Ашы? т?рбие са?аты.8 Б сынып Діні ?уатты елді? — іргесі берік

Сыныбы:8 «Б» сыныбы.
Сынып жетекшісі: Арысбаева Гаухар Махмутқызы.
Қатысқан оқушы:24
Тақырыбы: «Діні қуатты елдің – іргесі берік» Мақсаты: Ислам діні туралы, мұсылмандықтың бес парызы туралы ұғындыру, имандылық туралы түсінік беру, Ойлау қабілетін шыңдау, адамгершілікке, ұлтжандылыққа тәрбиелеу. 
Сабақты әнұранмен бастаймыз.
Жағымды қүйге ену. Дін туралы музыканы тыңдау.
Мұсылман әлемі мен мәдениеті өте ежелгі әрі қызықты тарихи оқиғалардан құралған, Ислам діні - әлемдік діндер ішіндегі ең кең тараған қасиетті дін. Ол Араб түбегінде VII ғасырда пайда болды. Ислам дінінің негізін салған – Мұхаммед ибн Абдулла ибн Әбді Мүтәліб ибн Хашим. Мұхаммед пайғамбар Меккеде 13 жыл, Мединеде 11 жыл араб халқын Ислам дініне үгіттеген. Діни ұғым бойынша Алла бар, ол біреу және бәрі соның қолында. Алладан басқа табиғат құбылыстарына, қолдан жасалған мүсіндерге, рухтарға табынуға, сыйынуға болмайды. Діннің басты негізі және мұсылмандықтың кілті – «Лә иләһа илла Аллаһ, Мұхаммад расул Аллаһ», яғни мағынасы «Алладан басқа тәңір жоқ, Мұхаммед оның елшісі» деген сөйлемде жинақталған. Мың жылдан астам уақыт бойына ата - бабаларымыз осы Ислам дінін ұстанып, жоғары бағалап, мұсылман атанып келеді. Рухани тазалықтың, ар - ұят пен адалдықтың мызғымас тірегі дін екенін сол қоғамда өмір сүріп отырған әрбір адам білуі шарт. Сондықтан да имандылық пен адамгершілікті бір ұғым деп білген жөн. Күллі мұсылман қауымының шариғат заңдылықтарында, діни ғұрыптарында, тіпті күнделікті тіршілігінде басшылыққа алатын, аса киелі, қасиетті кітабын Құран деп атаймыз. Ол мұсылмандар ұғымында тура жол көрсетуші қасиетті кітап Құранда 144 сүре бар. Оның ең қысқа сүресі 3 аяттан тұратын «Кәусар», ал ең ұзағы 286 аяттан тұратын «Бақара» сүресі. Ислам діні адамның тән тазалығымен қатар ішкі жан дүниесін де таза ұстауға көмектеседі. Өзін мұсылман санайтын адам баласы 5 парызды ұстануы керек. 1. Аллаға сеніп, Мұхаммедтің үмбеті екенін мойындау. 2. Дәрет алу, күніне бес рет намаз оқу. 3. Рамазан айында отыз күн ораза ұстау 4. Қажылыққа Меккеге бару. 5. Жарлыға зекет беру (пітір - садақа беру) Алла тарапынан білдірілген әмір, міндет және тыйымдардың жиынтығын дін деп атайды. Дін – үлкен ғылым. Ислам діні қоғамға және ізгі адам баласын адамгершілікке баулуға қызмет етеді. Қасиетті Құран кітабын дәрет алып қолға ұстағанда «Биссмиллаһир - рахманир - рахим» деу керек. Құран кітапта жазылған аяттар адамды мұсылмандық жолға бастайды. Мешіт – Алла үйі, қасиетті инабат, ғибадат орыны. Мешітке оң аяқпен сәлем беріп кіреді. Мұнда төрге, орынға таласпайды, әдепсіз сөйлеуге болмайды. Әр мұсылман Алла үйіне құрметпен қарауға міндетті. Хадистер. Мұхаммед пайғамбардың даналық сөздерінің жиынтығы. Өз жолына иланғандарға Мұхаммед пайғамбар үйреткен ережелер: 1. Ашуды тежеп ұста. Туыстардың қияңқы қылықтарын кешір. 2. Бір - біріңе кек сақтама. Біріңді - бірің қызғанба. Біріңді - бірің мазақтама. 3. Өзара аңдыспа. Басқаның сенімін алдама. 4. Досыңды сыртынан жамандама 5. Ұрлық жасама. 6. Заңсыз іске араласпа. 7. Мұқтаждық үшін берген қарыздан өсім алма. 8. Біреудің осалдығын дабырлатпа. 9. Хайуанаттарға қатігездік жасама т. б. 2) Мұхаммед пайғамбар шындықтың адамдарды жақсылыққа жеткізетінін, ал өтірік күнәға батыратынын ескертеді. «Ей, адамдар, өтіріктен аулақ болыңдар!» деп үндеді. Адамның ең ұлы қасиеті – адалдық. Өмірді адалдық қана нұрландырады, жан тазалығына жеткізеді. 