Окъув. Ривает Отьмекке урьмет.

Окъув 3 – В сыныф 05.01.17
Мевзу: Ривает «Отьмекке урьмет»
Меселе: талебелерни «Отьмекке урьмет» риваетинен таныштырмакъ; ифадели окъувны инкишаф этмек; нутукъ инкишафыны ве лугъат сёзлерини зенгинлештирмек; отьмекке ве бу зенаатта чалышкъанларгъа урьмет ашламакъ.
Планлаштырув нетиджелери: окъувгъа меракъ ашламакъ; диалог боюнджа окъув ве чифт шекильде ишлемек; окъув усталыкъларыны арттырмакъ ве окъулгъан икяени талиль этмек.
Дерснинъ теминаты: дерслик, ресимлер.
Дерснинъ кетишаты
Тешкилий къысымЭв вазифесини тешкерюв.
Эвге насыл вазифе берильген эди? (Роллерден окъумакъ ве суаллерге джевап бермек. Масал «Койлю ве тильки»
Олгъан бильгилерни актуаллештирюв.
1.Оджанынъ сезю.
Балалар мен сизге тапмаджалар тапмаджалар окъуджам, сизлр исе джевабыны айтынъыз.
1) Алтын баш, къамыш аякъ олур ашайт Не экенинъ мен айтмайым озюнъ айт.
(Богъдай)
2) Алла-алла алямет Ичи толу къыямет Беяз къойдым, сары алдым Пек лезетли бу нимет.
(Отьмек)
3) Тегерек аран Астында къарлы боран(Элек ве ун)
4) Бир атым бар назлана Ель уфюрсе айлана.
(Дегирмен)
5) Богъдайны осьтюрген, комбайнлар ве адамлар чалышкъан ерге не ейлер?
(Тарла)
2. Субет.
Балалар сизлер тапмаджаларгъа джевап таптынъыз, не акъкъында дерсимизде лаф этеджемиз, неге дерсимиз багъышланаджакъ? (Отьмекке).
Отьмек сезюни эшиткенде козюнъизинъ огюне не кетиресинъиз?
Отьмек→богъдай, дегирмен, ун, тарла, фурун, софра, уфакъ, машиналар, адамлар.
Мевзуны менимсев.
Балалар биз бир квач дерс девамында халкъ агъыз яратыджылыгъы (ХАЯ) мевзусында чалышамыз.Айтынъыз, ХАЯ къысмына насыл жанрлар кире. (Айнени, тапмаджалар, аталар сёзлери, тезайтымлар, лятифелер, масал.)
Бугунь биз сизлерден ХАЯ-нынъ бир чешитине таныш оладжамыз. Бу ривает. Ривает масалгъа охшагъан бир эфсане, эвель заманларда адамлар риваетлеринде агъыз агъыздан, несильден несильне теслим эткенлер.
Раатлыкъ дакъкъасы.
Метиннен чалышув.
Дерслик с. 51
Биринжи оджа окуй,балалар исе оджанынъ артындан козь этелер. Ривает «Отьмекке урьмет»
Лугъат иши.
Бу риваетте янъы сезлер расткеледжек.
уфакъ-отьмекнинъ кичкене парчачыгъыыргъакъ- чобаннынъ таягъыниет-макъсатхыянетлик-ярамазлыкъфурун-собаГруппаларда чалышув1 группа. Суаллер азырлай.
2 группа. Отьмек бизим софрамызгъа кельгендже насыл ел кече?
3 группа. Риваетни икяе этюв. (Къыскъадан)
Дерснинъ нетиджи.Баалав.
Бугуньки дерсимиз неге багъышланды? Насыл риваетнен таныш олдыкъ? Нени огрете бизге бу ривает?Отмекни ташламкъ, басмакъ олам? Ерге тюшкен отьмекни корьсениз, не япмакъ керек? Отьмекни, ерге тюшурсенъиз не япмакъ керек? Бизим эвимизде, софрамызда отьмек насыл ерни тута?Бугунь дерсте бизим балалар пек яхшы чалыштылар.
Эвге вазифе.
Отьмек акъкъында кучук инша тизюв, ве онъа келишкен ресимлер япмагъа.