Презентация Ы.Алтынсарин «Кел балалар о?ылы?» (2 класс)

Оқу ісінің меңгерушісі:----------- Абдрахманова Л.Т Күні:
Сабақтың тақырыбы: «Білім керек бәріне» тарауы
Ы.Алтынсарин «Кел балалар оқылық»
Сабақтың мақсаты:
а)Білімділігі:Оқушыларға Ы.Алтынсариннің өмірін үлгі ете отырып,оқудың пайдасы туралы әңгімелеу.Өлеңді түсініп оқуға,талдауға үйрету. ә)Дамытушылығы: Оқушылардың оқуға деген ниет-ынтасын,сөздік қорын ,тіл байлығын, шығармашылық қабілеттерін дамыту. б) Тәрбиелігі:Оқушыларды білімді болуға, ата-ананы құрметтеуге,сыйлауға тәрбиелеу.
Сабақтың түрі: Аралас сабақ
Сабақтың әдісі:Түсіндіру,сұрақ-жауап.
Көрнекілігі:Ы.Алтынсарин портреті,тірек сызба,маркер.
Пәнаралық байланыс:Дүниетану,халықтық педагогика.
Сабақтың барысы:
І Ұйымдастыру бөлімі:
Оқушылардың сабақ құралдарын,әзірліктерін тексеріп,зейіндерін сабаққа аудару.
ІІ Психологиялық ахуал
Бала, бала балақан,Кәне, қайсы алақан.Саусақтарын әйбат,Былай-былай ойнат.Топ-топ басайық,Жалаудан күн жасайық.Жаса, жаса алтын күнЖаса, жаса жарқын күн
Оқушылар шеңберде жиналып,мұғаліммен бірге бүгінгі сабаққа сәттілік тілейді.
ІІІ Қызығушылықты ояту
Сурет стратегиясы: Мектеп,парта Ы.Алтынсарин портреті.Бұл суреттерді байланыстырып сөйлеу,өз ойларын айту.
Ыбырай Алтынсарин Қостанай облысының Затобол ауданында туған. Әкесі Алтынсары ерте өлген. Ыбырай атасы Балқожа бидің тәрбиесінде болған. Атасы Ыбырайды Орынборда ашылмақ орыс-қазақ мектебіне жаздырып қойыпты. 1850 жылы сол мектеп ашылғанда түскен 30 қазақ баласының бірі – Ыбырай болған.Патша үкіметінің көздегені осындай мектептер арқылы жергілікті әкімшілік орындарға қазақтың өзінен миссионер қызметкерлер әзірлеу еді.
ІV Мағынаны тану
Ы.Алтынсарин туралы түсінік. Ы.Алтынсарин 1841-1889 Қостанай облысында туған. Ол – қазақтан шыққан тұңғыш ұстаз. «Қазақ хрестоматиясы» деген оқулық жазды. ә/ өлеңді мәнерлеп оқу,іштей оқу,тізбектей оқу,жеке-жеке оқу. А) І-деңгей(міндетті) сұрақ-тапсырмалары: 1. Өлең не туралы? Неше бөлімнен тұрады? 2.Білім не үшін керек? 3.Ы.Алтынсарин оқудың пайдасы туралы не айтты? Ә) ІІ деңгей(алгоритмдік) сұрақ-тапсырмалары: 1.Өзіңнің мектепке алғаш келген кезіңді есіңе түсіріп әңгімеле. 2.Оқу білім туралы қандай мақал-мәтел білесің? Б)ІІІ деңгей (эвристикалық) сұрақ-тапсырмалар: 1.Өлеңнінің әр бөлігін берілген атаулардың бірімен ата.Неге солай аталғанына мән бер. (Білім керек бәріне:ата-ана:оқудың пайдасы:сауысқанның тамағы:оқудың зияны) 2. Олай болса Ыбырай ата қалай оқыды деп ойлайсың
V Дәптермен жұмыс
Күннің жадын,тақырыпты жазу.
«Кел,балалар,оқылық!» Ы.Алтынсарин
VІ Кітаппен жұмыс
Кітаптың 4 бетін ашып өлеңді мәнерлеп оқу.
1.Қайталанып тұрған өлең жолдарын тауып оқы.Осы жолдардағы ақынның ой-пікірін байқап көрші.Ол неге шақырады?
2.Адам не үшін оқиды? Өйткені,білімсіз өмір болмайды.
VІІ Сөздікпен жұмыс
Тілегенің-сұрағаның
Әлпештеген-өсірген
Таятын- кететін
Сүйеу-тіреу,көмек
VІІІ Сергіту сәті
Орнымыздан тұрайық,Алақанды ұрайық.Бір отырып, бір торып,Біз бір дем алайық.
ІХ Мақал-мәтел
Білім инемен құдық қазғандай.
Оқу білім бұлағы,
Білім өмір шырағы.
Х Бекіту бөлімі:
1.Тоқуменен табылған дегенді қалай түсінесің?
2.Осы ой-пікірлері арқылы ақын не айтпақшы?
3.Өлеңнің бірінші бөлігіне қандай ат қояр едің?
4. Өлеңнің екінші бөлігіне қандай ат қояр едің?
5.Ыбырай атаның тағы қандай өлеңін білесің?
ХІ Үйге тапсырма
Өлеңнің екінші бөлігін жатқа айту.Ы.Алтынсарин туралы мәлімет жинау.
Қорытынды:Бағалап,мадақтау.