3) «Қайырымдылықты оң қолыңмен жаса, сол қолың білмей де қалсын» дейді екен пайғамбар. Бірақ қайырымдылық қайыр – садақамен ғана шектелмеген. Айталық: біреулердің басқаларға жылы шырайы, жолдан адасқанға жөн сілтеу, жол үстінде аяққа оралға шөп - шалаң, тас - кірпіштерді алыптастау, соқырды кедергіден өткізіп жіберу, тіл қатқан адамға сыпайы сөйлесу, әлде біреуді сабырға шақырып, сабасына түсіру. 4) Әке - шешені пайғамбар қатты құрметтеді. «Жұмақ ананың табанында» деді ол. «Әкенің ризалығы – Алланың ризалығы. Әкенің реніші – Алланың реніші». Бір күні пайғамбарға әлдекім келіп: Айтыңызшы, мен жақсылықты әуелі кімге жасауым керек? - деп сұрапты. «Өз анаңа» деді пайғамбар. «Тағы кімге?» деді әлгі адам. «Анаңа» деп жауап берді пайғамбар. «Сонан соң кімге?» деді сұраушы. «Өз әкеңе» деді пайғамбар. Кім ата - анасына қандай жақсылық көрсеткен болса, соны өзінің бала - шағасынан көреді. Күнәлардың ең үлкені – ата - анаға лағнет айту. Ата - анаға ренжіп, кейіп, сөз қайтармауымыз керек, яғни ата - анамызды ренжітуден аулақ болуымыз керек. 5) «Білім игеріңдер» деді пайғамбар өзіне ілескендерге. Білім іздеу - әрбір мұсылманның қиналғанда қуаткер, оңашада ой - серік, жалғыздықта жолдас, бақытқа бастар ақылшы, торыққанда таяныш, адамдар арасында айбар, жауға қарсы жебе – сол білім болмақ. 6) Әрбір мұсылман баласы ерекше таза киініп жүруге міндетті. Ислам қағидалары бойынша киім - кешектің екі түрлі қызметі бар: адам денесін ыстық - суықтан қорғайды, сондай - ақ адамға көрік, сән береді. Мұсылман баласы ерекше қымбат киімге әуес болмағаны дұрыс. 7) Жәрдем немесе қайыр садақа беруді ең әуелі өзіңнен баста. Артылғаның болса, отбасыңды жарылқа, тағы бірдеңең артылып қалса ағайын - туыстарыңа бер. Олардан да артылып жатса, басқаларға бер. 8) Адамдармен үнемі ұрыс - керіс жағдайында болу күнәһар атану үшін жеткілікті. Ашу қыса бастаса сабыр сақтау керек. Адамға ашу түрегеп тұрған кезінде келсе, дереу отыра қалсын. Егер ашуы сонда да басылмаса, жатып алсын. Оттың ағашты жалмағаны сияқты, ашу - ыза мен қызғаныш ізгілікті жояды. 9) Тістерің мен саусақтарыңды күтіп ұстаңдар! Өйткені олар – тазалық, ал тазалық имандылыққа шақырады, ал имандылық өз серігімен бірге жұмақта болады. 10) Қанша қауіпті болып көрінсе де сіз әрқашан ақиқатты қалаңыз, соңы сәтті болады. Құтқарушы адал сияқты көрінсе де өтіріктен аулақ болыңыз, аяғы қасіретке соғады. Мұсылман мейрамдары мен салт - жоралғылары. Рамазан айт. Бұл мейрам мұсылмандардың ораза тұтанын Рамазан айы аяқталып Шәууал айының 1 - күні басталады. Ол үш күнге созылады. Мұсылмандар алғашқы күні айт намазын оқып, артынша амандық сұрасып, бір - бірін қонаққа шақырады, өзара жақсы тілектер айтып, ерекше қуанышпен атап өтеді. Құрбан айт. Үш күнге созылатын бұл мейрам мұсылман күнтізбесі бойынша Ораза айтынан 70 күннен кейін Зұлхиджа айының 10 - ы күні басталады. Құрбан айтта мұсылмандар Айт намазын оқып, құрбан шалады. Мәуліт мерекесі. Мәуліт – Мұхаммед пайғамбардың туылған күні. Мәулітте құран оқылып, Мұхаммед пайғамбарға салауаттар айтылады. Қадір түні. Құран кітабы түскен, адамдардың күәсі кешірілетін, бір жылғы ырзығы белгіленетін, жақсылығының сауабы еселенетін, дұға тілегі қабыл болатын, Алланың мейірімі жауатын ең қасиетті түн. Қадір түні Рамазан айының 27 - түні болады. Бұл түнді мұсылмандар құлшылықпен, мінәжатпен өткізеді. Құрбандық шалу – Жаратушыға жақындау үшін жасалатын құлшылық міндеттердің бірі, құрбандыққа негізінен түйе, сиыр, қой немесе ешкі сойылады. Құрбан етінің үштен бірі отбасына қалдырылып, 2 - бөлігі ағайын - туысқа, көршілерге немесе жолдас - жораларға беріліп, 3 - бөлігі тұрмысы төмен кедейлерге, жетім - жесірге таратылады. 
