Женіл атлетика:30 метрге ж?гіру

«Алтын күз» мерекесі.1-жүргізуші:
Бейне нұрлы көкте күн,
Білсең өмір – көктемің.
Айқара ашар есігін,
Хош келдің! – деп мектебің
Балдырғандар, бұл мәлім,
Еркелігін тастайды.
Қыркүйекте мұғалім
Оқу жылын бастайды.
2-ж.:
Күн қарына алады,
Күздің соңғы айы бұл.
Қар да жауып қалады,
Алдамаса пайымым.
1-ж.:
Екінші айы бұл күздің,
Доп қуып, футбол ойнаймыз.
«Күзгі балын» мектептіңҚазан айында тойлаймыз!-деп ақын ағаларымыз жырлағандай, бүгінгі «Алтын күз» мерекесін бастауға рұқсат етіңіздер!
2-ж.:
Келді міне, алтын күз,
Сары шашты жарқын жүз.
Мол өнімді әр ісімен
Риза етіп халқын қыз.
1-ж.:
Қыры толы егіске,
Бағы толы жеміске.
Елді сыйға кенелтті Қолы ашық періште.
2 -ж.: Әр жыл мезгілінің өз ерекшелігі бар, балалар. Табиғат қай кезде болмасын – тамаша дүние. Күз келсе – біз сары-қызыл жапырақтарды тамашалаймыз, қыс түссе – аппақ қарда алысып ойнаймыз, (қысқы ойындардың өзінің бір ерекшелігі бар емеспе?); көктемде қабат-қабат тонымызды шешіп, күннің сәулесіне қыздырынып, жаңадан бүршік атқан талдарды, ұшып келген құстарды көріп, жаңа өмір басталғандай боламыз; ал жазда – көлге барып, суға түсіп, жазғы демалысымызды ерекше өткізуге тырысамыз.
1-ж.: Ия, өте дұрыс. Ақындар да әр жыл мезгіліне тамаша өлеңдер жазып, табиғаттың сулулығын өлең жолдары арқылы бізге жеткізген. Сол өлеңдердің көбін біз мектепте оқып, жаттап жүрміз ғой. Жыл мезгілдерінің бәрі тамаша. Әйтсе де, бүгін біз КҮЗге деген құрметімізді көрсетпекшіміз.
Құрметті қауым! «Алтын күз» мерекесінің бағдарламасымен таныс болыңыздар:
1. Топты таныстыру (Топтың аты, эмблемасы, киімдері.)
2. Музыкалық номер. (Күзгі тақырыпқа)
3. Әзіл көрініс.
4. «Күз сыйы» – көрме. (Табиғи бұйымдар)
5. Дастарқан әзірлеу.
6. Қорытындылау, марапаттау.
Әр тапсырманың арасында ойындар өткізіледі.
Әділқазылар алқасын таныстыру
І кезең. Таныстыру
2-ж.: Салқын тартып түз демі,
Білдіреді күз нені?
Шым еткізер жүректі
Тырналардың тізбегі, -дей келе, бірінші топты ортаға шақыруға рұқсат етіңіздер
1-ж.: Ызғырықты жел өтіне
Шыдап баққан тербетіле.
Ағаш біткен шашып жатыр
Алтын теңге жер бетіне.
Ортада екінші топ.
2-ж.: Тұратұғын құлап көктен,
Күн де салқын қыратты өпкен Момақансып, сылдыр қақпай,
Жылтырайды бұлақ біткен.
Үшінші топты қошаметпен ортаға шақырайық.
1-ж.: Құлақ түрсең аңдай қағып,
Күз кеткендей әнге айналып.
Жел сынсытса, қобыз тартып,
Қыр тыңдайды таңдай қағып.
Төртінші топқа кезек берсек.
2-ж.: Алма пісті бағымда,
Пісті балдай қауын да.
Жүзімдер тұр мөлдіреп,
Үзер шағың келді деп.
Алтын дәнін сары дала
Құйып жатыр қамбаға.
Күз еңкейе береді,
Жер жемісін тереді.
ОЙЫН№1 «Жарма тасу».
ІІ кезең.Кезекті келесі тапсырманы беруге рұқсат етіңіздер. «Өз өнерін көрсету» (муз. Номер)
1-ж.: Қолшатырлар көбейіп,
Бұлт тұмшылады өңірді.
Келді міне алтын күз,
Аспан жасы төгілді.
Күн қайтадан ашылды,
Ерке-шолжаң бейне іс.
Таңқалдырар адамды Мың құбылған бейнесі.
