Презентация по истории ?аза?стан – болаша? бейнесі

Қазақстан – болашақ бейнесі Сұңқармыз ұша жетілер,Төменде бәрін қалдырып.Жамбы тұр көкте біз ілер,Қанатты нұрға малдырып! Тұлпармыз шаба жетілер, Жаралған жігер, намыстан. Жеңістің туы желбірер, Жүйрікпіз желмен жарысқан! «Сұңқар» тобына1. Еліміздің мемлекеттік  символдарын  ата  және  авторлары  кім?2. Ту, елтаңба, әнұран туралы айтып беріңіз.3. Ұлттық валюта қай жылы шықты?4. Авторлары кім?    Қазақстан Республикасының Мемлекеттiк Туы Тәуелсіз Қазақстанның Мемлекеттік Туы ресми түрде 1992 жылы 4 маусымда қабылданды. Оның авторы – белгілі суретші Шәкен Ниязбеков.Ту – мемлекеттің егемендік пен біртұтастықты білдіретін басты рәміздерінің бірі. Ортасында шұғылалы күн, оның астында қалықтап ұшқан қыран бейнеленген тік бұрышты көгілдір түсті мата. Тудың сабының тұсында тік жолақ түрінде ұлттық өрнек нақышталған. Күн, оның шұғыласы, қыран және ұлттық өрнек бейнесі алтын түстес. Көк түс түркі мәдениетінде терең символдық мәнге ие. Қазақстанның Мемлекеттік туында ол ашық аспанды, бейбітшілікті, игілікті білдірсе, түстің біркелкілігі еліміздің тұтастығын меңзейді. Қазақстанның мемлекеттік туында күннің бейнеленуі еліміздің жасампаздық күш-қуатын, серіктестік пен ынтымақтастық үшін әлемнің барлық еліне ашық екенін айғақтайды. Күн астында қалықтаған бүркіт мемлекеттің қуат-күшін, оның егемендігі мен тәуелсіздігін, биік мақсаттар мен жарқын болашаққа деген ұмтылысын танытады. Тудың сабын жағалай салынған ұлттық өрнектер Қазақстан халқының мәдениеті мен дәстүрін символдық тұрғыда бейнелейді. ТуКүнді құшқан қас қыран,Аясында қалқығанАспан түсті туым барКөк теңіздей шалқыған.Көкірек жауар шымқай өң,Көрген жерден елітер,Көркем өрнек, кең көңілКөл пейілге кенелтер.Тәжім етіп бас иер,Туы елімнің егемен.Тұтастығым куәсіТуғандай бір енеден.Елдігімді әлемгеПаш ететін байрағым,Тұнық менің көгімдейӘуемде мәңгі жайнаған!  Б.Бәмішұлы Қазақстан Республикасының Мемлекеттiк Елтаңбасы Елтаңбасы– мемлекеттің басты рәміздерінің бірі. Мемлекеттің мәдени және  тарихи дәстүрін бейнелейтін символдық мәні бар үйлесімді пішіндер мен заттардың мирастық ерекшелік белгісін білдіреді. Егеменді Қазақстанның Елтаңбасы 1992 жылы 4 маусымда ресми түрде қабылданды. Оның авторлары – белгілі сәулетшілер Жандарбек Мәлібеков пен Шот-Аман Уәлиханов. Қазақстан Республикасының Мемлекеттік елтаңбасы дөңгелек нысанды. Бұл – Ұлы дала көшпенділері айрықша қастер тұтқан өмір мен мәңгіліктің символы. Көгілдір түс аясындағы шаңырақ– елімізді мекендейтін барлық халықтардың ортақ қонысының, біртұтас Отанының символы. Аңыздағы қанатты тұлпарлар батылдықты, сенімділікті және ерік күшін танытады. Пырақтың қанаты Қазақстанның көпұлтты халқының қуатты және гүлденген мемлекет құру туралы ғасырлар бойғы тілегін аңғартады. Сонымен қатар, арғымақтың алтын қанаттары алтын масақты еске салады, қазақстандықтардың еңбексүйгіштігін және еліміздің материалдық игілігін танытады. Республиканың Мемлекеттік елтаңбасындағы тағы бір деталь – бес бұрышты жұлдыздың бейнеленуі қазақстандықтардың әлемнің барлық халықтарымен ынтымақтастық пен серіктестік орнатуға ниетті ел болуға  деген талпынысын танытады. Елтаңбада қолданылған негізгі түс – алтынның түсі. Бұл – байлықтың, әділдіктің және кеңпейілділіктің символы. ЕлтаңбаДүние әлем көзіндей,Дөңгеленген жамалы.Еге елімнің қорғаны-Кереге қанат қамалы.Көгілдір көктің жүзіндеШаңырақ-күн, уық-нұр.Мәңгі сөнбес күйінде,Маңдайдан жұлдыз туып тұр.Қуат отын қоздырғанҚос қанатты пырағым.Хас тұғырға қондырған«Қазақстан» -Ұраным.Тұлғасында түзілгенЫстық қаным, діл, арым.