Поурочный план по казахскому языку Кітап д?кенінде (6-сынып)

Сабақ жоспары
Пәні: қазақ тілі
Сынып: 6.
Мерзімі:
Мұғалім: Масалимова Г.А.
Сабақтың тақырыбы: Кітап дүкенінде.
Сабақтың мақсаты:
а) Білімділігі: берілген тақырып аясында сұхбаттасу. Тақырып бойынша жаңа сөздер үйрету. Сөйлесім әрекеттері арқылы оқушылардың сөйлеу қабілетін жетілдіру. Ол әрекеттерді жүйелі түрде қолдану. Практикалық жұмыстарға мейлінше көп көңіл бөліп, тілдесім әрекетіне жетелеу.
ә) Дамытушылығы: оқушылардың байланыстырып сөйлеу дағдысын диалог арқылы қалыптастыру. Берілген материалдарды өмірдегі жағдайлармен салыстыра отырып, тілдесім әрекетін жандандыру.
б) Тәрбиелігі: оқушыларға эстетикалық тәрбие беру.
Сабақтың типі: жаңа сабақ
Сабақтың әдісі: сұрақ –жауап, сұхбаттасу, өздік жұмыс.
Сабақтың көрнекілігі: оқулық, сурет.
Сабақтың барысы:
I. Ұйымдастыру кезеңі:
-Сәлеметсіңдер ме, балалар!
-Отырыңдар.
-Сынып сабаққа дайын ба?
-Көңіл-күйлерің қалай?
II. Үй тапсырмасын тексеру:
-Үйге қандай тапсырма берілді?
-Тапсырманы дерлік орындадық па?
-Қане, олай болса, үй жұмысын тапсырайық. (тапсырманы жалпылай сұрақтармен және жекелеп сұрап шығу)
III. Жаңа сабаққа даярлау:
-Дүкеннің қандай түрлері болады?
-Сендер кітап дүкеніне жиі барасыңдар ма?
-Кітап дүкенінен қандай кітаптар сатып аласыңдар?
IY. Жаңа тақырып:
Грамматика. Үстеу.
Үстеуді, мекен үстеуді кестені пайдалана отырып пысықтап шығу.
1. Мәтінге дейінгі жұмыс:
Сөздікпен жұмыс:
а) берілген сөздердің оқылуымен, аудармасымен, қолданылу аясымен таныстыру
ә) сөздерді хормен, жекелеп оқытып шығу
б) сол сөздерді қатыстыра отырып, сөз тіркестерін, сөйлемдер құрату
ертегі - сказка ғылым- наука
әңгіме - рассказ әдеби шығарма – художественное произведение
2. Мәтінмен жұмыс:
-берілген мәтіннің оқылуын үнтаспадан тыңдату
-оқушыларға жекелеп, кезекпе-кезек оқытып шығу
-мәтінді аударту
Кітап дүкенінде
Біздің қаламызда кітап дүкендері көп. Оның бірі Саттар Ерубаев көшесінде орналасқан. Дүкен көп қабатты үйдің бірінші қабатында
орналасқан. Іші кең, тамаша. Дүкенде көркем әдеби шығармалар, оқулықтар, әлем әдебиеті, балалар әдебиеті сатылады. Жарас пен Әділ кітап дүкеніне келді. Жарас өзіне 6- сыныпқа математика, қазақ әдебиеті оқулығын, ал Әділ ағылшын тілі мен Қазақстан тарихы кітабын сатып алды.
3. Мәтіннен кейінгі жұмыс:
Берілген сұрақтарға жазбаша жауап жазу. Сөйлемдерге морфологиялық талдау жасау.
-Біздің қаламызда кітап дүкендері қай көшеде орналасқан?
-Кітап дүкенінде қандай кітаптар сатылады?
-Сен кітап дүкенінен қандай кітаптар сатып аласың?
1- тапсырма.Сұхбатты жалғастырып әңгімелесіңдер.
-Сәлем, Айдар!
-Сәлем, Ардақ! Халің қалай?
-Рахмет, халім жақсы.
-Сен география пәніне арналған атлас картасын алдың ба?
-Жоқ, мен әлі сатып алған жоқпын.
-Онда кітап дүкеніне бірге барып, сатып алайық.
-Жақсы, жақын маңда кітап дүкені бар ма?
-Иә, бар. Ермеков көшесінде.
-Онда, кеттік!
-.....................
5-тапсырма. Сурет бойынша әңгіме құраңдар.

V. Бекіту.
-Сонымен бүгінгі сабақта не істедік?-Қандай жаңа сөздермен таныстық?-Қандай мәтін оқыдық?-Мәтінде не туралы айтылды?
VI. Бағалау.
YII. Үйге тапсырма:
-30-бет 3-4-тапсырма.
3- тапсырма. Берілген әңгімені толықтырып жазыңдар.
Біздің көшеде ... дүкені бар. Дүкенде ... сатылады. Мен дүкеннен ... сатып алдым. ... бағасы бес жүз жиырма теңге.
4- тапсырма. Мына сөйлемдерге сұрақ қойыңдар.
Майра өзіне қызықты кітап сатып алыпты. 2. Марина керекті кітаптарын кітап дүкендерінен іздеп жүр. 3. Асан сауда орталығына жиі барады. 4. Сауда орталығының бірінші қабатында азық – түлік сатылады. 5. Астыңғы қабатта кафе де бар. 6. Екінші қабатқа эскалатормен көтерілуге болады. 7. Айқын кітап дүкенінен балаларға арналған ертегі, әңгімелер, жұмбақ- жаңылтпаштар жинағын сатып алды.
YIII. Рефлексия:
Сабақ керемет өтті Сабақ жақсы өтті Сабақ нашар өтті

IX. Сабақ соңы.