Нутукъ инкишафы дерси. Инсан къыяфетининъ тасвири

Къырымтатар тили дерси5 сыныфНутукъ инкишафы дерси.
Инсан къыяфетининъ тасвири Нуфтуллаева Эмине МедатовнаМевзу: Нутукъ инкишафы дерси. Инсан къыяфетининъ тасвири.
Дерснинъ макъсадлары:
окъутув макъсады:
Инсаннынъ тышкъы къыяфетини тасвирлемеге
бильмек, бедиий эдебиятта сымаларны догъру тарифлемек;
инкишаф макъсады:
къырымтатар тилини огренмеге ве тиль усьтюнде чалышмакъ истеклерини инкишаф этмек, тиль байлыгъыны арттырмакъ.
тербиевий макъсады:
къырымтатар тилининъ байлыгъыны ве ифаделигини анъламакъ, талебелерни эйи чизгилер эсасында тербиелемек.
Дерснинъ чешити: янъы мевзуны огренюв.
Донатма: ресимлер, портретлер, даркъатма материал (эсерлерден парчалар).
Дерснинъ кетишаты:
Тешкилий къысым, дерснинъ макъсадынен таныштырув.
Эв ишини тешкерюв.
Якъын достларына, сой-акърабаларына язгъан мектюплерини окъуйлар.
Севимли ве сайгъылы къартанам!
Сизнен айырылгъаныма аз вакъыт кечсе де, мен сизни пек сагъындым. Эвинъни, денъизни, дагълары хатырлайым. Къартана, акъылынъдамы, сиз манъа эр саба сют кетире эдинъиз. Бойле лезетли сют мен даа ичмеген эдим.
Мен 5 сыныфта аля окъуйым. Меним чокъ достларым бар.
Къартана, сизинъ сагълыгъынъыз насыл? Чокъча раатланынъыз. Татильде мен сизге барарым.
Селям иле, сенинъ торунынъ Рустем.
Оджа. Мектюплеринъизни пек гузель язгъансыз. Биз сизинъ достларынъызнынъ, сойларынъызнынъ фотосюретлерини корьмедик. Шунынъ ичюн сиз оларнынъ тышкъы къыяфетлерини тасвир этеджексиз (Талебелер тарифлейлер).
Оджа Демек,дерсимизнинъ мевзусы насыл?
Инсан къыяфетининъ тасвири.
Мевзу устюнде чалышув.
Нутукъ шекиллери. Тасвир
Нутукъ шекиллериНасыл суальге джевап берилеНе акъкъында айтылаНутукънынъ эсасларыТасвирПредмет, инсан, айван….насыл? Предметнинъ, инсаннынъ, айваннынъ аляметлериПредметнинъ айры аляметлери ве оларнен багълы теэссуратлар2.Инсаннынъ тышкъы къыяфетини тарифлемек ичюн ишлетильген сезлерВазифе. Сезлерни учь сырагъа болип язмакъ керек.
Мераметли, узун бойлу, юваш, къара козьлю, лафазан, орта бойлу, къызматабан, къара къашлы, адалетли, ттомалакъ, узун бетли, далфидан, адалетли.
Бою Бет сымасы Табиат чизгилериIV.Рефлексия. Музыка янъгъырай
Оджа. Козьлеринъизни къапатынъыз ве ананъызны хатырланъыз. Онынъ козьлерине бакъынъыз, сачларыны, янакъларыны, эллерини сыйпанъыз. къуджакъланъыз. Ананъыз энъ дюльбер, севимли, мераметли, екяне бир инсан олгъаныны айтынъыз. Къуджакъланъыз.
Козьлеринъизни ачынъыз, ишимизни девам этемиз.
V. Пекитюв.1. Группаларда чалышув. группа
Юсуф Болатнынъ «Туфанда къалгъан къой сюрюси» серлевалы эсеринден парчаны окъунъыз. Къараманнынъ тышкъы корюнишини бильдирген сёзлерни тапынъыз. Бу сёзлерни ве оларнен багълы олгъан сёзлерни язып алынъыз.
-38105143500Чобан Асан Алим Айдамакънынъ досту, Аванес агъанынъ чобаны Къарабий яйлянынъ лячини эди. Эй-ей, онъа нафиле Лячин Асан демегенлер. Лячиннинъ йигилиги бир тарафта турсун, озю де ай киби айдын, гуль киби корьгем; далфидан бойлу, пост мыйыкълы бир йигит экен.
группа.
Абибулла Одабашнынъ «Унутмайджакъ» эсеринден парчаны окъунъыз. Эсманынъ образыны язмакъ ичюн муэллиф насыл сёзлернен файдалана?
417449063500 Эсма он эки яшында. Индже, нарын тенли. Бенъзи къачыкъ. Козьлеринде даимий бир солгъунлыкъ вар, онда усть-баш йыртыкъ, аякъларынынъ папуч корьмегени — чокътан. О кой мектебининъ сонъ сыныфында окъуй эди. Оджалары оны макътай, бабасы исе къызынынъ гузель окъугъанына севине эди. Койден шеэрдеки татар мектебине окъумакъ ичюн дёрт къыз кетеджек эди. Бунлардан бириси де Эсма. Бу хабер Эсманы урькютти, чырайы атты. Нефеси сыкълашмагъа, юреги фытырдамагъа башлады. Онынъ темиз кейфи кеткен, бир къач саатлардан берли корюнген шенълиги джоюлгъан эди. Солгъун янакълары шу саат чеккен, къашлары сыкъ-сыкъ къыбырдамагъа башлагъан эди.
Идждадий иш. Эдебият дерсинен багъ.
Суаллер боюнджа субет.
- Ахмет Ахай ким эди?
- Насыл дерслерде биз онен таныштыкъ?
- Ахмет Ахай лятифелерининъ къыймети неде экен?
Вазифе. Ресимге бакъып Ахмет Ахайны тасвирленъиз.
122555032067500 Акъыллы алакъ бойлу кулерюзьлюазырджевап къара къашлы
шакъаджыVI. Дерснинъ нетиджеси:
1.Дерсимизде насыл янъы малюматларнен таныш олдыкъ?
VII. .Эв вазифеси:
Сыныфдашынъызнынъ тышкъы къыяфетини тасвир этмеге. (Сизинъ тасвиринъиз боюнджа ким акъкъында лаф кеткенини башкъа талебелер танымакъ керек).