План производственного урока на тему Электр кабельдері, сымдар ж?не электр бау сымдар (шнуры)

Сабақ жоспары
Сабақтың тақырыбы: Электр кабельдері, сымдар және электр бау сымдар (шнуры)
Мамандығы: «Электрожабдықтарға қызмет көрсетуші электромонтер»
Сабақтың мақсаты:
Білімділік: Теориялық сабақпен өндіріс сабағын ұштастыру, сымдармен кабельдердің түрлерімен таныстыру;
Дамытушылық: Сымдармен кабельдерді таныстыра отырып, оқушылардың дұрыс дағды қалыптастыруын көздеу, теориялық білімін практикада қолдану қабілеттерін дамыту;
Тәрбиелілік: Таңдаған мамандықтары мен техникаға сүйіспеншілікпен, жауапкершілікпен, еңбекке құрметпен қарауға тәрбиелеу;
Оқу өндірістік жұмыстарға қажетті құрал-жабдықтар: сымдардың түрлері,монтер пышағы, тістеуіктер;
Сабақ барысы:
І. Ұйымдастыру бөлімі 8.30 -8.35
- Оқушылардың сабаққа қатысуы мен құралдарын тексеру;
- Лабораториялық сабаққа сай киімдерін тексеру;
- Топқа бөліп сабаққа зейін аудару;
ІІ. Кіріспе нұсқау 8.40 -9.15
Сабақтың тақырыбы және мақсатын таныстыру;
Теориядан өткен сабақты оқушылардың есіне салу,сұрақтар кою;
Техникалық қауіпсіздік ережелерін еске түсіру;
Кабельдер мен сымдар электр энергиясын беру және тарату, сонымен қатар электр қондырғыларының элементтерін бір-біріне жалғастыру үшін қолданылады.Ток өткізгіш талсым (жила), оқшаулағыш, сыртқы қабық, сауыт қабықша кабельдің негізгі элементтері болып табылдады. Кабельдің атқаратын қызметі мен қолданылу шартына қарай құрылысында жоғарыда айтылған элементтердің кейбіреуі болмауы немесе экран сияқты қосымша элементтер болады.

Ток өткізгіш кабель талсымдарды өндірісте мыс және алюминий металдарынан дөнгелекпішінде дайындайды, секторлық және сегменттік түрінде,сонымен қатар 120,150 және 185мм² аралас секторлы қима түрінде шығарады.

Кабелдер мен талсымдарды оқшаулау үшін арнайы сұйық сіңдірілген кабель қағаздарын, пластмассаны және резеңкені қолданады.Талсымдарды оқшаулауға арналған қағаз оқшаулағыштың орнына көбіне диэлектрлік қасиеті жоғары, ылғалға төзімді, химиялық және механикалық беріктігі жоғары, дайындау және монтаждау технологиясы қарапайымдалған пластмассалы оқшаулағыштар қолданылады.
Кабельдің сыртқы қабаты қорғасын, алюминий, резеңкелі және пластмассалы болады.Олар оқшауланған талсымды жарықтың, ылғалдың, қоршаған ортаның басқа да зиянды әсерлерінің салдарынынан механикалық зақымдалудан қорғайды.Кабельді әр түрлі жағдайда төсеу және жүргізу кезінде кабельдің сыртқы қабаты жұмыс істеу мерзімінің ұзақтығы мен беріктігін қамтамасыз етеді.

Олар оқшаулағыш талсымды жарықтың, ылғалдың, химиялық заттардың және қоршаған ортаның басқа да факторларынан, сонымен қатар механикалық зақымданудан қорғайды.

Кабельдер құрылысына қарай әр түрлі белгілермен белгіленеді:
С – қорғасын , А – алюминий, Н – жанбаймын резеңке, В – поливинилхлорид,
Б – қорғаушы қабық, Л –таспалы сауыт, П –жалпақ сымды сауыт
Сыртқы қабығы жоқ болса, Г (гладкий – тақыр )әріпімен белгіленеді. Кабельдің маркасы О әріпімен басталса, онда оның талсымдары ерекше қорғасынмен қапталғанан көрсетеді.Кабельдер 1000В-қа дейінгі кернеулі және оданда жоғары кернеулі болып шығарылады.
Электрлік кабельдердің түрлері
lefttopа) жалаң алюминді сым
б) жалаң болат альюминді сым
в) жалаң мыс сым
г) ПРГ мен қапталған сым
д) ДПРГ мен қапталған сым
е) ГПРФ мен қапталған сым
ж) ПРШП мен қапталған сым
з) ППВ и АППВ мен қапталған сым
и) мықты брондалған қағазбен қапталған сым
к) мықты брондалған резинамен қапталған сым
л) бақылайтын брондалған сым
ІІІ. Жабдықтарды қолдана отырып жаттығу. 9.20 – 12.00
ІV. Оқушылардың өндірістік жұмыстары және ағымдағы нұсқау беру. 12.15 – 14.15
Жұмыс кезінде қауіпсіздік ережелерін сақтауды ескерту;
Жұмыстың уақытылы басталуын қадағалау;
Звенолардың жұмыс орындарына дұрыс орналасуын тексеру, оларға
құрал – саймандарын беру;
Берілген тапсырманың өз дәрежесінде орындалуын қадағалау;
V. Қорытынды нұсқау.14.20 – 14.30
- Орындалған жұмыстарды қабылдап алу және бағалау;
- Жіберілген кемшіліктердіне нұсқау беру;
- Жұмыс орнын жинау;
- Үйге тапсырма Б.Дурманов «Электромонтер»
§2.1 Электр кабельдері, сымдар және электр бау сымдар (шнуры)
Өндірістік оқыту шебері: Г.Танкаманова