Жуан ж?не жі?ішке айтылатын с?здер

«№ 16 орта мектебі» коммуналдық мемлекеттік мекеме.
Сауат ашу.
«Жуан және жіңішке айтылатын сөздер.
Малдың төлін сүюі.»
(Қалалық ашық сабақ)
Бастауыш сынып мұғалімі:
Иксанова Шынар Оралбековна
Риддер қаласы.
2015-2016 оқу жылы
Тақырыбы:Жуан және жіңішке айтылатын сөздер.Малдың төлін сүюі.
Сабақтың мақсаты:
1. Жуан және жіңішке айтылатын сөздер туралы түсінік беру.Төрт түлік туралы түсініктерін кеңейту.Өлеңді оқып,негізгі ойын ашу.
Күтілетін нәтиже : Мәнерлеп , түсініп оқиды , өз ойын жүйелі айта біледі , шығарманы талдай алады , шығармашылықпен жұмыс істейді , үй жануарларына қамқор болады.
Сабақтың түрі:Аралас сабақ.
Әдіс-тәсілі:Сұрақ-жауап,түсіндіру,топтық,жұптық жұмыс, «Синквейн», «Венн»диаграммасы.
Көрнекілігі:сюжетті суреттер,кестелер,қима қағаздар,слайд.
Сабақ барысы:
1.Мотивациялық дайындау кезеңі.
Қуанамын мен де,
Қуанасың сенде.
Қуанайық бәріміз ,
Арайлап атқан күнге.
Ал енді қолымыздан ұстап бір – бірімізге сәттілік тілейік.
2.Оқушылардың сабаққа дайындығын тексеріп,сабақ мақсатымен таныстыру.
Бүгін біз балалар,3 топта жұмыс жасаймыз.Стикерлерін тағайындайды.Әр топ өзінің білімін түрлі тапсырмаларды орындай отырып көрсетулері қажет.Әр тапсырманы орындаған сайын смайликтер алып отырады.
II.Өткен білімдерін тексеру:
1.Сұраққа жауап «Сиқырлы қоржынның» тапсырмалары.
Қазақ тілінде неше әріп бар?
Неше дыбыс бар?
Дауысты дыбыс нешеу?
Дауысты дыбыстар нешеге бөлінеді?
Жуан дауыстыларды ата.
Жіңішке дауыстыларды ата.
Дыбыс пен әріптің қандай айырмашылығы бар?
2. «Әнші төлдерді» хормен жатқа сұраймын.
III.Операциялық орындаушылық кезең.
3 топқа 3түрлі сөз беріледі.Сөздегі дауысты дыбыстарды тауып,қалай айтылатынын анықтайды.
Жуан және жіңішке айтылатын сөздер туралы түсінік беріледі.
39-жаттығу ауызша орындалады.
40- жаттығу жуан ,жіңішке айтылатын сөздерді теріп жазады
Қорытынды жасалады.
Сергіту сәті
1.Топ жетекшілеріне тапсырма.
Төрт түлік мал туралы жұмбақтар шешеді.
1-топ. Кішкене ғана бойы бар,
Айналдыра киген тоны бар
2-топ.Кезікті бір жануар
Үстінде екі тауы бар.
3-топ Екі найзасы бар,
Екі айнасы бар
Сыртылдаған тұяғы бар
Бір желпуіш сияғы бар
Балалар шешкен жұмбақтарың нелер туралы?
2.Енді төрт түлік мал туралы өткен білімдеріңді көрейік.Топпен жұмыс.
1-топ .Төрт түліктің пірлерін табады
2-топ.Төрт түліктің дыбыстауын табады
3-топ.Төрт түліктің төлдерін табады
1-топ .Жылқының атаулары.
2-топ Түйенің атаулары.
3-топ Сиырдың атауларын айтады
Ой тастау
Ал енді балалар сендерді ата-аналарың қалай еркелетеді,қалай жақсы көреді?
Жақсы ,сол сияқты жануарлар да балаларын өте жақсы көреді,оларды қорғайды,қамқорлық танытады екен.
Оқулықпен жұмыс
А. Өлеңді дауыстап оқимын.
Б.Оқушылар оқиды,тізбек арқылы.
Сөздік жұмысы
Тоташым-еркем
Шұнағым-құлағына ен салған кезде кесілген құлақ
Жұрыным-бір бөлшегім
Слайдтан сюжеттер көреді
Міне балалар тек адам ғана баласын жақсы көрмейді барлық жан-жануар баласы үшін жанын беруге дайын екенін көрдік.
Малды құрметтеу
Кендірмен байлама
Жыңғылмен айдама.
Кендірмен байласаң,
Жыңғылмен айдасаң,
Мал бітер деп ойлама.
Бұл өлең жолдарынан не ұқтық? Дұрыс малды ұрып-соғуға қинауға болмайды.
Тыйым сөздер:
1.Малды теппе,
Ақты төкпе.
2.Малды басынан ұрма.
3.Малға теріс мінбе.
Шығармашылық тапсырма.
1-топ
Өлең шумақтарын құрастыру.
Тасатан-тасқа ---------
Сүйкімді менің---------
Сені жақсы -----------
Тентек болма----------
2-топ
«Бестармақ әдісі»
Не? Мал.
Қандай? Пайдалы
Не істейді?Төлдейді,шөп жейді.
Оның қандай пайдасы бар? Ет,сүт,жүн береді.
3-топ
Төрт түлік малды қалай және не үшін қорғау керек.Өз ойларын айту.

Төрт түлік
Қорытынды:

Әр топ «Төрт түлік» туралы не білгендерін жазып ,түсіндіреді.
Дұрыс айтасыңдар балалар ,қазақ халқы ежелден мал баққан .Мал жесе тамағы,мінсе көлігі, кисе киімі,байлығы осы мал болған.Қазір осы малдың пайдасын біз де көріп отырмыз.Сондықтан біз келешек ұрпақ ата дәстүрімізді сақтап,қасиетті төрт түлікті қоғап,ұлтымыздың бай тәжірибесін сақтап,жалғастыруымыз керек.
Рефлексиялық бағалау әдісі.
Кері байланыс
Сабақ ұнаса – жасыл жапырақ
Қиындыққа кездессе- сары жапырақ
Сабақ түсінбесе- қызыл жапырақ іледі
Үйге тапсырма:Мәнерлеп оқу, тиым сөздерді жаттау.