Авторское стихотворение II место городской конкурс авторских сочинений среди педагогов школ

Кукуева Кема Алексеевна, учитель калмыцкого языка и литературы
МБОУ «Средняя общеобразовательная школа №21» г. Элиста
ҮвлҮвлин цаг сәәхн, Үвл киитнәрн догшн. Тиим болв чигн, Үвл таасмҗта болна.
Үвлин цаг киитн, Киитнәс күн саглна, Дулан хувц өмснә, Дуланар герән бәрнә.
Күнд хар үүлнәс, Көвкр цасн унна, Өндр көрмүд хурна, Күүкд көлврәд наадна.
Һазр делгү көрнә, Һолын усн мөстнә. Гилгр мөсн деер Гүүлдәд, күүкд дошна.
Архайг цасн деерәс, Арһул, нигтәр унна, Күүкд һаза һарна, Көөлдәд, цасар шивлднә.
Күчтә киитн- зурач, Терзд зүсн-зүүл, Ке эрәс зурна, Күүнә нүд авлна.
Цаһан көвкр көнҗл Цеврәр һазр бүркнә. Царцсн цаһан цасн, Көл дор шухтнна.
Цәәсн теегин аһуд, Шовуд хатяр ниснә. У теегин аһуд, Аӊгуд чигн үзгднә.
Үвлин нарта өдрмүд Өврмҗтә сәәхн болна! Цевр аһар киилхд, Цаг айта болна!
Теегт аһар цевр, Теегт мел тагчг. Тег эӊдән цаһан, Тег эргндән сәәхн!