Внеклассное мероприятие Люблю тебя, моя деревня (на удмуртском языке)

Асьмелы кырӟан ужаны но улыны юрттэЗ.Н.Зайцева, Татарстанысь Кукмор ёросысь Вуж Юмья покчи ёзо школаысь покчи классъёсты дышетӥсь
Тулыс куазь но уг лу уӵытэк,
Одӥг гурт но ӧвӧл кырӟантэк.
Тӥ понна кырӟаськом выль гуръёс Кельшизы-а тӥлед та гуръёс?
Калыкын тазьы верало: «Кырӟанэн,пе, уж но капчи», «Кырӟаса мылкыд ӝутӥське», «Кырӟан котькинэн эшъяське». Зэмзэ но, со озьы. Шулдыр, капчи кырӟанэз кылыса, мылкыд бурдъяське, сюлэм капчи луэ.Нош ачид ке кырӟаськод, со тыныд ужаны но улыны юрттэ.
Кырӟанэз ярато городын улӥсьёс но, гурт калык но. Удмурт калык - одӥгез кырӟаны но эктыны яратӥсь калык. Милям гуртамы но вань кырӟась, эктӥсь, верась усточиосмы. Кырӟаны мон но яратӥсько ни пичи дырысеным ик. Удмурт кырӟанъёсты тужгес но яратӥ Можга педучилищеын дышетскыкум. Гуртамы вань «Вуюись» ансамбльмы, кудаз ке ачим но кырӟасько. Ансамблямы кырӟасьёс ваньзы ик культура но дышетон удысын ужало. Кырӟаны яратӥськом пӧртэм кырӟанъёсты: удмуртсэ но ӟучзэ, вашкала кырӟанъёсты но, туалазэ но. Кырӟанэз яратон мылкыд пыӵатыны тыршиськомы пиналъёсмылы но. Уго пиналлэн быгатонлыкез пичиысен ик тодмо луэ ни: кудӥз кырӟаны яратэ, кудӥз эктыны быгатэ.Нош сое азьланьтэм кулэ. Нылпиосын ужмес клубын, школаын, садикын ужасьёсын валче нуиськомы. Озьы капчигес но, шулдыргес но ужаны.
Туала улонын вордскем шаерез яратонлы, отын улӥсь калыклэсь сямъёссэ, вашкала йылолъёссэ тодазы возёнлы, котырысь инкуазез утёнлы сӥзем ужрадъёс нуонлы бадӟым саклык висъяське. Ми но школаямы нылпиосын таӵе ужрадъёс нуиськомы, угось солы пичиысен дышетыны кулэ. Одӥгзэ сыӵе литературно-музыкальной композициез дэмласько покчи классъёсын дышетскисьёслы .«Яратӥськом тонэ, вордӥськем гуртмы!»
Внеклассной ужрадАзьмуг: покчи классысь дышетскисьёслэсь вордскем гуртазы улӥсь калык кырӟанъёсты но шудонъёсты тодон-валанъёссэс эскерон но выль тодонъёс пыӵатон, ас шаердэ яратон но гажан мылкыд пыӵатон.
Ужпумъёс:
-чеберлыкез, музыкаез яратон мылкыд пыӵатон;
-нылпиосты сцена вылын асьсэсыз чебер возьыны дышетон;
-нылпиослэсь кырӟаны но эктыны быгатонлыксэс азьланьтон;

Ужрадлэн мынэмезСцена вылэ пото нылаш но пияш.
Нылаш: Милям пужымъёсмыСамой ӝужытэсь.
Милям узыосмыСамой ческытэсь.
Нош гурт калыкмы-
Самой умоесь .(Ф.Васильев)
Пияш:
Вордӥськем музъеме.
Вордӥськем шаере,
Туж мусо потӥськод,
Туж шулдыр адскиськод…
(Ашальчи Оки)
Нылаш но пияш пыро.
 Нуись:Ӟечбуресь, гажано эшъёс, гажано куноос! Асьме дорын туннэ шулдыр ӝыт. Ойдолэ кырӟанъёсын но эктонъёсын данъялом вордӥськем шаермес!
Музыка шудэмъя нылпиос сцена вылэ пото но полукруг карыса султо.
1-тӥ ныл: Нылъёс, ойдолэ возь вылэ шудыны васькоме!
2-тӥ ныл: Сяська бичаломе,
1-тӥ ныл: Тугоко керттоме,
3-тӥ ныл: Кырӟаса шудоме…
Ваньзы : Ойдолэ!
Кырӟан «Ойдолэ мыном шудыны».
1.Ойдолэ мыном шудыны/ 2 пол
Припев:Жин-жин мусо нылъёс,
Жин-жин чебер пиос, шудыны.
