Рахмет, са?ан ?ліппе! ерте?гілігі

НЫҒЫМАН АЛШЫНОВ АТЫНДАҒЫ ЖАЛАУЛЫ ОРТА МЕКТЕБІ

Өткізген: бастауыш сынып мұғалімі
Р.Т. Батырханова
2014-2015 оқу жылы
Тақырыбы: Рақмет, саған Әліппе!
Мақсаты: Оқушылардың Әліппеден алған білімдерін бекіту. Әдептіліке, сауаттылыққа баулып, білімін, өнерін көрсету.
Көрнекілігі: ана тілі, әліппе суреті, нақыл сөздер
Мұғалім сөзі:
-Құрметті ұстаздар, ата-аналар, оқушылар! Осыдан 4 ай бұрын ата- аналары жетектеп 1- сынып табалдырығынан аттатқан бүлдіршіндер бүгін сауат ашып, білім алып, мектеп сатысының бір кезеңін артқа қалдырды. Бұл кезең Әліппе кезеңі.
Жаза білер ол егер
Қолға берсең қаламсап.
Зуылдата жөнелер
Әліппені ала сап –деп ортаға бүлдіршіндерімізді шақырайық.
Бұлт Күн
Алшынов Әділет Жубай Аяулым
Муса Арайлым Әмірхан Мұқағали
Ибрагим Ақмарал Мухамеджанова Кымбат
Кунанбаев Еркин Батырханов Арман
Бурабай Ақбота Серікбай Сәния
Баешов Ерсін Төлеген Дастан
Темирболатова Даяна
Музыка ойнайды.
Көз салып қараңызшы бойымызға,Ортақ боп бүгінгі өскен ойымызға.Қош келіпсіз, ұстаздар, ата-аналар!Әліппемен қоштасу тойымызға!
-Білім әлемінің беташары - Әліппені табысты аяқтауымен құттықтаймын.
(Сахнада «Күн» және «Бұлт» елінің тұрғындары, яғни оқушылар бір - біріне қарама - қарсы тұрады).Мұғалім: Ерте, ерте, ертеде аспан әлемінің бір жағында «Күн» елі, бір жағында «Бұлт» елі өмір сүріп жатыпты. Екі елдің балаларына ортақ екі оқымысты білім береді екен. Екеуі екі елге қатынаудан қатты қалжырап, шаршапты. Екеуінің ойы тек біреу болыпты. Ол не болғанда да екі елді бір жерге біріктіру екен.«Күн» елі мен «Бұлт» елінің балалары білімді, өнерлі, талантты болып өседі екен.Екі оқымысты ол балалардың білімдерінің, өнерлерінің бастауы «Әліппе» екенін жақсы біледі. Бір күні олар әрі ойлап, бері ойлап мынадай шешімге келеді.Дастан (1 - оқымысты): - Е, достым бұл екі елді тек білім мен өнер ғана қоса алады. Соны ескеріп бір нәрсе ойлап табайық.Әділет (2 - оқымысты): - Оның дұрыс - ақ, әріптес. Олардың балалары жақында білім бастауы «Әліппемен» қоштасу кешін өткізеді.Дастан: - Олай болса, сол кешті екі ел бірге өткізсін деп ұсыныс айтайық. Олардың жаңалыққа әрқашан жаны жақын.Әділет: - Жарайды, қоштасу кешін «Жерде» өткізетінін айтып хабарлайық.Дастан: - Уа, «Күн» елі біз бір жаңалық айтқалы отырмыз. Биыл білім бастауы «Әліппемен қоштасу» кеші «Жерде» болады.Әділет: - Уа, «Бұлт» елі білім бастауы «Әліппемен қоштасу» кеші«Жерде» болады.Мұғалім: Міне сөйтіп екі елді көндіріп, үлкен тойды «Жерде» өткізбекші болады. Екі елдің балалары бұл тойға ұзақ дайындалды.Сөйтіп той болар күнде жетті. Балалардың қуанышында шек жоқ. Олар ұшып жерге де жетті. Бұл тойдың аяғы немен аяқталатынынан бейхабар еді. Оны алдын - ала болжамайық, одан да тойды бастайық.
Би ФЛЭШ-МОБ
Жүргізуші: -Балалар, мен сендерге сұрақ қояйын. Сендер соған жауап айтыңдаршы.Іші толы әріпке,Білімдегі жарық не?Хормен:
Болашаққа жол бастар,Ол – сүйікті Әліппе!
Ол - сүйікті Әліппе!Жүргізуші: Олай болса, бәрімізге ең қымбат Әліппені ортаға шақырайық.(Әліппе ортаға шығады)
-Сәлеметсіз бе, Әліппе!
Әліппе: Армысыздар, жас достар!
Армысыздар, ата-ана
Болашаққа жол бастар
Әліппең келді ортаға
Білім деген ғажаптың,
Әліппесін меңгерген
Келешегі қазақтың
Басталады сендерден.
Жүргізуші: Балалар,алфавитте неше әріп бар?(42)
Қымбат: Алфавитті біліңдер
Онда жүйе қалып бар.
Біздің қазақ тілінде
Қырық екі әріп бар
