Сценарий праздника Последний звонок на крымско-татарском языке
МустафаеваАлие Изетовна
«СОНЪКИ ЧАНЪ» байрамынынъ сценариясы
Етекчи: Мерабанъыз, азиз талебелер, урьметли оджалар, мехтерем мусафирлер! Анъаневий гузель мектеп «Сонъки чанъ» байрамына хош кельдинъиз!
Етекчи: Йыллар пек тез кечеДаа якъында мезунларымыз мектепке кичик къызчыкълар ве огъланчыкълар олып кельген эдилер Олар буюдилер ве бугунь сонъки кере мектеп джедвелинде талебе оларакъ къатнашаджакълар Оларгъа бугунь айрыджа эмиет бериледжек. Келинъиз, оларны яхшы этип къаршылайыкъ!..........
11 сыныф. Биринджи оджалары- (биринджи оджанынъ ады айтыла). Сыныф реберлери -теджрибели алий категориялы къырымтатар тили ве эдебияты оджасы (оджанынъ ады айтыла). Сыныфта ____ талебе тасиль алды. Олардан ___ талебе алтын медальге намзет сайыла. Бу къызымыз чокъ фенлерден кечирильген олимпиадаларда иштирак этип, нуфузлы ерлерни къазанды.(Эписи талебелернинъ адлары айтыла) :
_________ сыныф ёлбашчысы олды. Сыныфта ве мектепте кечирильген бутюн тедбирлерни азырламагъа ярдым этти.
_________________ – месулиетли джевапкяр огъланлар, яхшы окъудылар, куреш боюнджа кечирильген ярышларда мектебимизни адыны къорчаладылар.
___________ къызымыз редколлегия азасы олды, дюльбер ресимлер сызды.
___________- муляйим, назик, дюльбер, истидатлы, эмексевер, тербиели къыз. Яхшы окъуды. «Мелевше» театр коллективининъ азасы.
__________- бу огълан эм йырламагъа севе, эм яхшы ойнай, онынъ санада косьтерген образлары юреклеримизде эйи тесюратлар къалдырды.
__________ – акъыллы, истидатлы, ишкир огълан, лякин эр шейден зияде компьютерни севе
___________- мектепте кечирильген чокъусы тедбирлерни азырламагъа ярдым этти. Онынъ ойнагъан оюнлары ве роллери даима акъылымызда къалыр.
___________- назик, муляим, джевапкяр, мераметли къыз; сыныфта медениет ишлеринен ограшты, музыка ве оюн севе
____________ – истидатлы, мераметли къыз, балаларны пек севе, башлангъы сыныф талебелеринен азырлагъан оюнлары чокъ мектеп байрамларыны яраштырды.
____________ – яхшы окъуды, тербиели, истидатлы къыз, мектеп тедбирлерини отькерювинде фааль иштирак этти.
_____________ – футболны, спортнен огърашмагъа пек севе, эписи фенлерден зияде джогърафияны бегене.
_____________ – мектебимизнинъ энъ кучьлю пельваны, район ве Джумхуриет ярышларында иштирак этип нуфузлы ерлерни къазанды.
_____________– футбол- онынъ аяты, футбол- онынъ арзусы, футбол- онынъ севгисиБу огъланымыз мектеп, район ве Джумхуриет ярышларында иштирак этип озюни энъ яхшы оюнджыларындан бири олып косьтерди. Бундан гъайры мектепте кечирильген эр бир тедбирлеримизнинъ сесрежиссёры олды.
_____________ – муляйим, тербиели, мераметли, джевапкяр, акъыллы къыз. Район ве Джумхуриет ярышларында иштирак этип нуфузлы ерлерни къазанды.
____________ -яхшы окъуй, мераметли, тербиели пек дюльбер ойнай, сеяатларгъа чыкъмагъа севе
_____________ - яхшы окъуй, джевапкяр мераметли, тербиели къыз, ана тилимизни пек севе Бу къызымыз пек чебер,онынъ бисерден япкъан ишлери бизлерни даима къувадыраджакълар.