Жин-жин мусо нылъёс,
Жин-жин чебер пиос, шудыны.(Нылъёс эктыса сыло, нош пиос кизэс чабо)
2. Ойдолэ мыном возь вылэ/2пол
Жин-жин мусо нылъёс,
Жин-жин чебер пиос, возь вылэ.
Жин-жин мусо нылъёс,
Жин-жин чебер пиос, возь вылэ.
3.Отын шудом, кырӟалом/ 2пол(Ваньзы одӥг радэ султо)
Жин-жин мусо нылъёс,
Жин-жин чебер пиос, кырӟалом.
Жин-жин мусо нылъёс,
Жин-жин чебер пиос, кырӟалом.(Ваньзы кизэс чабо)
Пияш: Ойдолэ бергаса шудоме!
Ваньзы:Ойдолэ!
Ваньзы ваче ки кутӥськыса круге султо но бергаса кырӟало:
1.Экто али, экто али
Эктэмъёсы туж потэ/2 пол (паллянэ но буре бергаса кырӟало)
Та люкаськем калыкъёсынТодматскеме туж потэ/2пол (кык пар кунулскыса бергало, кылемъёсыз чабыса сыло.2.Маин дано, маин дано
Та Вуж гурт но калыкед?/2 пол
Бубыли кадь нылъёсын но,
Гудыри кадь пиосын./ 2 пол
Нош ик полукруг карыса султо1-тӥ ныл: Лёгы пыд шорам гинэ.
Эктон гур «Лёг пыд шорам гинэ»
Нылпиос парен султо, нош огез партэк азязы султэ но кырӟа:
1.Кин бен уг тод, кин бен уг тодМилям нылъёс первой сорт,
Эктыны артист кадесь но,
Кырӟаны уӵы кадесьЛёгы пыд шорам гинэ,
Учкы син шорам гинэ/2 пол
Лёгид ке пыд шорам гинэ,
Луод тон мынам гинэ/2 пол
(Аслыз пар шедьтэ но сьӧре султэ)
2.Тӧдьы весе,тӧдьы весе,
Тӧдьы весе кӧжы кадь.
Тӧдьы весе кӧжы кадь но,
Мынам эше уӵы кадь.
Лёгы пыд шорам гинэ,
Учкы син шорам гинэ/2 пол
Лёгид ке пыд шорам гинэ,
Луод тон мынам гинэ/2 пол.
Нош ик полукруген султо.
Пияш: Эк, шаль кышет!..
1.Улмо сётса сиытозы,
Эн сиелэ эшъёсы.
Кыл вераса люкытозы,
Эн люкиське эшъёсы.(Куплетсэ кырӟаку огез пинал азе потыса котырскыса эктэ)
Эк, шаль кышет,
Тӧдьы шаль кышет,
Укоям дуро,
Чильпам чуко.( Припевез кырӟаку эктӥсь аслыз пар быръе но бергаса экто)
2.Ой, апайёс, апайёс,
Маин чебер апайёс?
Cӧзулъёссы дарали но,
Соин чебер апайёс.
Эк, шаль кышет,
Тӧдьы шаль кышет,
Укоям дуро,
Чильпам чуко.
1-тӥ ныл:Шулдыресь ик асьмелэн Юмья палъёсмы! Гурезьёсмы ӝужытэсь, возьёсмы паськытэсь!
Ваньзы: Яратӥськом тонэ, вордӥськем гуртмы!
Марусямы чабей кизем (имитация амалэн эктон гуръёс)
1.Марусямы чабей кизем,
Марусямы,Марусямы чабей кизем.
2.Марусямы чабей арам,
Марусямы , Марусямы чабей арам.
3.Марусямы суслон пуктэм,
Марусямы,Марусямы суслон пуктэм.
4.Марусямы куинь вал басьтэм,
Марусямы, Марусямы куинь вал басьтэм.
5.Нырысез ик тӧдьы юсь кадь,
Нырысез ик, нырысез ик тӧдьы юсь кадь.
6.Кыкетӥез лыз дыдык кадь,
Кыкетӥез, кыкетӥез лыз дыдык кадь.
7.Куиньметӥез сьӧд кырныж кадь,
Куиньметӥез, куиньметӥез сьӧд кырныж кадь.
(Котькуд чурзэ кык пол кырӟало)
2-тӥ ныл: Гажано гурт калыкмы!Туннэ праздникмы мед кузьмалоз тӥледлы шумпотон, капчи мылкыд. Котьку луэ ӟеч мылкыдоесь, ужез яратӥсь, асьтэдыз но матысьёсты гажась.
Котьку ул но сяськаяськы яратоно гуртмы!
Кырӟан «Кыӵе чебер»
__________________