Т?рбие са?аты бастауышым бплб?ла?ым
Алматы қаласы, Әуезов ауданы
Бастауышпен қоштасу
«Бастауышым - балбұлағым»
Канапьянова Асылгул Сламбекқызы
«ЖАҢА ҒАСЫР» №175гимназия
бастауыш сынып мұғалімі
Мақсаты: 1. Білімнің баспалдағы бастауыштан басталатынын , бастауышта алған білімнің негіз болып қаланатынына көз жеткізу әр баланың ерекшелігін таныта отырып, сәт – сапар тілеу..Білім берер ордасы- мектепті , ұстаздарын құрметтеп, білімге деген құштарлғын арттыру.Өз Отанының адал ұлы мен қызы болуға тәрбиелеу.
Көрнекілігі: »Білім бағы» (Алма ағаштары,алмалар )ванер,слайдтар,қанатты сөздер.
Музыка үнімен:
1. Күз. Күн салқын. Тыраулаған тырналар жылы жаққа ұшып кеткелі қашан?
2. Иә, біздің құлағымызда тыру-тыру деген қимастық үні ғана қалыпты.
3. Міне, осындай күздің алғашқы күнінде біз де қанаты қатаймаған құс балапаны сияқты осынау білім бағына қадам басқан едік.
Музыка ырғағымен:
Оқушы: 2010 жылдың қыркүйек айы. Қол бұлғап шакырған аяулы мектеп анаға да кызыға қарайтынбыз. Көңіліміз алып-ұшып өзімізді бейне бір ашық аспанда армансыз ұшып журген құсқа теңедік. Елімізді көркейтер, болашақтың көктемі болуды армандадық.
Оқушылар 4 алма ағашын әкеліп отырғызады.
1. «Сәлем- сөздің анасы»демекші армысыздар, ұстаздар қауымы, ата-аналар!
2. «Бір күн таныстыққа қырық күн сәлем «дегендей біз осы қай жерде тұрмыз?
3. « Мектеп білім ордасы» демекші біз «Жаңа Ғасыр» білім бағында тұрмыз ғой.
4.Біздердікі-өмір,қоғам,заманда
Сән түзеген қалам менен даламда.
Барлығы да мұра болмақ әманда,
Болашақ деп аталатын адамға.
5.Мұғалім:
Барлығы да,сіздердікі барлығы,
Тамашалап,көріңіздер балғынды.
Армысыздар,ата ұрпақтың жалғасы
Армысыздар,жаңа атқан таң нұры!
Бүгін сіздер бізбен бірге білім бағындасыздар
6. Сан жақсылар оқыған,
Құтты екенсің мектебім
Оқығаның тоқыған
Құт мектебім, мекенім
7. Сыр ұрлатып парақтан
Қызықтырып қаратқан
Естімеген сөзімді
Тамырыма таратқан
8. Мектеп үлкен анашың
Баураған барлық баласың
Тәртіппен алсан білімін
Өмірден жол табасың.
9. Мектебім,аяулы мектебім
Өзіңсің білімнің көктемі
Нәр алып қолымды созамын
Арманга көктегі
10. Ән» Мектебім»
1. Далада ағып жаткан бұлак,тау-тастан шығын жаткан бастау сусағанның шөлін қандырып, ыстықтағанның ыстығын басады.
2. Алыс жолдан шаршап жеткен кісі бұлақтың басында жай тауып, ағаш көлеңкесін саялап демалады емеспе?
3. Ал ол үшін бұлақ та, бастау да таза суы мөлдір, әрі салқын болуы керек ғой.
4. Ыбырай атамыздың «Таза бұлақ» әнгімесін окыған боларсыздар.Олай болса бастаудың көзін, бұлактың жолын аршып журген ұстаздар кауымы біз үшін үлкен ғанибет!
Жамандыктан безуге,
Жаксылыққа жетуге,
Үйретеді, үйретеді бастауышта
Хор: «Үйретеді бастауышта»
Ұстаздар- ұлттың тірегі,
Ұстаздар мектеп жүрегі,
Ұрпаққа жетер ұстазбен,
Халықтың ұлы тірегі.
