Урок по крымскотатарскому языку на тему: Фииль умумий малюмат. Мусбет ве менфий фииллер

МБОУ «КРАЙНЕНСКАЯ СРЕДНЯЯ ШКОЛА»
Урок по крымскотатарскому языку
на тему:
«Фииль - умумий малюмат.
Мусбет ве менфий фииллер».
Учитель: Мустафаева Эльмира ЭнверовнаДерснинъ мевзусы: «Фииль - умумий малюмат. Мусбет ве менфий фииллер».
Дерснинъ макъсады: 1. Фииль акъкъында бильгилерини пекитмек.
2. Фииллернинъ джумле ролюни анълатув.
3.Талебелерде озь фикирини ифаделев къабилиетини, нутукъ медениетини инкишаф эттирмек.
4. Ана тили дерслерине меракъ догъурув, севги ашлав.
Дерснинъ донатылувы: китап, джедвель, кроссворд, тахта.
Дерснинъ кетишаты.
I.Тешкилий къысым.1. Селямлашув.
2. Талебелернинъ дикъкъатыны джельп этюв.
3. Невбетчининъ рапорты.
5. Лакъырды дакъкъасы.Афтанынъ джумаакъшамы ве джума куньлери акъкъында субет.
II. Янъы мевзу устюнде ишлев.
Оджанынъ сёзю:
- Балалар,бугунь биз сизнен аджайип бир мевзу устюнде чалышаджакъмыз. Мен истер эдим ки, мевзунынъ адыны сизлер озюнъиз кроссворд чезип тапкъанынъызны.
Ф О Н Е Т И К А С Е ЗЧ Е ШИ Т Л Е РИ И С И М
Л Е К С И К О Л О Г И Я
И Л Ь М И Й

1.Тильшынаслыкъта нутукъ сеселерини огренген болюк.
2. Сёзлернинъ маналарына коре болюнмеси.
3. Предметлик манасыны ифаделеген сёз чешити.
4. Тильнинъ лугъат теркибини огренген илим.
5. Къырымтатар тилининъ услюби.
III. Мевзу устюнде ишлев.
Талебелерни мевзу ве макъсадларнен таныш этюв.
- Машалла! Кроссвордны догъру чездинъиз. Демек, биз бугунь башлангъыч сыныфларда фииль акъкъында алгъан бильгилеринъизни пекитеджекмиз: фиильнинъ менфий ве мусбет шекиллери, джумледеки ролю, фииль заманлары, фииллернинъ тюсленюви.
2. Тахтада текст язылгъан.
Кузь… . Тереклернинъ япракълары… . Къушчыкълар… . Сувукъ еллер… . Сыкъ-сыкъ ягъмурлар… . (кельди, сарарды, учып кеттилер, эсти,ягъып башлады.)
3. Суаллерге джевап берюв.
- Бу джумлелерге текст демек мумкюнми? Не ичюн?
-Нысыл сёз чешитине фииль деймиз?
-Фииль насыл суаллерге джевап бере?
-Нокъталар ерине насыл фииллерни къоймакъ мумкюн? (Талебелер джумлелерге келишкен фииллерни къойып, кочюрип язалар.)
-Келинъиз, бу джумлелернинъ грамматик негизлерини тапайыкъ.
- Фииллер джумледе насыл вазифени беджерелер?
Къаиде: - Предметнинъ иш-арекетини, алыны бильдирген там маналы сёзлерге фииль дерлер.
-Фииллер насыл шекильде къулланылалар? (мусбет ве менфий)
-Мусбет шекильдеки фииллер не бильдирелер?
-Менфий шекильдеки фииллер не бильдирелер?
-Фиильнинъ менфий шекили насыл япыла? Не вакъыт –ма, не вакъыт –ме ялгъамалары къошула?
4. Мустакъиль иш. Фииллернинъ менфий шекилини язынъыз.
Тикти –
Окъуды –
Чалышты –
Кетирди –
Сарды –
Тутты –
Кести –
Ойнады –
Секирди –
Тырнады –
5. Берильген фииллерге антонимлер язынъыз.
-Антонимлер деп, неге деймиз?
Битирмек – (башламакъ)
Атмакъ – (тутмакъ)
Къурмакъ – (бозмакъ)
Алмакъ – (бермек)
Орьтмек – (ачмакъ)
Кирмек – (чыкъмакъ)
Агъламакъ – (кульмек)
6. Берильген фииллерде синонимлерни тапып сызыкънен бири-биринен къошунъыз.
Чалышмакъ тартмакъ Болдурмакъ парламакъАнт этмек талмакъ Ярмакъ умют этмекИшанмакъ сындырмакъКъырмакъ ишлемекЧекмек емин этмек.
7. Суаллерге джевап.
-Фииллер насыл денъишелер? (заманларнен, шахысларнен, сайыларнен).
-Фиильнинъ къач заманы бар? Насыл заманлар?
-Кечкен заман фииллери не бильдирелер?
-Шимдики заман фииллери не бильдирелер?
-Келеджек заман фииллери не бильдирелер?
Мешгъулиет.
Кеч. Заман. Шим.заман. Кел. Заман.
Бакъмакъ –
Салламакъ –
Акъмакъ –
Къапатмакъ –
Котермек –
- Фииллер къач сайыда къулланалар? (теклик, чокълукъ).
-Фииллер къач шахыста къулланылалар?
Мешгъулиетлер: 1. шенъленмек,толдурмакъ фииллерни шахысларнен тюслендирмек.
Сёзлерни топлап джумле тизинъиз, синтактик талиль этинъиз.
А) Йыл, эрте, бу, кельди, къыш.
Б) Йымшакъ, орьтюли, къарнен, беяз, ер.
IV. Пекитюв. Тестлер.
Фииллерни бельгиленъиз.
А) сынав в)корюшюв д) татильБ) ягъа г)кельди е) бояладым 2. Фииллернинъ менфий шекиллерини бельгиленъиз.
А) кульмеди в) язмагъан д) бильмейлер Б) денъиштирдим г) гизлейсинъ е) осьтюрди 3. Фииллернинъ мусбет шекиллерини бельгиленъиз.
А) Къамашты г) ёрулмадынъыз д) инандырдыкъ Б) индемеди д) зуваджагъым е) кесмезлер 4. Фииллернинъ шимдики заман фииллерини бельгиленъиз.
А) бозды в) ювалар д) болесинъ
Б) йыртам г) бараджакъ е) чалмакъ 5. Келеджек заман фииллерини бельгиленъиз.
А) юкледи в) ёрулдынъыз д) кесерлер Б) дагъытаджакъ г)къачаджагъым е) сёндюрдим 6. Кечкен заман фииллерни бельгиленъиз А) корюшмек в) болюштим д) болдурдынъ Б) оксюрди г) бармакъ е) кельмедиV. Дерснинъ нетиджеси.
«Микрофон» усулы. – Бугунь дерсте сен нелерни яхшы менимсединъ ?VI. Эвге вазифе: 4 фиильни тюслендирмек, къаиделерни текрарламакъ.