Ашы? т?рбие са?аты ?аза?ты? ?лтты? ойындары

«Қарағанды обылысының балаларға арналған психоневрологиялық медициналық – әлеуметтік мемлекеттік мекемесі» КММ.
Ойын терапиясы
Қазақ ұлттық ойындары
Тәрбиеші : Акылбекова Г.Е.
Қарағанды – 2016 ж.
Сабықтың тақырыбы : Қазақтың ұлттық ойындары
Мақсаты : Қазақтың ұлттық ойындары асық ойнау, қол күрес, тақия тастамақ ойындары арқылы балалрға қазақтың салт – дәстүрі , әдет – ғұрпын, туған елге, жерге, өз Отанына деген сүйіспеншілік сезімдерін арттыру.
Міндеттері :
Балаларды қазақтың ұлттық ойындары мен таныстыра отырып ойын шартын дұрыс бұзбай ойнауға үйрету.
Ойынды ойнау барысында балалардың ойлау, есте сақтау қабілеттерін ойын кезінде саусақ қол моторикасын дамыту.
Қазақтың ұлттық ойындарын ойнай білуге тәрбиелеу.
Сабақ түрі : аралас ойын
Сабақтың әдісі : Әңгіме ойын түрінде
Көрнекілік : асық, қазақ ұлттық киімдері (шапан, желетке , тақия)
Сәлеметсіздер ме , балалар!
Біздің бүгінгі сабағымызға қонақтар келді. Келген қонақтармен амандасайықшы.
Сәлеметсіздер ме ?
1. Шаттық шеңбері
Дөңгелене тұрайық,
Киіз үйді құрайық,
Кереге болып керіліп,
Уыктар боп иіліп,
Киіз үйді құрайық.
Жарайсыңдар!
2. Өткенді қайталау
- Балалар біз қай Республикада тұрамыз?
- Қазақстан
- Қазақстан көп ұлтты Мемлекет. Бірлігіміз жарасып тату тәтті өмір сүріп жатырмыз.
- Қазақстан Республикасында қандай ұлттар тұрады ?
- Орыс , неміс, өзбек, корей, армян, қазақ т.б.
- Балалар қазақтың қандай ұлттық киімдерін білесіңдер?
- Тақия, шапан, желетке, мәсі, камзол , сәукеле т.б.
- Ал балалар өздерін қай ұлттың киімдерін киіп отырсыңдар?
- Әрине дұрыс айтасыңдар Қазақтың ұлттық киімдерін
- Әр бала киіп отырған киімін айтып кетеді
Әдемі киініп келген екенсіңдер!
Орысшадан қазақшаға аударайық
Қазір балалар қазақтың ұлттық ойындарын ойнаймыз. Ойын бастамас бұрын бойымызды жазып алайық.
3. Сергіту сәті
Би «Қара жорға»
Қазақша «Адай» күйін қойып қою
4. Қазақтың ұлттық ойыны
1. Тақия тастамақ
Ойын шарты былай балалар. Балалар дөңгелеп отырады. Бір бала жүргізуші болып тақия тастау керек, екінші бала біліп алып ойынды жалғастырады.
Жеңілген бала тақпақ айтады
Көктем туралы
Көктем келді шуақты,
Балаларды куантты.
Алақай – ау , алақай!
Құстар сайрап , бақтар жайнап , гүл атты.
2. Қол күрес
Бұл ойын стол үстінде екі баланың білек сынасумен орындалады. 2 бала шынтақтарын столға тіреп қол бастарын айқастырады. Кім білекті столға жықса сол бала жеңіске жетеді.
3. Хан талапай ойыны
Көп асықтың ішінде бір асықты қызыл түске бояап қоямыз. Сол асық «хан» деп аталады. Ойынды бастайтын бала асықтың бәрін қос уысына жинап алып, отырған балалардың алдына шашып жібереді. Балалар ханның қалай түскенін бақылап отырады Ал «хан» алшысыннан түссе, балалар жарыса «хан талапай» деп дауыстап, ханды өз қолына түсіруге тырысады. «Хан» кімнің қолына түссе, сол жеңіске жетеді.
21 асық аламыз. Ойынға 4 бала қатысады. Бірінші бала қызыл түсті 7 асықты жинайды. Екінші бала 7 көк түсті асықты жинайды. Үшінші бала 7 жасыл түсті жинайды. Төртінші бала 7 қоңыр түсті жинайды.
Асықтардын түстеріне орысша тоқталып кетейік балалар
Қызыл – красный
Көк – синий
Жасыл – зеленый
Күлгін қызыл – розовый
Асықты ойнамас бұрын саусақтарымызды ойынға дайындап алайық
Оң қолымда бес саусақ,
Сол қолымда бес саусақ,
Қосып едім екеуін,
Болып шықты оң саусақ.
4. Шеңберде асық ойнау
Шеңбер сызып аламыз, асықты ортасына тізіп қоямыз. Қанша бала ойнаса сонша асық тіземіз. 4 бала ойнасақ 4 сақа болады. Әр баланын сақасы әртүрлі түспен боялады. Рет ретімен сосын ойнаймыз.
Жарайсындар!
5. Бекіту
- Балалар сендерге қазақтың ұлттық ойындары ұнады ма?
Иә
Жарайсыңдар!!!
Балалар қазақтың қандай ұлттық ойындарын ойнадық?
Тақия тастамақ, Қол күрес, Хан талаппай, Шеңберде асық атып ойнау
Жарайсыңдар!
Ойын ойнаған ұнай ма?
Иә, ұнайды
6 Қоштасу шеңбері.
Біздің топта ұлдар
Тату тәтті ойнаймыз
Баршаңызға , бәріне
Тек қуаныш сыйлаймыз.
Сау болыңдар!
Рахмет!