МЕКТЕПТІ? БАСТЫ Т?Л?АСЫ, Ж?РЕГІ-М??АЛІМ

Жабагиева Еркежан Асилмаметқызы,
№75 мектеп-гимназиясы
Шымкент қаласы
Оңт.Қазақстан облысы
erkezhan_7576@mail.ru
МЕКТЕПТІҢ БАСТЫ ТҰЛҒАСЫ, ЖҮРЕГІ-МҰҒАЛІМ
Ақыл-парасат күші адамның ойлауына,
пайымдауына, ғылым мен өнерді ұғынуына және
жақсы қылық пен жаман қылықты
айыруына көмектесетін күш
Әл-Фараби
Тәуелсіз ел атанып, тіліміздің мәртебесі артып, әлемге атымызды танытып жатқан кезеңде ұлттың, елдің болашағы – жас ұрпақ тәрбиесіне ерекше көңіл бөлінуі қажет.Осы егеменді, тәуелсіз Қазақстанда өркениетке бастар жолдың бастауы – мектеп десек, мектептің басты тұлғасы, жүрегі – МҰҒАЛІМ.
Қазақстан Республикасы педагог кадрларының біліктілігін арттырудың деңгейлі бағдарламалары аясында бірінші деңгей бағдарламасы бойынша мұғалімдерді оқыту курсына қатысып, мол тәжірибе жинақтадым. Бұл бағдарламаның басты ерекшелігі ,мектеп жұмысы мен оқушы жетістіктерін өрістетудегі негізгі тұлға- мұғалім деген ұстанымды негзге ала отырып, жылдам өзгеріп жатқан заман талабына сай мұғалімдерді оқушыларға қалай оқу керектігін үйретіп,соның нәтижесінде еркін, өзіндік дәлел –уәждерін нанымды, жеткізе білетін ,ынталы ,сенімді, сыни пікір көзқарастары жүйелі дамыған сандық технологияларда құзырлық таныта алатын және өз білімдері мен дағдыларын күнделікті өмірде пайдалана білетін оқушы қалыптастыруға даярлау.Осы мақсатта мектептегі іс-тәжірибемді сапалы түрде атқарып келдім.
Мектептегі іс-тәжірибеден алған әсерімді айтып жеткізе алмай отырмын, себебі, өзіме келсем курсқа барғанға дейінгі кезім мен іс-тәжірибеге келген кездегі іс-қимылдарым, арасында көп өзгешеліктер бар. Мен осы курсқа келгеніме өте бақыттымын. Өйткені осындай пайдалы бағдарламамен таныстым, оқытудың қыр-сыры терең екеніне көзім жетіп, талай нәрселерді білдім, үйрендім,үйрете білдім.
Кураторымыз Ұлжамал Жақсылыққызы өзінің бар білімін бізге асқан шеберлікпен, жан-жақты, түсінікті түрде жеткізе білді. Сол кісіден үйренгенімізді мектептегі іс-тәжірбиемде тиімді қолдана білдім.Мектептегі іс-тәжірибе кезінде түрлі коучингтер мен зерттеу сабақтары менің әріптестеріме үлкен септігін тигізді деп айта аламын.
Қорытындылай келе, осы бағдарлама ұсынып отырған жеті модульді пайдалану арқылы өткізген сабақтарда оқушылардың пәнге қызығушылықтары артты, өздерін жайлы, көңілді сезінді, олардың логикалық ойлары, есте сақтау қабілеттері дамыды, ең бастысы, сөйлеу дағдылары қалыптасты. «Мұғалім қоғамның ең білімді, ең отаншыл, білгілерің келсе, ең сынампаз бөлігі болып табылады» деп Президентіміз Н.Ә.Назарбаев атап көрсеткендей, әр мұғалімнің өзіндік ой-пікірі, қалыптасқан көзқарасы, өзіндік іс-тәжірибесі болып, өзінің жанын аямайтын, өзгенің баласын аялайтын адам ғана нағыз ұстаз болып табылады.