Cаба? жоспар Сауыс?ан мен к?кек

2-сынып
Сабақтың тақырыбы: 2-сынып Сауысқан мен көкек
Сілтеме Жоспар, оқулық
Сабақтың мақсаты: Ертегінің мазмұнын түсіне отырып,идеясын ашады.
Күтілетін нәтиже Кейіпкерлерге сипаттама беру аркылы оқиғаны өмірмен байланыстыра білуге үйренеді.
Өз беттерімен қорытынды шығара білуге,қызықты әңгімеші рөлінде қалыптасуына жағдай жасайды;
Адамгершілікке,еңбекқорлыққа, табиғатты қорғауға тәрбиеленеді.
Негізгі идея Сыныпта психологиялық ахуалды орнықтыру. Ынтымақтастық атмосфераны құру
Критериалды бағалауды қолдану (өзін-өзі бағалау)
Сабақтың түрі Жаңа білімді меңгерту.
Сабақтың әдіс Интерактивті, СТО, ОҮБ, Жас ерекшелігі, АКТ
Оқыту формасы Топтық жұмыс өзін-өзі бағалау, сыни тұрғыдан ойлау, АКТ ны қолдану.
Сабақтың көрнекілігі: Сауысқан мен көкектің суреттері,мақал –мәтелдер интерактивті тақтадан көрсетеді.
Оқулық, сергіту сәті, постер, смайлинг, стикерлер, бағалау парағы
Сабақ барысы
І. Ұйымдастыру кезеңі Сыныпта жылы атмосфера
Үлкенге де,сіз
Кішіге де сіз
Бар әлемді құрметтеп,
Бас иеміз біз.
Сыныпты топқа бөлемін, топқа құстардың (бүркіт, қыран, көгершін, сұңқар) кезекпен атау бойынша бөлемін. Оқушылар топ басшысын сайлайды. Топта жұмыс ережесін есте сақтау. Бағалау парағымен таныстыру.
Жаңа сабақ: Сауысқан мен көкек
Кезең Сабақ бөлімдерінің мақсаты Мұғалімнің іс-әрекеті Оқушының іс-әрекеті
Білім
Ойлану
Қызығушылықтарын ояту:
Сұрақтар қойылады.
Жұмбақтардың шешуін тапқызу:
1.Ала шапан кигені,
Сескенгіш болған соң
Қыпылықтап жүргені.(Сауысқан)
2.Бір-ақ сөз біледі,
Өз аты онысы.
Соны айтып жүреді,
Және жоқ қонысы.(Көкек) Сұрақтарға жауап береді. Оқушылар жұмбақтарды шешуге тырысады
Түсіну Оқушы түсініп келгендері туралы деректерге тоқталады Мұғалім оқушылардың үйден қз бетінше дайындалып келгендері бойынша ашық сұрақтар қойып түсінігін текседі.
Құстарға қандай сипаттама берер едің?
Көкек туралы біліп келген деректерің қандай?
Сауысқан туралы біліп келген деректерің қандай?
Көкек
Жаршысымын көктемнің,
Көкек дейді мені жұрт.
Ойын айтар құс менмін,
Көктемді күтсең,мені күт.
Сауысқан
Ала қанат сауысқан,
Жемді шоқып тауысқан.
Ала қанат сауысқан
Жауыр атқа жабысқан,
Ойда жауыр көрінсе,
Ойбайлатқан сауысқан,
Қырда жауыр көрінсе,
Қиқандатқан сауысқан.
Суретке қарап құстарға сипаттама беру.
Қолдану Оқушы мәтіндегі негізгі идеяны өмірмен байланыстырады Мағынаны тану:
Түсініп оқып келген ертегі желісін өмірмен байланыстырып әңгімелеуге ықпал жасалады.
Сауысқанның көкекке шын көмектескісі келгенін қай сөзінен байқауға болады?
Ұя салу шын мәнінде қиын жұмыс па? Сен оны немен салыстырар едің?
Сонда ертегідегі негізгі ой неде болып тұр?
Ертегіні қандай мақалмен қорытындылар едің? Оқушылар өзіндік жұмыс ретінде орындайды, қасындағы жолдасымен талқылайды (Бірлескен оқу)
Сергіту кезеңі Би билету Сергіп қалады
Талдау Кубизм әдісі арқылы ертегіден түсінгендері бойынша талқылау 1-топқа. Неліктен көкектің ұя салуға құлқы жоқ? Көкек неліктен құры айғайлай береді?
2-топқа. Өмірмен байланыстыру. Көкеекке ұқсас адамдарға мысал келтіреді
3-топқа. Ертегіні рөлге бөліп ойнайды
4-топқа. Көкек пен сауысқанның табиғатқа, адамға қандай пайдасы бар деп ойлайсың? 1-топ Зерттейді
2-топ Қолданады
3-топ Сахналайды
4-топ Талқылайды
Жинақтау (синтез.) Алған білімді жинақтау Ой толғау.
Ойлайды, талпынады, шабыттанады.
Тақырыпты қайталау, жинақтау.

Басты кейіпкерлер Мекені Пайдасы Қандай сабақ алдың?
Сауысқан Көкек Даралық ой туғызу
Жеке тұлға пікірі кестені толтырады , өз ой- пікірлерін айтып береді, талдау жасайды.
Бағалау Мақалдардың мәнін аша отырып сабақты бағалап қорытады «Бірігіп көтерген жүк жеңіл»
«Алма піс, аузыма түс»
«Еңбек түбі береке»
Бағалау парағын тағы бір рет түсіндіріп өту
Бүгінгі сабақ сендерге ұнады ма? Несімен ұнады (ұнамады)?
Оқушылар өздерінің жауаптары мен жасаған жұмыстарына талдау жасап, бағалайды.
Өз ойларын қағазға түсіреді
Оқушыларды бағалау өзін-өзі бағалау, өзгені бағалау Критерийлер бойынша өзін-өзі бағалау
Рефлексия
Үйге тапсырма: Құмырсқаның өнері

Бағалау парағы
Аты-жөні:
Бөлімдер Білемін Білдім Білгім келеді
Сауысқан мен көкек жайында Берілген құстарға сипаттама беруді Ертегі бойынша сипаттама беруді Ертедегі кейіпкерлердің мінезін өмірмен байланыстыруды Екі құстың қылығы бойынша ой қорыта Олардың іс-әрекетіне баға бере