Осы алфавитегі әріптердің сыры неде екен? Оқушыларды тыңдап көрелік?
Арайлым:
Альфавиттің «А» тұрады басында,
Әрқашан да «Ә» тұрады қасында.
Байқадың ба «Б» тұрады үшінші,
Ал осының сыры неде түсінші
Мұқағали :
«А» деген ол –аналар ғой ардақты,
«Ә» деген ол – әкелер ғой салмақты,
«Б» деген ол – балалар ғой әдемі,
Біздің елде үшеуі де кәделі
Алшақ кетпей
Сондықтан да расында,
Тұрады олар альфавиттің басында.
Ақмарал:
-Бүгін біздің қуанышымызда шек жоқ. Өйткені, біз тұңғыш рет сауатымызды ашқан «Әліппені» бітірдік.
Арман:
-Біз енді өзіміз-ақ кез-келген сөздерді, сөйлемдерді, тіпті қысқа әңгімелерді бөгетсіз оқи аламыз.
Ақбота: Бар кітапқа бас болған
Әліппе ғылым анасы
Әліппеден басталған
Даналықтың данасы.
Ерсін: Мектебің мынау классың
Осында он жыл тұрасың
Тарыдай болып кіресің
Таудай болып шығасың.
Әділет: Барлық әріп бағалы,
Айттық әділ бағаны
Әріпсіз сөз болмайды
Буын онсыз толмайды.
Даяна: Әліппем, менің әліппем
Сені қолға алып мен.
Есігін аштым мектептің
Ертеңгі сәуле жарықпен.
Дастан: Әліппе деген алтын жол
Апарар сені алысқа
Жеңіл емес ауыр жол
Тырмысып бақ намысқа.
Аяулым:Енді біз жаза білеміз,
Әріпті қосып әріпке
Риза боп саған жүреміз,
Сүйікті біздің, Әліппе!
Әділет: Барлық әріп бағалы,
Айттық әділ бағаны
Әріпсіз сөз болмайды
Буын онсыз толмайды.
Сәния: Ең алғаш алғанымда «Әліппені»
Қызығып қарай бердім әріптерді.
Мен үшін жұмбақ болып қалар ма еді,
Ұстазым оның кілтін алып берді.
Ән: Әліппе хор
1-тапсырма: «Әріптер әлемі» Оқушылар әріпті мүсіндеп көрсетеді. Қандай әріп екенін ата-аналар шешеді.
2-тапсырма «Менің есімім» Әркім кезекпен өз атын атап, есімінің бас әрпімен басталатын сөздер айтады.
3-тапсырма: «Сөз құрастыр, тез құрастыр» Ең алдымен жұмбақ шешіп, оның шешуін әріптермен құрап жазамыз. Екі топтың қайсысы жылдам, әрі дұрыс құрастыра алады екен?
1.Жазу жазып жалықпаған,
Жаза-жаза арықтаған. (бор)
Қабат-қабат қаттама,
Ақылың болса аттама. (кітап)
Құстай ұшар,
Қанатты тұлпар (ұшақ)
Шарлап келіп даланы,
Үйіме үйін салады. (қарлығаш)
Мұғалім:
-Біз әліппеден ертегі оқыдық. Қане, қандай ертегілермен таныстық?
(аттарын атайды)
Көрініс «Мақта қыз бен мысық»
Мұғалім:
Әліппемен қош айтысып қаламыз,
Енді қолға басқа кітап аламыз.
Ата-ана қуанышқа ортақ бол,
Сауатты боп шықты міне балаңыз
Әліппе:
Риза болып аттанам.
Рақмет айтып шаттанам
Оқумен өсіп толыңдар
Аман-есен болыңдар!
Ана тілі:
Сәлеметсіздер ме, балалар?
Бірге:
Қош келдіңіз, Ана тілі.
Ана тілі:
Туған елдің тілімін,
Ақылы мен танымын
Түсіндірер бәріне
Ана тілі пәнімін.
Ана тілің – құралың,
Ана тілің – ұраның
Ана тілің болмаса,
Мықты болмас тұрағың.
Мұғалім:
Ата-бабамыз ежелден 3 нәрсені бой тұмардай қасиет тұтып, қадірлеп өткен. Ол –ел, жер және тіл. Ана тілі-әр халықтың төл белгісі. Адам білімді, тәлім-тәрбиені –тіл арқылы үйренеді.Ана тілі деп атаудың себебі – анасындай қастерлесін дегені. Өз анасын сыйлайтын әр адам өз тілін де құрмет тұтып жүреді.
Құстар биі
Ән: Қошақаным Орындайтын Баешов Ерсін
Үнді биі
Хор: «Әліппе әні»
Мұғалім:
Бүгінгі күн әр үйдің той басы боп саналар,Балалардың есімі әулеттерге таралар.Ырым етіп ертеңгілік соңындаАқ тілекпен баршағаТілек айтар қонақтар. Сөз кезегін тәрбие ісінің меңгерушісі Жусупова Ж.С береміз.

«Ақ тілек» ойыны -Құрметті қонақтар! Бүгінгі ертеңгілігімізге уақыттарыңызды бөліп келгендеріңіз үшін көп рақметімізді айтамыз. Келесі кездескенше қош, сау болыңыздар!