көктем аруы».
Білімділік: Қыз балалардың жан дүниесіндегі көркемдік талғамын қалыптастыру.
Дамытушылық: Балалардың танымдық және шығармашылық қабілетін, эстетикалық талғамын, шеберлігін дамыту.
Тәрбиелік: Көпшілік алдында өзін - өзі ұстай білуге, әдептілікке, мейірімділікке, сұлулыққа тәрбиелеу.
Жүргізуші: Армысыздар, құрметті әріптестер, аяулы ата – аналар, көрікті қыздар. Көктемнің алғашқы 8 - наурыз мерекесі құтты болсын!
Өмірдің иесі сен ғана ғазиз ана,
Келтірген дүниеге нелер дана.
Анасыз батыр да, жоқ ақын да жоқ,
Өмірдің алтын кілті сонда ғана.
Деп жырлағандай бүгінгі ортаңғы топ бүлдіршіндерінің « Көрікті көктем аруы» қыз сыны сайысына қош келдіңіздер!
Қыз сыны, қыз өнері, қыз әдебі,
Тал бойына жарасқан күлкі әлемі.
Бір көріп таң қалдырмай сахнада,
Өмірде сақталсыншы бұл әдебі - деп ару қыздарымызды ортаға қошаметпен шақырайық.
Садуақас Кәусар
Боранбай ЕркеназТажен Нұрасыл
Алпысбаева АйзереАсқарова АдияЖиенбай ИнабатЕр балалар қыздарды ортаға алып кіреді. Қоржыннан реттік нөмірлерін суыру.
Жүргізуші: Өнерпаздар өнерін салыстырып,
Бәйге үшін терлетер шабыстырып.
Әділдікті қолдайтын баға беріп,
Жіберейік әділқазыларды таныстырып.
Жүргізуші әділқазы алқаларымен таныстырады.
Сайыс 5 - бөлімнен тұрады.
1. Таныстыру. Байқауымыздың бұл бөлімінде аруларымыз өзін - өзі таныстырады. Бұнда аруларымыздың көркемдігі және сырт сымбаты, жүріс - тұрысы сынға түседі.
2. «Өнерлі өрге жүзеді» Бұл бөлімде аруларымыз өз өнерлерін көрсетеді.(ән айту, би билеу, ертегіден үзінді т. б. өнерлерін көрсетуге болады.)
3. «Қол өнер» Ару қыздарымыз бен аналарына берілетін тапсырма «Шеберлік» деп аталады. Аналары мен қыздарымыздың өз қиялдарыңыздан туңан шеберлігін көреміз.
4. «Қыздарға әсемдік жарасады» Сән үлгісін көрсету.
5. «Сұрақ-жауап». Қыздарымызға сұрақтар беріледі, дұрыс, мүдірмей жауап беру.
1. Жыл мезгілдерін ата2.Геометриялық пішіндерді ата3. Қазақстанның тұңғыш президенті кім?
4. Рәміздерді ата5.Балабақшамыздың және тобымыздың аты қалай аталады?
Жүргізуші: Сайысымыздың алғашқы бөлімі «Таныстыруға» кезек берейік.
Өнер қуып арулар өтер дейміз,
Бір басына өнері жетер дейміз.
Сайысқа түскен қыздар кезектесіп,
Өздерін таныстырып өтер дейміз.
1.Тажен Нұрасыл
Көктем келді жайнаған
Құлпырды күнім айналамҚызғалдақтай құлпырып
Алдарыңа шығып тұрНұрасыл атты гүл балаң.
Ертегі, жырын жаттаған
Ата-әжем үшін мақтанам
Бал бөбегін баптаған
Аман болсын ақ мамам!
Құтты болсын мерекеҚұтты болсын наурыз той.
Болсын елде береке
Орындалсын асыл ой.
Боранбай ЕркеназАлпысбаева АйзереҚазақтың қызымын мен айзере аттыБиші болам шығаратын қазақ атын,
Тал шыбықтай бұралып билеймін мен
Қол соғып риза болсын дүйім жұртым
Жекейдің баймырзасы әкем ЕркінНағашым Тілеу, Қабақ емес тегінЖеңіп шық, жүлде алып «Ару» атанДеп батасын берген еді екі атам.
Ақтаймын ақ батасын қос атамның
Ата-анам мен әжемнің ақ арманынСәттілік тілеймін мен достарымаҚатысқан көктем аруы сайысына.
Жиенбай ИнабатАсқарова АдияЖүргізуші: Ендігі кезекте « Өнерлі өрге жүзер» бөліміне ару қыздарымыз дайын болғанша ер балаларымызға кезек берейік.
1 - бала: Ә. АлиханСенен өскен балалар,
Батырлар мен даналар.
Құттықтаймыз мейраммен,
Құрметті ата - аналар!