Сабақта слайд қорғау.
Көрініс. Мұсылманның әдебіИмандылық туралы мақал - мәтелдер 1. Ата жолы - адамдық, ана жолы – адалдық. 2. Кішілік пен кісілік – ұлылықтың белгісі. 3. Кешірім жасау – кеңдік, кешіре алмау – кемдік 4. Алғыс алған алтынға жолығады. Қарғыс алғанның аты жоғалады. 5. Алла деп бастаған іс алдымен бітеді. 6. Мал – бір жерге, иман бір жерге. 7. Ұяты жоқтың иманы жоқ. 8. Қадірлесең, әр тін қадір. 9. Сеннен - әрекет, Алладан – берекет. 10. Молда болғаннан, адам болған қиын. 11. Сұрай - сұрай Қағбаға да жетерсің. 12. Хақтың жолы – бір, жалғанның жолы – мың. 13. Жалғыздың жары – құдай. 14. Жаманмен жүздесу жаһаннам. 15. Әкбар бермейді – Алла береді. 16. Семсер, құран серті – бір. 
Оқушыларға сұрақтар беріледі:
Дін дегеніміз не?2) Діннің қандай түрлерін білесіз?3) Ислам діні туралы не білесіз?4) Ислам дінінің қандай түрлерін білесіз?5) Өз дініңіздің тарихын білесіз бе?6) Діни ағымдарға (секталар) көзқарасыңыз?!7) Жастардың діни сауаттылығын қалай бағалайсыз?8) Діннің адамдарға пайдасы мен зияны?!9) Қазіргі жастардың басқа дінге немесе діни ағымның соңынан еруіне не себеп деп ойлайсыз?10) Діни ағымдарды Қазақстанға таратудың себебі не деп ойлайсыз?
Дін деген билеуші топтың халықты бағындыру құралдарының бірі.2. Жасына қарай: Буддизм, Иудаизм, Христианство, Ислам. Негізгілері осылар, ағымдары көп.3. Ислам діні Аравия түбегінен тараған, Иудаизм мен Христианствоның негізінде жасалған дін.4. Ислам дініндегілер сунниттер мен шииттер болып бөлінеді. Олардан басқа ваххабистер, салафиттер және басқа да ағымдар бар.5. Исламның тарихы мен негіздерін жақсы білемін. 15 жылдан бері Ислам мен Христианствоны зерттеп келемін.6. Діни секталар секта басшыларының жеке баюы мақсатында құрылған құрылымдар. Мысалы, Благодать, Сайентология және т.б.7. Минус 3ке бағалар едім, жастар діннің қуаты қандай болатынын елемейді.8. Ол адамның өзіне байланысты, біліміне, парасатына, мінезіне.9. Дінге бойұсынып жатқан жастар өте аз. Қыздар хиджабты дінді түсінбегендіктен киіп жүр.10. Оның себебі біздегі дінге байланысты заңдардың осалдығы мен адамдардың діни сауатсыздығы.
Мұғалім сыйы.
Ана жүрегі.
Видео таспа
Қорытынды.
Қоғам дамуындағы дағдарыс әлеуметтік саланың барлық буындарына дін әсерінің күшеюін жылдамдатады. Бұл – тарихта талай рет орын алған құбылыс. Егер саясаткерлер сол дағдарыстан шығу жолын таба алмай, әлсіздігін дін арқылы демегісі келсе, дін мемлекеттік идеологияға айналады.
Қазақ ұлты исламға толық орнықпағанын және тез қабылдағыштығын ескерсек, біз бұл салаға көңіл бөлуге тиістіміз. Ендеше, тұрмыстық деңгейде болсын қазақтар исламға көңіл бөлгені жөн. Бір ұлттың бірнеше дінге бас ұруының салдарын тек өзге елдің тәжірбиесінен көрсек деймін
Әл-Фараби атындағы №14 мектеп-гимназиясы
Ашық тәрбие сағаты
Тақырыбы: Діні қуатты елдің-іргесі берік.
8 «Б» сынып жетекшісі: Арысбаева Г.

Кентау қаласы.