?БТ-?а о?ушыларды дайындауда?ы кейбір ?діс- т?сілдерді? тиімділігі

ҰБТ-ға оқушыларды дайындаудағы кейбір әдіс- тәсілдердің тиімділігі.
Қазіргі кезде әлемде тесттік тапсырмалар арқылы білім сапасы мен деңгейін тексеру жоғары техналогиялар қатарына жатқызылады. Тестілеу әдісі оқушының дайындық деңгейін және жалпы білім сапасын болжаудағы тиімді құралдардың бірі ретінде пайдаланылады.
Тест сұрақтары арқылы оқушы білімінің сапасы,игерген дағдысы,іскерлігінің деңгейі анықталады.
Менің Магистралды ЖОББМ-де жұмыс жасағаныма алтыншы жыл болды.Мектебіміз орыс тілді, алдымызда отырған оқушылардың негізгі құрамы өзге ұлт өкілдері.
Сондықтан, мен үшін оқушылардың қазақ тілін қаншалықты меңгергені маңызды.
Оқушылармен ауызекі сөйлесу, басқа да түрлі деңгейдегі тапсырмалар жүргізу арқылы,олардың қазақ тілін, анық грамматикасын қаншалықты игергенін байқаймын.Осы қорытынды негізінде оларды бірнеше топқа бөлемін.
1- ші топ қазақ тілін жақсы біледі,грамматикасын біршама меңгерген.
2- ші топ қазақ тілін шамалы біледі, грамматикасын төмен деңгейде меңгерген.
3- ші топ қазақ тілін мүлде білмейді тіпті оны меңгеруді қажет деп санамайтындар.
Оқушы деңгейі анықталған соң олармен жұмыс жоспарын жасаймын. Менің алдымда тұрған бірінші мақсат,ал қазақ тілін үйрету,граммтикасын меңгерту болып табылады.Әрине,1- топ оқушылары мен жұмыстану жеңіл болатындығы белгілі,ал 2- топ оқушыларымен жұмыс жасау қиындау соғады.
3- топ оқушыларымен жұмыстану үшін, алдымен оларға қазақ тілін білу,оны құрметтеу олардың ең бірінші міндеті екенін түсіндіру.Бұл бағытта мұғалім білімінің жан жақты болуы шарт: Мұғалім- психолог,мұғалім- тарихшы,мұғалім- әртіс т.б.Міне, осы әдістерді пайдаланып , оқушыға өз пәнінің қаншалықты маңызды екенін дәлелдеу, түсіндіре білуі керек.Оқушының пәнге қызығушылығы немесе оны меңгерудегі міндеті оянбаса, оның оқуға деген ықыласы төмен болатындығы аян.
«Ынта жігер болмаса, оқу деген далбаса» деген нақыл сөздің осы жерде қаншалықты маңызы бар екендігі көрінеді.Қызығушылық, ынта жігер , міндетті ояту мұғалімнің кәсіби шеберлігіне байланысты.Мұғалім сабаққа дайындалған кезде ,оқушы қызығушылығын қалай оятамын деген сұрақ туындауы керек. Мысалы: менің оқушыларымның көбісі орыс тілді, өзге ұлт өкілдері болғасын, мен оларға сөз құдіретін түсіндіру үшін,орыс тіліндегі, тіпті діни кітабындағы «Слово оно и есть бог» деген сияқты афоризмдерді қолданамын.Сөйтіп, оқушының ең әуелі сөзге деген қызығушылығын оятып,көзқарасының дұрыс болуын қалыптастырамын.Содан кейін ғана барып, грамматиканы меңгертуге кірісемін.
Өз тәжіриебемнен байқағанымдай оқушыға құр тест сұрақтарын жаттату,тиімді нәтежие бере алмайды.Грамматиканы,оның әр саласын меңгеру үшін күнделікті сабақтарды,белгілі бір тақырыпты толық игертетіндей етіп дайындап,оқушыға жететіндей етіп берілуі тиіс.Біздің жұмысымызда ең қажетті нәрсе сабырлық болса, қандай да болмасын бір тақырыпты егежей-д тегежейлі түсіндіру, оны оқушының деңгейіне сай жеткізе білу үшін,осы қасиетті, яғни сабырлық пен табандлықты мықтап ұстануымыз керек.
Нәтежиеге жету жолында не қажет?
1.Мұғалімнің кәсіби біліктілігі.
2.Әр оқушыға дұрыс сараптама жасай білу.
3.Берілетін тақырыптың оңтайлылығы.
4.Тақырыптар бойынша бақылау тестілері:
еске алу,сәйкестендіру сияқты тест жұмыстарын жүргізу.
5.Жіберілген қателерге жауапты оқушының өзіне іздетіп,талдау жасау.
Мектебімізде аудандық байқау тестілеуінен бөлек, ай сайын екі рет мектеп әкімшілігі тарапынан бақылау тестілері жүргізіліп отырады.Тест жұмыстарынан соң әр оқушы орындаған жұмыстарын өздері тексереді,жіберілген қателермен жұмыстанады. Бұл жерде оқушылар пәнге қатысты оқулықтарды пайдаланады.Тест қорытындысы бойынша анықтама жазып,дұрыс меңгерілмеген тақырыптар бойынша жұмыстанып мониторинг жасалады.
Осылай оқушылармен үзбей дайындық жүргізу оларды белгілі бір нәтижелерге жеткізеді.