2 - бала ДарынАналарды сүйеміз,
Сөзін ойға түйеміз.
Әрқашан біз ардақтап,
Әжеге бас иеміз.
3 - бала МейірімжанАна дейміз бәріміз де аңқылдап,
Ана дейді жас сәби де жарқылдап.
Ана деген бәйтерегі өмірдің,
Ана деген – алтын қазық, алтын бақ.
4 – бала Дияр
Әлпештеген әжем қымбат
Қамқор болған анам қымбат
Бірге ойнаған досым қымбат
Қөмектескен інім қымбат
Білім берген ұстаз қымбат.
2 – бөлім: Өнер көрсету.
Жүргізуші: Жадырап сәуле бейне күн дидары.
Бұлбұлдай дауысыңмен ән силашы,
Күй тартып, би де биле, өлең оқы
Аруға қай өнер де жарасадыАруларымыз келесі бөлімге дайын болғанша ер балаларымыздың
Биін тамашалайық.
3 – бөлім. «Қол өнер»
Жүргізуші: Құйылған ақ сезіммен дара шыңдай
Жүрегі арулардың ақылға бай.
«Ана көрген тон пішер» деген бабам
Шеберлігі бұл қыздардың таң қалғандай.
Қыздарымыздың өз қиялдарымен жасаған жұмыстарын тамашалау.
Келесі ер балаларымызға кезек берейік.
5 – бала: ЖанельАнам мені Айым – дейдіМен мұңайсам уайым жейдіАнам мені «Күнім» - дейдіМен қуансам күлімдейді.
6 – бала: Нұрхан
Таусылмайды өлеңі
Күнде айтып бередіБарған сайын бір жаққа
Кәмпит алып келедіӘжем мені өйткені
Өте жақсы көреді.
7 – бала: Самғат
Ана өмір мәңгілік
Жүзі нұрлы таң күліп.
Ана өмір әркімнің
Көкірегінде жанды үміт.
8 – бала: Ақжол
Еркелесем күлімдейтін
Ұрысқаны білінбейтін.
Маңдайымнан иіскеп менің
Құлыншағым, күнім дейтін.
9 – бала: Ислам
Жақсы көрем күлкіңдіАйналайын ақ мамам
Менің мамам сүйкімді
Бәрінен де жақсы адам10 – бала:
Мамаларды сүйеміз
Сөзін ойға түйеміз
Әженіде ардақтап
Әдеппен бас иеміз.
11 – бала: АлдиярӨзіңсің өмірдегі бар ардағым
Жыр жаздым, тұңғыш саған, ән арнадым.
Анашым айтарым көп, тіл жетпейді.
Бір сендей асыл жанды таба алмадым.
12 – бала: ДиасӘжем менің әдемі
Ұнайды сөз мәнері
Еркелетіп біздердіҮлгісі оның мәуелі.4 – бөлім: «Сән үлгісі»
Жүргізуші: Сұлулық табиғаттан басталады,
Көктеммен олар бірге шаттанады.
Бәйшешектей құлпырып, гүлдей жайнаған.
Сүйкімді қыздарымызды ортаға шақырамыз.
13 – бала: Қ. АлиханЕркелесем күлімдейтін
Ұрысқаны білінбейтінМаңдайымнан искеп менің
«Құлыншағым күнім» дейтін14 – бала Кәусар З
Менің әжем жыр әжем
Шуағы мол нұр әжем
Ақ таяққа сүйеніпАман-есен жүр әжем
15 – бала:АйназАйналайын анашымАялайсың бағасың
Сен үшін балаларменӘн шырқайық бәріміз
Ән: Ер балалардың орындауында.
Нұрхан ,Алихан Ә, Мейірімжан.
5-бөлім «Сұрақ-жауап». Қыздарымызға сұрақтар беріледі, дұрыс, мүдірмей жауап беру.
1. Жыл мезгілдерін ата2.Геометриялық пішіндерді ата3. Қазақстанның тұңғыш президенті кім?
4. Рәміздерді ата5.Балабақшамыздың және тобымыздың аты қалай аталады?
Жүргізуші: Әділқазылар әділ бағасын бергенше "ча-ча-ча» биін тамашалайық.
Ән: Хор
Балалар аналарына гүл шоқтарын сыйлайды.
«Жүзден жүйрік мыңнан тұлпар» демекші бүгінгі сайысымызды таразылап әділ бағасын береді деген оймен келесі сөзді әділқазылар алқасына береміз. Жеңімпаздарды марапаттау.
Би билеп ән мен күйде аяқталды
Уақытта біраз жерге таяп қалды
Көктеммен қоса келгенАру қыздар, аналар мерекесі аяқталды.
Құттықтау сөз кезегін ата – аналарға ұсыну