Отбасы мен мектеп серіктестігі

Отбасы мен мектеп серіктестігі
Мақсаты: Балаларымыздың бойында саналы тәрбие қалыптастырып, отбасы мен мектеп серіктестігін нығайту.
Кезекті тренингке берейік.
«Ыстық  алақан»
Нұсқау: Ортаға үш ата-ана шықсың. Біреуіміз ана , әке, бала боламыз.
Қимыл қозғалыс арқылы жауап беру.
– иә десеңіздер – қолдарыңызды шапалақтаңыз;
– жоқ  десеңіздер – аяқтарыңызды тарсылдатыңыздар.
Газет бетіндегі мақалалардан, теледидардағы  бағдарламалардан тәрбиеге байланысты сұрақтарды тыңдап, қарап жүресіз бе?
Балаңызға уақыт бөлесіз бе?
Балаңыз сізге жиналысқа сынып жетекші шақырып жатыр дейді, бірақ сіздің қолыңыз бос емес. Үйге қонақ келіп қалды. Барасыз ба әлде бармайсыз ба?  Баланы тәрбиелеуге не нәрсе ықпал жасайды?
– егер  жанұя десеңіздер орныңыздар тұрып, айналамыз
– егер қоршаған орта, қоғам  десеңіздер алақанымызды соғамыз.
  Бала тәрбиелеу жауапкершілігі кімде деп ойлайсыз?
– егер «әке» десеңіздер, қолды соғамыз.
– егер «ана» десеңіздер, тұрасыздар.
– егер «екеуі» десеңіздер, орныңыздан тұрып, қолдарыңызды жоғары көтеріп шапалақтаңыз.
Топтарға бөлу (ата-аналар мақал-мәтелдер таңдап алып, тақырыптары бойынша топтарға бөлінеді (Отан және еңбек, отбасы-тәрбие, оқу-білім)
Жағдаяттарды талқылау
Жағдаят №1
Нұрлан 5-сыныпта оқиды. Нұрланның білім алуға талабы жақсы. Оқыса, жақсы оқитын оқушылар қатарынан орын аларлық қабілеті бар. Бірақ ата-анасының тәрбиесі баланы дұрыс жолдан тайындырды. Баланы сабақтан себепсіз жиі қалдырады, тіпті кейде апталап қалдыратын кездері де болды. Мектепте, сыныпта ата-аналарға байланысты өтетін жиындарға мүлдем келмейді.Сынып жетекшісі осы жағдайға байланысты Нұрланның үйіне барып, ата-анамен бірнеше рет әңгіме жүргізгенімен еш нәтиже шықпайды. Ата-анасы құр уәде беріп, шығарып салады. Бір жетіден соң жағдай қайталанады. Білім алу баланың басты міндеті екенін біле тұра, соны орындамауда ата-анасы салғырттық танытты.
Сұрақтары:
Нұрланның ата-анасының қылығын қалай бағалайсыздар?
Сынып жетекшісінің орнында не істер едіңіз?
Ата-ананың бала алдындағы міндеті қандай?
Осы жағдайға байланысты қандай шара қолдану керек деп ойлайсыз?
Жағдаят №2 Көрініс
Марат сабаққа дайындықсыз келді. Мұғалім сабақ түсіндіріп жатты. Марат сабақты да тыңдамады. Онымен қоса жанындағы оқушыларға да тыныштық бермеді. Мұғалім ескертулер берсе де қорытынды шығармады. Мұғалім оқушының сыныптан шығып кетуін талап етті. Марат үйге келіп шағым айтты. Ата – анасы әй – шәйға қарамай, директорға кіріп айқай шығарды.
Ата – ананың бұл әрекеті дұрыс па?
Сіз қандай әрекет етер едіңіз?
(сахналап көрсетініз)
Постермен жұмыс:
Ата-ана, бала және мектеп арасындағы қарым-қатынас ережелерін құрастыру.
Ата-аналар топ бойынша ата-ана, бала және мектеп арасындағы қарым-қатынас ережелерін құрастырады, сызба, кесте, модель түрінде таныстырып, қорғайды.
(бейнеролик) «Балаларынызға көңіл бөлейік»
Ата-аналармен сұхбаттасу
Мектеп пен ата-ана арасындағы қарым-қатынасты одан әрі жандандыру үшін не істер едіңіз?
Мектепте ашық күнін өткізген кезде Қатыса аласыз ба? Қатыспайтын ата-аналарға не айтасыз?
Мектепке қаншалықты жиі келесіз?
Бүгінгі алған әсерлерімен бөліссеніз? ( қағазға жазып, ілулерінізге болады)
Қорытынды.
Отбасы – адам үшін ең жақын әлеуметтік орта. Отбасы белгілі дәстүрлердің, жағымды өнегелердің, мұралар мен салт-дәстүрлердің сақтаулысы. Отбасында бала алғаш рет өмірмен, коршаған ортамен танысып, мінез-құлық нормаларын игереді. Отбасы баланың, азамат болып өсуінің негізі болып табылады.
Сондықтан да бүгінгі жиналысымызды А.Сухомлинскийдің сөзімен аяқтағым келіп отыр: «Тек қана ата-аналар мен біріге, жалпы күш-жігерді біріктіру арқасында мұғалімдер балаларға үлкен адамдық бағыт беруі мүмкін.