Етекчи: Тантаналы байрамымыз ачыкъ деп илян этиле.
(Гимнлер янгъырай )
Етекчи: Бугуньки байрамны бизлернен берабер къайд этелер(мусафирлернинъ адлары бирер-бирер айтыла)
Етекчи: Сёз мектеп мудирине бериле.
Етекчи: Сёз хайырлав ичюн мусафирлерге бериле.
Етекчи: Сёз хайырлав ичюн 1-джи сыныф талебелерине бериле.
(Музыка «Арманчыкъ»)
1 талебе: Урьметли агъаларымыз ве таталарымыз!
2 талебе: Бугунь сизнинъ байрамынъыз
Биз сизни унутмамыз!
3 талебе: Огъурлы олсун ёллар,
Урьметли мезунлар!
4 талебе: Шимди сизлерге бакъып
Бизлер гъурур дуямыз,
5 талебе: Сизге хатыра оларакъ
Бу бахшышларны беремиз!
(мезунларгъа бахшышлар берелер)
Етекчи:Сайгъылы мезунлар, 1-джи сыныф балачыкълары сизге даа бир бахшыш азырладылар. Къабул этинъиз!
«Явлукъ оюны»
Етекчи :Энди исе сайгъылы талебелер, севимли оджаларынъызны байрамнен хайырланъыз
(музыка янъгъырай, талебелер гульдестелерни
оджаларына такъдим этелер)
Етекчи:
Дигер бойле саба олмаз,
Кунеш бойле йылтырамаз
Ве бир кимсе унутмаз:
Бу шенъ мектеп йылларыны,
Оджаларны ве дерслерни,
Энъ биринджи севгисини
Шу эеджан дакъкъа кельди!
Сыраларда лаф токътады.
Энди дыкъкъатнен динълейик,
Мезунларгъа сёз берейик (Мезунларнынъ чыкъышы)
Йыр «Последний звонок»
1 мезун: Сонъки сагълыкълашув дакъкъалары да кельдиШенъ окъув йыллары бир кунь киби кечип кеттиБугунь биз эпимиз янъы аят босагъасындамыз
______________________________________________
2 мезун: Сагълыкънен къал, бизим мектеп
Къушлар уча ювадан
Омюр ёлгъа чыкъамыз биз,
Озгъар бизни къапудан.
_______________________________________________________
3 мезун: Айтса, мектеп, нелер олды,
Не ичюн козьлерим яшлана?
Билемки мен- балалыкъ битти,
Янъы омюр башлана.
______________________________________________
4 мезун: Бош сыныфлар, аят чым-чырт,
Сеслер энди дуюлмаз
Дерслер битти. ..Эр кес кетти
Янъы омюр къурмагъа.
______________________________________________
5 мезун: Кузь келир, чанъ чалыныр,
Бизим еримизге янъы несиль
Санъа келир
Кене окъув башланыр
____________________________________________
6 мезун: Сагълыкънен къал, бизим мектеп
Къушлар уча ювадан
Омюр ёлгъа чыкъамыз биз,
Озгъар бизни къапудан.
Йыр «Гогерджинлер»
Оюн «Вальс»
Етекчи: Джедвелимизни энъ эеджанлы вакъты кельди.
Азиз мезунлар, шимди сизлер ичюн сонъки кере мектеп чанъы чаладжакъ.
(Мезунлар чалалар)
Етекчи:Халкъымызнынъ гузель адетлеринден бири байрамны Хоранннен екюнлемектир.
Мезунларымыз бизлерге Хоран оюныны багъышлайлар.
(Хоран)
Етекчи: Бойлеликнен байрамымыз япыкъ деп илян этиле
(Гимнлер янъгъырай)
Етекчи:Азиз мезунлар, аят ёлларынъыз ачыкъ олсун! Бутюн истеклеринъиз керчеклешсин!
13PAGE 15
13PAGE 14315
15