М??алімдерді? к?сіби дамуына т?лімгерлік пен коучинг ж?ргізуді? ?сері

Алматы қаласы
Түрксіб ауданы
№142 ЖББМ
Директордың орынбасары
Агыбаева Салтанат Акылбековна
Мұғалімдердің кәсіби дамуына тәлімгерлік пен коучинг жүргізудің әсері
Деңгейлік бағдарламаның мақсаты XXI ғасырда мемлекеттік мектептер жүйесінде жұмыс істейтін мұғалімдер Қазақстан жастарына жаhандық оқушыларға айналуға көмектесе алуы үшін олардың кәсіби біліктілігін арттыру болып табылады. Деңгейлік бағдарламаны ойдағыдай іске асыру көшбасшылық, яғни директордың (директордың орынбасарының) мұғалімдердің дамуына көңіл бөлетіндігінде, ынтымақтастықта жұмыс жасауына көп байланысты. Оқыту мен мектеп бағдарламасын жақсартуда коучинг жүргізіп, басқаларға тәлімгерлік ету дағдысы болуы және қолдау көрсету табысты мектеп басшысының ең маңызды дағдысына айналуы қажет.
Мұғалімдердің кәсіби дамуы мектептерде оқыту мен оқуды дамытудың басты жолдарының бірі болып табылады.
Мектепте байқағаным, өзгеріске кейбіреулері үреймен қарап, нәтижеге алаңдайды, бірақ шын мәнінде нәтиже қандай болатынын күтеді. Сондықтан біз белсенді болып, бұл өзгерістің жұмыстың әрбір тармағына қалай ықпал ететінін ескере отырып, тәлімгерлікке дұрыс көңіл бөлгеніміз қажет. Өйткені, іс-амалдарымыздың нәтижесінде өзгерістің қарқыны өскен сайын, қарсылық бәсеңдей бермек. Тәлімгерлікті жүргізу үшін лайықты адамдарды анықтай отырып, бірлескен жұмыс топтарын құрып, басқа мектептерге баруға немесе кәсіби дайындық жүргізуге міндеттемелер алады.Тиімді жұмыс істейтін білім алушылардың арқасында бағдарламаның идеясы тиімді қолданылып, қызметерлер мен оқушылар жұмысқа тартылады. TALIS сауалнамасының декректері көптеген елдерде қызметкерлер арасында бірлескен жұмыс кең тарағанын, бірақ рефлексия мен тәжірибе тарату азырақ кездесетінін көрсетіп отыр. Менің практика кезінде байқағаным семинарларға барғанға қарағанда, кәсіби даму шараларына, ұжымдық шараларға жиі қатысқаны мұғалімдердің дамуына тиімді екені.
Бағдарлама бойынша білім алып келген мұғалімдер бұл саланы жетілдіру мақсатында менторинг пен коучингті жүйелі жүргізгені дұрыс. Олар өз білімдері мен дағдыларын пайдалана отырып, коучингтер өткізеді. Бұл жұмыс тобында директордың болуы қажетті ресурстарға қол жеткізуге мүмкіндік береді, сонымен бірге бұл бастаманың онсыз да жұмысы көп мектепте кез келген басқа басымдықтармен «басылып қалмауына» көмегі тиетініне көз жеткіздім. Директордың орынбасары болсам да бұл идеяның жүйелі жүргізілуіне көмегім тиюде. Коучингтердің оқу мен оқудағы жаңа тәсілдердің тез енгізілуіне ықпалы зор екеніне көзім жетті. Мысалға: сабақ барысында бір тәсілді енгізуде қиындық туса, біз коучинг арқылы әріптестер арасында осы қиындықтан шығудың жолын көрсете аламыз.
Мұғалімдер, ата- аналармен жұмыс істеу, мұғалімдерге кәсіби жұмыстарын орындау үшін қолдау көрсету, сенім білдіру, жағымды жұмыс ортасын қалыптастыру, үздіксіз кәсіби даму мәдениетін қалыптастыруда
тәлімгерлік пен коучинг жүргізудің әсері зор екеніне көз жеткіздім.