Ән «Апайларым»
Біз қазақ баласы:
1.Бабалар мұрасы
Аталар мирасы
Бар байтақ даласы
Біз қазақ баласы
2.Әкелер түлеткен
Ағалар гүлдеткен
Бар ауыл қаласы
Біз қазақ баласы
3. Көксеген келді күн
Тәуелсіз ел бүгін
Бар отан анасы
Біз қазақ баласы
4. Дәстүрді сақтаған
Жадына жаттаған
Жеті ата-бабасын
Біз қазақ баласы
5. Халықтық салт нұсқа
Сөз сайыс айтысқа
Бар ынта таласы
Біз қазақ баласы
6. Оқу да, өнер де
Үздік те, шебер де
Ұрпақтар жалғасы
Біз қазақ баласы
7. Ежелгі жерінің
Егемен елінің
Отаны анасы
Ертеңгі панасы
Біз қазақ баласы
8. Жеріңде бабасының
Еліңде атасының
Көңілінде әжесінің
Қолыңда анасының
Жолында ағасының
Төсінде даласының
Тапқан өз жарасымын
Біз қазақ баласымыз
9. Бұтагы бабасының
Ұрпағы атасының
Шуашы әжесінің
Тұяғы әкесінің
Тілегі анасының
Тірегі ағасының
Түлегі даласының
Дарытқан бар асылын
Біз қазақ баласымыз
Би:» Қазақ биі»
1.Тастаттың да үйге еркелік,ойынды
Мектеп-ана, биіктеттің бойымды
Икемі жоқ қолға қалам ұстатып,
Түзеткенсің жолында да бойынды
2. Мектеп-ана, ұстаз пана екенін
Сенен ұққан алтын бесік мекенім
Сол пейілді көрмегенде ешкімнен
Түсінемін ұлылықтың не екенін
3. Жылылықтың сиясы бар сөзінде
Ұлылықтың ұясы бар көзінде
Ойын қуған еркелерден ой іздеп
Тентектігін алып қалған өзінде
Ән: «Мектебім»
Ән « Ұстазға мың тағзым»
Биік тауға қарасан көңілін өседі,жасыл желекке қарасан жүзін жарқын болады. Бұлақ көзін ашып жүр, балаң қайырымды болады.
Көрініс «Бала мен қария»
Шын достық ақылдыға тән қасиет. Адал дос ақылшың, ақылшы дос жақының
Ән «Достарым»
Хор «Ең соңғы қоңырау» Вальс
1.Иә, достарым. Өзіме бүгін қанат біткендей болды. «Қанат» егер бұл құстың ғана үлесіне тиген болса,табиғаттың әділдігіне шек келтіруге болар еді-ау.
2.Жок олай емес, қанат ең алдымен адам үлесіне тиген асыл зат.Қанатсыз адам мүгедек.
3.Қиялыңда ойы мен ісінде ілгері ұмтылған, талабын да қанат болмаса,ол мақсат-мұратына қалай жетер еді.
4.Иә, армансыз адам қанатсыз құспен тең. Енді міне, біздің қауырсын қанатымыз қатайып ойымыз бен ісіміз қанаттандырып тұрған жок па?
5.Нулы,сулы, болмаса, қоныс әсем болар ма, қаз үйрегі болмаса көлдің көркі болар ма,жайқалмаса гүлдері бақтың сәні болар ма?
Би «Гүлдер»
Мұғалім:
Алдарыңызда жайнап немесе сонадайдан қол бұлғап, әлде алыстан қол созған жаңа бір білім баспалдағы тұр.
Иә, шәкірттерім! Оған ұшып жетердей елпілдек те, елгезек қанаттарын тағы бар. Таудай талаптарың тағы жоқ емес. Білім шыныңа ұшып шығуға талмас қанат тілеймін. »Алма ағашына алма іледі»
Оқушылар тілек айтып алмаларын алма ағашына іледі.
Мектеп вальсі орындалады.
Соңы:
1.Бағбан болсан бақ өсір,
Бағбан- ол ұстаз,
Шәкірт-сол бақтың жемісі емес пе?
2.Көзің ашқан бұлағың шәкіртің,жақсы істерің шырағың, ал жасыл бағым мектебім.
3 Мұғалім.Көзіңді қалдыр, бұлақ көзін аша жүр,ізіңді қалдыр жақсы істен мұра шаша жүр,өзіңді қалдыр бақ өсіріп жаса нұр.
Демекші міне, бүгін сіздер «Білім бағында» білім алып соның төрт жылдық жемісін жегізген шәкірттеріміз бен балаларыңыздың куәсі болдыңыздар.