Жалпылау Сынып жетекшісі 2 сынып
Степногорск қалалық білім бөлімі
Сынып жетекшісі Абильдина Шұға Қасымқызының педагогикалық жұмыс тәрбиесін жалпылау
Тақырыбы: «Оқушылардың адамзаттық құндылықтарын қалыптастыру»
В.Комаров атындағы Шаңтөбе орта мектебі
2013 жыл
Мұғалімнің аты-жөні Абильдина Шұға Қасымқызы
Туған жылы 5 наурыз 1970 жыл
Ұлты қазақ
Білімі орта арнаулы, Целиноград педагогикалық училищесі
Оқуды бітірген жылы 1990 жыл
Диплом бойынша мамандығым Бастауыш сынып мұғалімі
Мамандығым Бастауыш сынып мұғалімі
Еңбек өтілімі 20 жыл
Санатым екінші
Білімді көтеру 2011 жыл
Адамға қойылатын басты талап — асыл да ізгі адамгершілік қасиеттерді бойына сіңірген, ұлағатты азамат болып шығу. Өйткені адам — өзінің адамгершілігімен, қайырымдылығымен, адалдығымен және әділеттігімен ардақты. Адамгершілік — адамның рухани арқауы. Осыған орай күнделікті өмірде кісіге "жақсы адам" немесе "жаман адам" деген әдептілік бағасы беріліп жатады.
Сыныпқа мінездеме
2 «А» сынып жетекшісі Абильдина Ш.Қ.
Толық емес отбасы: 2
Асырап алынған:1
Оқушылардың өзара қарым-қатынасы жақсы, бір-бірімен тіл табысулары да жақсы, өйткені күнделікті өмірдегі жағдайларға байланысты көмектесу, қолғабыс беру, досты қиын кезде тастап кетпеу, достықтың ақшадан да артық екенін әр сағат сайын ескертіп отырамын. Түсініспеушіліктер болып жатса, оларды тез арада шешіп, екінші рет қайталанбауына жол бермеуге тырысамын.Әр отбасының өз ерекшеліктері мен балаға деген көзқарастары әр түрлі, сондықтан да оларды түсінушілікпен қарап, сыныптағы ортақтастыққа келтіріп, мектептің ортақ үй, ортақ тәрбие бар екенін, сондағы ережелерді сақтауларын жадындарында сақтап жүрулерін түсіндіремін.Өз құқықтарын және ата-аналардың міндеттерін әр кезде еске түсіріп отырамын. Болашақ еліміздің адал, шыншыл ,тәрбиелі, білімді азамат болуына жол нұсқаймын.
Бақылаушылық
Оқушының сабаққа қатысуын
Үлгерімін есепке алу
Оқу кабинетінің санитарлық тазалығын
Сырт киімдерінің талапқа сай болуын
Сонымен бірге ата-аналармен бірнеше сауалнамалар алдым. Олар «Сіз қандай ата-анасыз?», «Ата-аналарға айтылатын ұсыныс», «Бала қабілетінің даму деңгейін анықтауға ата-аналар үшін анкета», «Ата-аналарға психологиялық кеңес», «Балаңыз қандай деп ойлайсыз?» т.б.Осы арада ата-аналардың балалармен қандай жұмыстар жүргізетінін анықтап көруге болады.Кейбіреулер баланың қандай қызығушылығының бар екенін де білмейтін жағдайлар да болды.
Оқушылар мен ата-аналар арасындағы қарым-қатынасты байқау үшін «Үшбұрыш» өткіздім, оның мақсаты да ата-ана+бала+мұғалім арасындағы қатынасты нығайту болатын.Оқушыларға «Ата-ана кім?» деген сұраққа жауап беру керектін, ал ата-аналарға «Баланың өміріңіздегі алатын орыны қандай?» деген сауалға жауап беру керектін, сауалнамалардың жауабынан кейін, екеуіне ортақ жауап іздеп, оларға үлгі болатындай бағыт көрсетемін.
Бойымызға ең жақсы қасиеттер бізге
алдымен анадан тарайды.Ананың нәзік үні ,жұмсақ та аялы алақаны ,жан жылуымен аялауы бізді әлдилеп жұбатады , көңілімізді сергітеді.
8-наурыз Аналар мерекесі
Аналар мен қыздардың сайысы
Оның мақсаты:ана мен бала арсындағы қатынасты нығайтып, аналарға деген махаббаттарын арттыру, сыйласу, үлкендерге деген құрметтерін сезіндіру.
Әр ана өзінің қызымен жарысты
Мынадай сайыстар өтті:
«Өз қызыңды тап» аналардың көздері жабу қалпында, қыздардың қолдарынан ұстап,өз қызының қолын табы керек.
«Жақсы суретші» қыздардың көздері жабулы, аналары қолдарынан ұстап сурет салады.
«Әдемі сөздер» қыздар аналарына арнап әдемі сөздер айтады, кім көп айтады, соған байланысты.
«Сұрақ -жауап»аналарқыздарының немен шұғылданып, нені жақсы көретіні туралы айту.
Ер балалары бар отбасылар қазылар болды, соңында әр отбасына сай мадақтаулар тапсырылды.
«Мен және менің міндеттерім» атты сынып сағатын өткіздім.Оның мақсаты: адамзаттық басты құндылықтарды айыра білу,оқушылардың міндеттері мен құқықтары туралы білімдерін нығайтып, дұрыс сөйлеу мәдениетін қалыптастыру, адамгершілікке, жауапкершілікке тәрбиелеу.
«Қызықты сұрақтар» ойыны
Алғаш рет мектепке кіммен келдің?
Партада кіммен отырдың?
Білім туралы мақал білесің бе?
«Біз білеміз бе?» ойыны
Біздің мемлекет-ҚР
Мемлекеттік рәміздер-әнұран, ту, елтаңба.
Президентіміз-Н.Ә.Назарбаев
Әнұранды білеміз бе?
Туда ненің суреттері бар?
Елтаңба туралы не білеміз?
Пікірталас
Өздерінің құқықтары туралы және міндеттерімен таныстырамын.Адамзаттық басты құндылығы-білім алу, білімді азамат
болу керектерін ескертемін.
Табиғат біздің ортақ үйіміз, ондағы қыбырлаған жәндіктер мен өсімдіктер, ағаштар мен таулар, құстар мен жануарлар, барлығысы қоршап тұр. Олардың жоғалып кетпеуіне біз көмектесуіміз керек. Оқушыларды «Қызыл кітаппен » таныстыра отыра, сандары азайған, құрып кету шамасында тұрған табиғат құбылыстарымен таныстырып, Отанымыздың алтын қорларын қорғауға, табиғатты таза ұстауға үйретемін.Қорлармен таныстырып, құстардың түрлеріне шолу жасадым, жануарлармен де таныстық, ондағы мақсатым адам-жануарлар-құстар-аңдар-табиғат- барлығысының бір –бірімен тығыз байланыста ененіне көздерін жеткізу.