Дервиза байрамы Праздник Урожая на крымскотатарском языке.

Дервиза
Байрам
Сценарий
1)Селям алейкум, урьметли оджалар ве талебелер!!!
2)Дервиза байрамымызгъа хош кельдинъиз!!!
1)Дервиза байрамы кузь мевсиминде , яни 22 сентябрь куню къайд этиле. Дервиза сезю эки сезден ибарет: «дер» - къапу , «виза» - кирмеге рухсет, изин бермек. Яни Дервиза – бу янъы дюньягъа кирмек демектир.
-Бутюнхалкъ «Тюрк дюньясы» конкурснынъ гъалиби, санаат кичик академиясынынъ азасы Кадырова Реяна «Кузьде япракъ» йырыны акапелло йырлайджакъ. Къаршылаймыз!!!!!!!!!
2)Байрамдан эвель эвлерни, азбарларны, джыйштыралар. Эв бикелери кобете пиширелер. Байрам куню исе къызлар дюльбер кийимлерде бостанларгъа, тарлаларгъа, багъчаларгъа куль сепелер. Огъланлар исе аранларны тимизлейлер.
1)Байрам джемаатнен кечириле, эльбетте, дуа окъулып , къурбан чалына. Къызларгъа салынджакълар къурула. Къадынлар тепеликтен элек тагъырталар. Элек насылып юварланып тюшеджегинден келеджек йыл берекетли я да берекетсиз оладжагъыны билелер.
-Шимди исе 5-6 сыныф талебелери сизлер ичюн кузь мевсимине багъышлангъан шиирлер окъуйджакълар.
2)Байрамда йырджылар, оюнджылар, шаирлер, чынъджылар ве курешчилернинъ ярышлары кечириле. Тек бу байрамда таш атув ярышы кечириле ве бойле айтыла: «Къара куньлер таш къайткъанда къайтып кельсинлер».
-Энди исе невбет бизим «Яш нурларымызгъа». Олар «Мисхор къыз» оюныны иджра этеджеклер. Буюрынъыз!!!!!!!!
1)Байрам хораннен екюнлене. Шу куню Хыдырлезден Дервизагъадже екюн чыкъаралар. Яйландан энген къойларны чобанлардан къабул этелер, ве янъы чобанны сайлайлар. Ве сонъ тойлар башлана.

2)Бунынен, бизим Дервиза байрамына багъышлангъан концертимиз сонъунъа етти.
1)Биз даа бир кере сизлерни бу Байрамынен хайырлаймыз!!!
2)Дикъкъатынъыз ичюн чокъ сагъ олунъыз!!!