Төріме іліп,ТөсімеТағып жүрер Тұмарым. Шаймерген Әлдибекұлы Қазақстан Республикасының Мемлеткеттік Әнұраны Әнұран – мемлекеттің басты рәміздерінің бірі. «Гимн» термині «салтанатты ән» деген мағынаны білдіреді. Тәуелсіз Қазақстанның тарихында еліміздің мемлекеттік әнұраны екі рет – 1992 және 2006 жылдары бекітілді. Елдің дыбыстық рәмізінің танымалдығын арттыру мақсатында 2006 жылы 6 қаңтарда жаңа мемлекеттік әнұран қабылданды. Оның негізі ретінде халықтың арасында кеңінен танымал «Менің Қазақстаным» патриоттық әні таңдап алынды. Ол әнді Шәмші Қалдаяқов 1956 жылы Жұмекен Нәжімеденовтің сөзіне жазған болатын. Қазақстан Президенті Нұрсұлтан Назарбаев әнге мемлекеттік әнұран жоғары мәртебесін беру және анағұрлым салтанатты шырқалуы үшін музыкалық туындының бастапқы мәтінін өңдеді. Сөзі - Нұрсұлтан Назарбаев пен Жұмекен Нәжімеденовтікі, музыкасы - Шәмші Қалдаяқовтікі   Әнұран Алтын күн аспаны,Алтын дән даласы,Ерліктің дастаны,Еліме қарашы!Ежелден ер деген,Даңқымыз шықты ғой.Намысын бермеген, Қазағым мықты ғой! Қайырмасы:Менің елім, менің елім,Гүлің болып егілемін,Жырың болып төгілемін, елім!Туған жерім менің – Қазақстаным!Ұрпаққа жол ашқан,Кең байтақ жерім бар.Бірлігі жарасқан,Тәуелсіз елім бар.Қарсы алған уақытты,Мәңгілік досындай.Біздің ел бақытты,Біздің ел осындай! Қайырмасы:Менің елім, менің елім,Гүлің болып егілемін,Жырың болып төгілемін, елім!Туған жерім менің – Қазақстаным! ӘнұранҚаһарман қажыр, қайратым,Шайлықпас текті айбатым.Арман, абырой, толғаныс-Айтылатын ар, затым.Жұртымның мұң, мұратынҚұлқыма құйып тұратынСіңірген тұла бойыма,Тәңірлік күштің қуатын.Жан дауысы халқымныңШабыттана шырқалар.Киелі сөз, сазды әуенШырқағанда, нұр тамар.Беріле тыңдап,ЕгілеЖанып тұрар мың жанар. Шаймерген Әлдибекұлы Қазақстан Республикасы ұлттық валютасының тарихы Президенттің 1993 жылғы 15 қарашадағы жарлығынан басталды. Ұлттық валюта – теңге Қазақстан Республикасының бүкіл аумағында барлық төлем түрлері бойынша, сондай-ақ ешбір шектеусіз банктік шоттарға есептеу үшін және аудару үшін қабылдауға міндетті заңды құралы болып табылады. Жаңа үлгідегі ақшаны айналысқа енгізу туралы шешім бірқатар объективті себептер мен қажеттіліктерден туындады. 2006 жылдың 15 қарашасында екінші қатардағы жаңа үлгідегі банкноталар айналысқа енгізілді. Ұлттық валюта – теңге авторлары Хайрулли Габжалилов, Меңдібай Алин, Тимур Сүлейменов, Арима – Салы Дузельханова. Теңге де ту, елтаңба, әнұран тәрізді нысандарға жатады. Әрбір ел ұлттық валютасы арқылы өзінің тәуелсіздігін көрсетеді. «Тұлпар» тобына1. Қазақстан Республикасының жер көлемі? Жауабы: Қазақстан Республикасының аумағы – 2 млн 724 мың шаршы километрді құрайды. 2. Халық саны қанша ? Жауабы: 17 млн 3.Қандай  елдерімен  шектеседі? Жауабы: Батысы мен солтүстігінде Қазақстан Ресеймен 6467 шақырым, Оңтүстігінде Түркменстанмен 380 шақырым, Өзбекстанмен 2300 шақырым, Қырғызстанмен 980 шақырым, шығысында Қытаймен 1460 шақырым шектеседі. 4. Пайдалы қазбалары Жауабы: Пайдалы қазбалары – Мұнай, газ, көмір, алтын, қара металл, түсті металл, мыс, марганец, хром, никель, алюминий, асбест, фосфорит, тұз. Жалпы алғанда Менделеев кестесіндегі 70 элементтің қоры бар «Қазақстан» сөзіндегі әріптерден сөз құрастыру. 5 минут уақыт беріледі. «Қазақстан – болашақ бейнесі» тақырыбында эссе жазу. 5 минут уақыт беріледі. «Ақ дастархан» ойыны ойналады. Ұлттық тағамдардың, сусындардың аттарын жазу тапсырылады. Қай топтың дастарханы мол болса, сол топтың ұпай саны жоғары болады. ҮШ БАҚЫТЫМ Ең бірінші бақытым – Халқым менің,Соған берем ойымның алтын кенін.Ол бар болса, мен бармын, қор болмаймын,Қымбатырақ алтыннан нарқым менің. Ал екінші бақытым – Тілім менің,Тас жүректі тіліммен тілімдедім.Кей – кейде дүниеден түңілсем де,Қасиетті тілімнен түңілмедім. Бақытым бар үшінші – Отан деген,Құдай деген кім десе, Отан дер ем!... Оты сөнген жалғанда жан барсың ба?Ойланбай – ақ кел дағы от ал менен. Түтін түтет,Өс, өрбі, көгере бер,Немерелер көбейсін, шөберелер.Жадыңда ұста :Жақсылық күтпегейсің!От емес, оқ сұрасаң менен егер! Үш бірдей бақытым бар алақанда,(Мені мұндай бақытты жаратар ма?!)Үш күн нұрын төгеді аспанымнан,Атырау, Алтай, Арқа, Алатауға!!!                                                 Мұқағали Мақатаев