Внеклассная работа по психологий ?мір-шексіз керуен

«Өмір – шексіз керуен»
Мақсаты: өмірге деген құштарлықтарын, көзқарасын дамыту, өмірдің мәнін түсіндіру.
Көрнекіліктер: тірек сөздер, интерактивті тақта, сұрақ-жауап, әңгімелесу.
Түрі: тренинг
Барысы: 1.«Есімдер құпиясы» танысу.
2. «Көңіл-күй түсі» жаттығуы.
3. Ой толғау. «Өмір» туралы өсиет сөздер.
4. «Өміріңе немқұрайлы қарама» (эссе жазу)
5. «Кім жылдам?» (викториналық сұрақтар)
6. «Сөйлемді жалғастыр» жаттығуы.
Көңілді адам өзіне көңілді әлемді,
Көңілсіз адам көңілсіз әлемді жасайды. (С. Смайлс)
Өмір адамға бір – ақ рет беріледі. Сондықтан да сол өмірді мәнді де, сәнді, мағыналы өткізу өз қолымызда.
1.«Есімдер құпиясы» жаттығуы.
Алдымен бір-бірімізбен танысып алайық. Оқушылар өз есімдерін айтып, қасындағы көршісіне есімінен басталатын бір тілек айту.
2. «Көңіл-күй түсі» жаттығуы.
Әр оқушы өзіне ұнаған түсті таңдайды, сабақ соңында қандай көңіл-күйде сабаққа қатысқандары айтылады.
Қызыл – қуанышты көңіл-күй
Алақызыл – ұнамды көңіл-күй
Сары – жағымды көңіл-күй
Көк – суық көңіл-күй
Қоңыр – қиналған көңіл-күй
Күлгін – алаңдаушылық көңіл-күй
Қара – күш-қуаттың төмендеуі
Ақ – анықталмаған көңіл-күй.
3. Ой толғау. «Өмір» туралы өсиет сөздер.
Өмір – сенің мүмкіндігің пайдалана біл!
Өмір – сұлулық, сүйсіне біл!
Өмір – арман, жүзеге асыра біл!
Өмір – парыз, орындай біл!
Өмір – ойын, ойнай біл!
Өмір – байлық, бағалай біл!
Өмір – махаббат, ләззат ала біл!
Өмір – құпия, сырын аша біл!
Өмір – қайғы, көтере біл!
Өмір – күрес, жеңе біл!
Өмір – бақыт, баянды ете біл!
Ең бастысы – жүрегің таза болсын!
Оқушыларға мынадай сұрақтар қойылады.
А) Адам өмірінің мәні неде?
Б) Өмір тек бақытты кездерден тұрады ма?
В) Өмірден өз орныңды табу үшін адамның бойында қандай қасиеттер болу керек?
4. «Кім жылдам?» ойыны. (викториналық сұрақтар)
1) Қазақтың тұңғыш ғарышкері кім? (Т.Әубәкіров)
2) «Көксерек» әңгімесінің басты кейіпкері? (Құрмаш)
3) Күй атасы кім? (Құрманғазы)
4) Балдан тәтті кім? (Бала)
5) Қара шаңырақ иесі кім? (Кенже бала)
6) Тәрбие мен білімнің ордасы (Мектеп)
7) Екі адамның бір-біріне адалдығы (Достық)
8) Бес асылды атаңыз. (талап, еңбек, терең ой, қанағат, рақым ойлап қой!)
9) Шығыстың қос жұлдызы кімдер? (Әлия, Мәншүк)
10) «Менің атым – Қожа» хикаясының авторы кім? (Б.Соқпақбаев)
11) Адамның жүрегі қай жағында орналасқан? (сол жағында)
12) Қазақсатынның астанасы (Астана)
13) Астана қай өзеннің жағасында? (Есіл)
14) Қазақ алфавитін жасаған кім? (А.Байтұрсынов)
15) Үш арсызды ата? (ұйқы, күлкі, тамақ)
16) Ең терең көл? (Байкал)
17) Өздеріңнің мектеп басшысының аты-жөні кім?
