Елім деп жырла?ан ?ш б?йтерек

Елім деп жырлаған үш бәйтерек 
Тақырыбы: «Елім деп жырлаған үш бәйтерек» (мәнерлеп оқу сайысы)Мақсаты:Білімділігі: Оқушыларды Бейімбет, Ілияс, Сәкен жайлы тың деректермен таныстыру, талдау, қолдану, жүйелеу, салыстыру.дамытушылығы: өз ойын еркін жеткізе білуге баулу, сөздік қорын молайту. Сыры ашылмаған дәйектемелер арқылы дүниетанымын кеңейту.тәрбиелілігі: сұлулыққа сүйсінуге, талғампаздыққа, отансүйгіштікке, елін жерін, тілін құрметтей білуге, еңбекқорлыққа баулу, патриоттық сезімді бойларына сіңіруКөрнекілігі: 1.портреттер2. Әдеби кітаптар3. Газет - журналдар4. СуреттерКіріспеСәкен, Бейімбет, Ілияс! Үшеуінің де жөргегі – ұланғайыр бір даланың топырағы. Біреуі – соның кіндік ортасында, біреуі теріскей, біреуі – күнгей шалғайында бір жыл туыпты. Үшеуі де бір жаздың майсасынан алғаш нәр татып, бір қыстың ызғарынан алғаш қар басыпты.Үш бәйтерек.... Үшеуінің туысы қандай бірдей болса, тұрысы қандай әр бөлек. Біреуі – дәйім биікке талпынып, алға ұмтылған өр халықтың асыл арманындай асқақ, біреуі – талайды бастан кешіп, тауқыметке төзіп өскен қауымның сарқылмас сабырынан жаратылғандай сом, мығым. Біреуі – көпті көріп, көпті сүйген халықтың парасат – парқын, арман – аңсарын, мұқалмас жігерін кең қамтып, кемел сіңіргендей қуатты да нәрлі. Үшеуі де – халқы мен заманның ауыздарынан түсе қалғандай адал ұл.С. Сейфуллин атамекен болашағының нұрлы, жарқын болуын тіледі, барлық саналы ғұмырын, күш жігерін осы ізгілікті іске арнады. Сәкен айналасы жиырма жылдың ішінде қазақ дәулеті шалқыған, өнер - білімі гүлденген халықтардың қатарына қосуды армандады.
Сәкеннің өлеңдеріне кезек берелік
Қараңғылық, дәрменсіздік, қос үрей қорқақтық құрсауында талмаусыраған қалың бұқараны азаттандыру, еркін де жарық әлемге шығару, озық жұрттар санатына қосу, өнер - біліммен қаруландырып, бақытты өмір жасардай дәрежеге жеткеру Б. Майлиннің ес біле көкірегіне ұялаған аңсаулы арманы, ынтыға іздеген нысанасы еді.
Бейімбеттің өлеңдеріне кезек берелік
Жаңа заманда бостандыққа қолы жетіп, бақытты өмір сүрген, халқымен жиырма жылдай бірге жасасып және жақсы білген өмірін айқын бейнелеп, туған халқының жалынды жыршысы болған І. Жансүгіров поэзияның кең арналы эпикалық, терең сырлы лирикалық салаларында жарқырап көзге түсті де, шын халықтық, нағыз ұлттық поэзияның өрнекті үлгілерін салды. Кеңес заманында білімі де, тәжірибесі де, таланты да жетілген кешегі ауыл ақыны аз уақыттың ішінде әдебиет шеберлерінің алдыңғы сапына шығып, қазақтың жас совет әдебиетінің қалыптасу кезеңінде де қатарға жетіп кемелденген кезінде де өзіне лайық ардақты орнын алды. Сөйтіп оның есімі туған ел әдебиетінің тарихында «аспанның төсін арда емген» Алатаудай зәулім шоқының бірі болып қалды.
Ілиястың өлеңдеріне кезек берелік
ҚұлпытасЖарасқан ӘбдірашТалай ұрпақ бізден кейін келсе де,Тағзым етер дұға оқып зейіндеп.Мына дала болса егер мына бел,Сол арада жатыр Майлин Бейімбет.Ежелден - ақ екі көздің бірі қас,Озық туған, ойы жүйрік, жыры жас.Ақаңның да Құлагері бар десек,Сол Құлагер – Жансүгіров Ілияс.Теңеуін халық төксе де,Байламын айтқан бекемдеп.Сұлуы жердің Көкшетау,Сұлуы ердің Сәкен деп.

№18 орта мектеп
Кластан тыс жұмыс
Тақырыбы:«Елім деп жырлаған үш бәйтерек»
Қазақ тілі мен әдебиеті мұғалімі Халиева Г.Т.

Ақтөбе 2014-2015 оқу жылы