ОЙЫН№2«Сен білесің бе?» білгірлер сайысы1. Сиырдың пірі? (Зеңгі баба)
2. Жылдан құр қалған жануар? (Түйе)
3. Баста байлық?(Денсаулық)
4. Ел басқару саласындағы ең жоғарғы лауазымды тұлға?(Президент)
5. Қара алтын? (Мұнай)
6. Ұя салмайтын құс? (Көкек)
7. 12 ай? (жыл)
8. «Кел балалар оқылық» өлеңнің авторы? Ы.Алтынсарин
9. көру мүшесі? (көз)
10. 9-мамыр қандай күн? (Жеңіс күні)
11. Күйді орындаушы адам? (домбырашы)
12. Түйенің пірі? (Ойсылқара)
13. Жердің өсімдік өсетін борпылдақ жұмсақ қабаты? (Топырақ)
14. Қазақстандағы мемелекеттік тіл? (Қазақ тілі)
15. Ормандағы дәрігер? (тоқылдақ)
16. Жеті күн? (апта)
17. Есту мүшесі? (Құлақ)
18. Жанұяның басшысы? (Ата-ана)
19. Қырғызстан астанасы? (Бішкек)
20. Қазақтың ұлттық аспабы?(домбыра)
21. Футбол алаңындағы ойын заты?(Доп)
22. Домбырада жетеу, сырнайда алтау, қобызда бесеу. Бұл не? (Әріп)
23. Теңізде қандай тас болмайды? (Құрғақ)
25. Өзі судан шығады, бірақ судан қорқады? (тұз)
2-ж.:Берекелі, мерекелі
Келді жомарт алтын күз.
Қала да, дала да
Жанның бәрі жарқын күз.
Балақайлар алақайлап,
Мектеп іші нұрланды.
ІІІ кезең. Келесі үй тапсырмасының бірі «Әзіл көрініс»
1-ж.: Табиғатты адамзат аялаған,
Егін егіп, мал бағып саялаған.
Қарасындай көзінің қорғай жүріп,
Қамқорлығын ешқашан аямаған,- деп ақын ағамыз жырлаған екен.
ОЙЫН№3
Ойын «Кім тапқыр?» деп аталады
Мен жасырған жұмбақтардың жауаптарын екі тілде айту керек:
1. Тал басында Тундіксіз отау (құс ұясы – … – …)
2. Күндіз тіпті ұшпайды Түнде тышқан ұстайды (жапалақ – … – …)3. Жаурағанда күлдірер,
Өз еркіне жіберсең –
Дүниені бүлдірер (от – … – …)4. Аласа ғана бойы бар,
Тоғыз қабат тоны бар (пияз – … – …)5. Сақалы жоқ, шашы бар, бет-аузы жоқ, басы бар.
Белін бекем байлаған, қоқысты қоймай айдаған (сыпыртқы – … – …)Бәрекелді, балалар, енді біз «Жұмбақтар әлеміне» аттанайық1. Ұшқанда тізіліп жұбын бөлмейді,
Қонса көл суы тізеден келмейді (тырна)
2. Құрлықта жүрсе – маймаңдап,
Суда жүзсе – еседі қайықтап. (үйрек)
3. Ұя сап, балапан баспайды,
Өз атын атап қақсайды. (көкек)
4. Дамылсыз барабан қағады,
Сол жерден тамағын табады. (тоқылдақ)
5. Қарағайдың, шыршаның Бүрін шағып уатты.
Бұл қандай құс, айтшы, дос,
Тұмсығы қайшы сияқты. (қайшы ауыз)
6. Формасы бар домалақ,
Көміп қойдым сығалап,
Жақсы болса тұрмысы
Шығады екен қоғалап.
Бес ай тамам біткенде
Қаптап алдым құмалақ.(картоп)
2-ж.: Тамаша. Ал, Мұқағали атамыз «Табиғатты өлеңмен өрнектеп…» деген өлеңінде былай деген екен:
Табиғаттың тарылтпайық мөлдір кәусәр тынысын,
Пәк табиғат жүрегімнің тамылжыған жырысың.
Ей, адам, қалай ғана қатыгездік жасайсың?
Ол анаң ғой, ал сен кенже ұлысың.
1-ж.: Өте жақсы. Олай болса біздің балалар табиғатты қалай сүйетіндерін байқайық. Ал ол үшін кезекті «Күзгі сәнді» тамашалайық.
ІV кезең«Күз» тақырыбындағы сән байқауы.
1-ж.: Алтын күзде атырап
Аздап тыныс алыпты.
Жапырақтар қалтырап
Жерге түсіп қалыпты.
2-ж.: Алма-алмұрт албырап,
Жеміс-жидек пісіпті.
Қауын- қарбыз балбырап,
Қамбаларға түсіпті.
V кезең. «Дастарқан»
Құрметті қонақтар, оқушылар!Бүгінгі байқауымыздың тапсырмасының бірі «Дастарқан жабдықтау» әділқазылар баға берсін, біз сіздермен біраз ойын ойнап жіберейік!
1-ж.: Қаңғалақтап құлдилайды жапырақ,
Сарғыш тартып мынау дала, атырап.
Күн шуағын жинай алмай тұрғандай
Қатар-қатар шөмелеге шашып ап.
2-ж.: Жемісімен мөлдіреген бағы бар,
Сары күздің саумал сазы танымал.
Самал желмен баяу ғана толқиды Сары масақ, қауызында дәні бар.
1-ж.: Сары шалғын сыбдырласа белеңде Салқын тартты сабыр тауып өзен кей.
Өрлі-төмен құлдилайды құс біткенҚайтар кезін ойламайын дегендей,
- деген өлең жолдарымен бүгінгі күз мерекесіне арналған кешімізді аяқтаймыз.
2-ж.: Бүгінгі жеңіске жеткен топты құттықтайық және марапаттайық! (әділқазыларға сөз).
Жеңістерің құтты болсын! Келесі кездескенше!