5. «Сөйлемді жалғастыр» жаттығуы.
Жақсы өмір – бұл....
Бақытты адам –
Мен адамдардың .....бағалаймын...
Менің өмірімнің маңызы мынада.....
Достым, сен өмірде өз орныңды табасың, өйткені, сен.....
Құрбым, сен үлкен жетістіктерге жетесің, өйткені сен....
Бауырым, мен сені мақтан етемін, өйткені сен.....
Ұстаз, мен сізді қадірлеймін, өйткені сіз....
6. Шығармашылық жұмыс.
Төмендегі тірек сөздерді пайдалана отырып, «Өміріңе немқұрайлы қарама!» тақырыбында шағын әңгіме (эссе) құрастыру.
Тірек сөздер: азаматтық, қымбат, өмір, жеңіл, ой, ниет, пейіл, бақыт, игілік, адалдық, ұят, ар-намыс.
7. «Өзін-өзі бағалау» медитациясы.
Мен - ол мен. Бүкіл әлемде мен сияқты ешкім жоқ. Маған ұқсас бір нәрсе бар, бірақ мен сияқты ешкім жоқ. Менің денем, оған қоса оның жасайтындары, барлық ойым мен жоспарымды қоса алғандағы менің санам, барлық бейнелерді көре алатын менің көздерім, қандай болмасын менің сезімдерім дұрыс немесе дұрыс емес сөздерді айта алатын менің аузым, қатты не ақырын болатын менің дауысым, менің барлық қиялым, арманым, үмітім мен менің қорқыныштарым маған тиісті.
Барлық жеңістерім мен жетістіктерім, жеңілістерім мен қателерім өзіме тиісті. Осының бәрі маған тән, себебі мен оны таңдадым. Бұл бар. Бұл өзіңді сүю мен өзіңе қызығуға негіз болуға жеткілікті.
Мен көре, ести, ойлай, сезе, сөйлей және әрекет ете аламын, яғни менде өмір сүру үшін бәрі де бар. Басқа адамдармен жақын болатындай менде бәрі бар. Мен өз әрекеттеріме жауап беремін, сондықтан мен өзімді өзгерте аламын.
8. «Тазару» жаттығуы.
Терең дем алып, демді барынша қайта шығарыңыз. Денеңізді босатыңыз. Өзіңізге былай деңіз:
Мен өмір сүруіме кедергі келтіретін барлық өкпе, реніштен, жаман ойлардан тазарғым келеді. Мен барлық қысымнан осылайша босаймын. Барлық ескі реніш, өкпе, жаман ойларымнан құтылғым келеді. Мен жанға рахат жайбарақаттылықты сезінемін. Мен өз қалпымдамын. Өз өмірімнің ағынымен барамын. Бірақ, барлық өкпені, ренішті, жаман ойларды ұмыттым.
8. Де Беноның «Ойлаудың 6қалпағы»
А) Қызыл қалпақ – Түйсік
Менің түйсіктік реакциям қандай? Менің түйсігім не дейді?
Б) Сары қалпақ – позитив
Жағымды тұстары қандай? Маған не ұнайды?
В) Жасыл қалпақ – креатив
Қандай балам ойлар айтасыз? Жаңа, қызықты жағдайларды айтыңыз.
Г) Көк қалпақ – шолу
Мен не аштым? Мен оны қалай аша аламын?
Д) Ақ қалпақ – фактілер
Мен де қандай ақпарат бар?
Маған қандай ақпарат алу қажет?
Е) Қара қалпақ – жағымсыз
Жағымсыз кезеңдерді көрсетіңіз? Қандай проблема бар? Маған не ұнамайды?
Қорытынды. Міне бүгін біз оқушылар өмір туралы көп ақпараттар, мағлұматтар алдық.
Өмір – қатаң емтихан,
Өтпейтіндер құлайды.
Қадіріне жетпейтіндер,
Өмір бойы жылайды, - дегендей өмірдің қадірін білуге, жақсы өсір сүруге талпынайық.