Т?рбие са?аты ?н?ран — елдігімні? жыр ?ні

Сабақтың тақырыбы: Әнұран - елдігімнің жыр әні
Сабақтың мақсаты:
Білімділігі: Қазақстан Республикасының мемлекеттік рәміздерін, құрылу тарихын түсіндіру;авторларын толығырақ таныстыру;
Дамытушылығы: Жеке тұлғаның жағымды қасиеттерін, дүниетанымын дамыту;талдау, салыстыру, ой қорыта білу қабілеттерін жетілдіру.
Тәрбиелілігі: Оқушыларды отансүйгіштікке, адамгершілікке, халқына адал қызмет етуге, елінің рәміздерін қастерлеуге тәрбиелеу.
Сабақтың көрнекілігі: Қазақстан Республикасының рәміздерінің , авторларының суреттері, нақыл сөздер, слайд.
Мұғалім: Біздің туып өскен жеріміз - Қазақстан Республикасы.Ол көне замандардан басталған тарихы бар, аса бай ел. Қазақстан жерін ежелден қоныстанып келе жатқан ел қазақ халқы. Көптеген ғасырлар бойы ел басқарған дана басшыларымыз кең байтақ жерімізді сырттан төнген қауіп – қатерден қорғап келеді. Қазақ халқы – ержүрек достықты адал, бауырмал, қонақжай халық . Қазақстан бүгінде дүниежүзінің көптеген елдерімен достық байланыс байланыс орнатқан бүкіл әлем таныған елге айналды .
1-оқушы: Көк туым көтерілді бағым жанып ,
Елтаңбам төрде әлемде танылды анық .
Шырқадым Әнұранды бар дауыспен
Арманым – Ата Заңы қабылданып.
Әнұран орындалады .
Мұғалім: Орындалсын жеңістерде Әнұран
Көкіректе сауле боп жағылады.
Атажұрттан алыста жүргендері .
Атамекен – отанын сағынады.
2-оқушы: 2006 жылдың 7 қаңтарында Қазақстан Республикасының жаңа әнұраны қабылданды. Ш. Қалдаяқовтың «Менің Қазақстаным» әні Қазақстан Республикасының Әнұраны деп жарияланды .
3-оқушы: Әнұран мәтінінде ғасырлар бойы тәуелсіздік үшін күрескен бабалар ерлігі көрініс табады .Сонымен қатар асыл мұрамыз – еліміздің кең байтақтығы , жер мен ел байлығы , біздің ұрпақтарымыздың болашағына айқын жол ашатын көрініс тапқан . Ең бастысы – тәуелсіздігіміздің айқын діңгегі – ел бірлігі баса айтылған .
Ән: Елім менің
4-оқушы: Әнұран авторлары:
Сөзін жазған: Ж.Нәжімеденов , Н.Назарбаев
Әуенін жазған: Ш.Қалдаяқов
Мұғалім: Әнұран қай кезде шырқалады ?
Оқушы: Республика , облыс , аудан көлеміндегі маңызды салтанатты мәжілістерде орындалады .
5-оқушы: Барша халық таныған
Біздің үміт тілекті.
Шырқалғанда әнұран
Шаттық кернер жүректі .
6-оқушы: Әнұраным – жан ұраным
Айтар әнім , сөйлер сөзім
Туған жерім сағынарым,
Бақыт-бірлік күн талабы .
Мәңгі бақи шырқалады
Республикам әнұраны.
7-оқушы: Жеңіс туын көтерген
Жарыстарда сан қилы .
Жетіп бізге шет елден
Көкке әнұран қалқиды .
8-оқушы: Шәмші атаның сазды үні
Жігер беріп қайратты
Бәрімізді мәз қылып
Жаңғыртады аймақты .
Би : Қаражорға
Мұғалімнің сөзі : Қазақстан Республикасының Рәміздері дегенде әрдайым ара - жігі ажырамас - ту , елтаңба , әнұран еске түседі . Бұларды бірін - бірінсіз бөлек қарастыруға болмайды .
9-оқушы: Туымыздың көк түсті болуының себебі – көк түс әрқашан бейбітшіліктің , тыныштық пен жарқын болашақтың белгісі . Яғни , аспанымыз ашық болсын дегеннің белгісі екен .
10-оқушы: Тудың қақ ортасында күн мен қалықтаған қыран құсымыз және сол жағында оюдың суреті бар . Ал түстердің сары болуының себебі – сары түс молшылықтың , байлықтың белгісі .
11-оқушы: Айнымайды аспаннан
Біздің тудың бояуы.
Оны халық қашан да
Биікке іліп қояды .
12-оқушы : Көк аспанда нұрлы күн
Күлімдейді далама .
Бақыт тілеп тұр бүгін ,
Ол барлық пәк балаға .
13-оқушы : Ұлттық өркен мұрамыз
Адастырмас мұраттай .
Нық көтеріп тұрамыз
Жалауды біз құлатпай .
Ән : Көк тудың желбірегені
Мұғалім : Қақ төрінде елтаңбам қағылады
Бұл жерде нар тұлғалар табылады .
Тәуелсіздік қазақтың қазығы ғой
Рәміздерім қазақтың бағы , жаны .
14-оқушы: Тұлпар – дала дүлділі , ер азаматтың сәйгүлігі , желдей ескен жүйрік аты , жеңіске деген жасымас жігері .
15-оқушы: Таңбадағы бесжұлдыз – мемлекетіміздің жарқын болашағына жол көрсетер жарық жұлдызы .
Ән : Алға Қазақстан
Мұғалім : Тәрбие сағатымыздың келесі бөлімінде тапсырмалар орындаймыз .
1-тапсырма : Елтаңба , Байрақ , Әнұран сөздерінен жаңа сөз ойлап табу .
Мұғалім : Оқушылар сендердің міндеттерің не ?
Хормен : Рәміздерді құрметтеу , қастерлеу – баршамыздың борышымыз . Әнұранның сөзін жатқа жатқа білу міндетіміз .
Қазақстан : Туымен тұғырлы ,
Елтаңбамен еңселі ,
Әнұранымен айбатты .
Қорытынды
Мұғалім : Тәуелсіз қазақ елінің ең жас ұландары !
Өз жерімізді , өз елімізді әкелер мен аталарымыз сияқты қорғауға , сүюге , қадірлеуге тиіс екенімізді естен шығармайық .