Бастауыш сынып окушыларына арналган тренинг

«Бастауыш сынып оқушыларының эмоционалды қарым-қатынас деңгейін дамыту»психологиялық жаттығулары
«Сәлемдесу» тренингіМақсаты: Қатысушылар арасында жағымды көңіл-күй қалыптастыру, бір-біріне жақындастыру. Жүру барысы:Қатысушылар шеңбер құрып тұрады да, 1-2-ге саналады. Сол бағытта олар ішкі және сыртқы шеңберді құрайды.Содан соң қарама-қарсы тұрғандар бір-бірімен психологтың нұсқауы бойынша сәлемдеседі:- Бір-біріңізбен жаңа танысқан адамша сәлемдесіңіз;- Бір-біріңізбен көптен кезбеспеген достар сияқты сәлемдесіңіз;- Бір-біріңізбен оқушы мен мұғалім сияқты сәлемдесіңіз;- Бір-біріңізбен көп ұнатпайтын адамдар сияқты сәлемдесіңіз;- Бір-біріңізбен үлкен бастықпен сәлемдескен сияқты амандасыңыз; Оқушылар ортаға шақырылады. Көшеде жүрген адамдардың қарбалас жүрісін саламыз. Сіз көптен кездеспеген ескі досыңызды немесе сыныптасыңды көрдіңіз, сіз ол кісімен қалай амандасар едіңіз?
«Менің визиткам» жаттығуы.
Біз қазір сіздермен өзіміздің визиткамызды жасаймыз. Ол үшін түрлі-түсті қаламдарды алып, кез келген суретті саламыз, яғни салған суретіңіз сіз туралы мәлімет беруі қажет. Мысалы: ойыншық, пән атауы, жануар, өсімдік, т.б.
Жұмысымызды аяқтаған болсақ, кезекпен таныстырып шығайық.
«Қоян көжегін тастап кетіпті»
Қатысушыларға карточка таратылады.
сыбырмен
қатты дауыспен
толқындап
қатты тоңып тұрған тәрізді
сіздің ұртыңызда ыстық картошка тұрғандай
кішкентай қыз бала сияқты
қорқынышпен
шын көңілмен
қуанышпен
қанағаттанбай сәлемдесу
беделді сәлемдесу
таңғалып сәлемдесу
кінәлап сәлемдесу
селқос сәлемдесу
келемехдеп немесе әзілдеп сәлемдесу
ренішпен сәлемдесу
«Достық ағашы» жаттығуы.
Оқушылар шеңбер құрып отырады.
Балалар, бізде бір ғана жапырағы бар ағашымыз бар. Бұл ағаш нені қажет етеді? Оның арманы қандай?
Балалар өз еркімен сұрақтарға жауап береді.
Біз ағаштың арманының орындалуына жәрдем бере аламыз ба?
Қатысушыларға жапырақтар таратылады. Берілген жапырақтарға оқушылар өздерінің тілектерін жаза отырып, ағашқа жабыстырады.(Әуен ойналып тұрады.)
Балалар, біздің жапырақтарымыз қандай көңіл-күйде деп ойлайсыздар?
3911600180975«Менің көңіл-күйімнің гүлі» жаттығуы.
Балалар, біздің көңіл-күйлеріміз әр түрлі болады. Олай болса өзіміздің көңіл-күйлерімізді мына керемет гүлдер арқылы білдіріп көрейікші. Біздің алдымызда түрлі көңіл-күйдегі гүлдер бар. Сол гүлдердің ішінде сіздің көңіл-күйіңізге сәйкес келетінін таңдап көріңізші.
Балалар өздеріне ұнаған гүлді таңдап, не үшін таңдағаны туралы түсіндіріп береді.
Балалар, сіздердің көпшілігіңіз көңілді гүлдерді таңдағандарыңыз мені қатты қуантады. Әрқашан сіздерге көтеріңкі көңіл-күй тілеймін.
«Ағаштар тербеледі» жаттығуы.
Қатысушылар екі топқа бөлініп, қарама-қарсы тұрып, қолдарымен ағаштар болып тербеледі. Тербелген ағаштардың арасымен оқушылар бір-бірден өтеді. Оқушылар өткен кезде ағаштар баяу қимылмен өтіп бара жатқан оқушыға жағымды іс-әрекет жасауы қажет.
Жаттығу ұнады ма?
Ағаштардың тербелісінен қандай әсер алдыңыз?
« Суреттерді аяқтайық » жаттығуы Мақсаты : Оқушылардың логикалық ойлауын , көру арқылы есте сақтауын , ойша жұмыс істей білуін дамыту .  Алдын-ала тақтаға мысықтың және қоянның құлақтары салынған плакат ілініп дайындалады . Оқушылардың көздері шарфпен байланады да , олар кезек-кезекпен шығып , бірі денесін , бірі басын , бірі аяғын салады , осылайша жалғаса береді . 
«Тамшылар» ойыны.
Мақсаты: үрей мен қорқынышты агрессивтілікті жою, қабылдау дағдысын дамыту.
Қатысушыларға таза парақ пен бояулар беріледі. Балаларға қылқаламды өзіне ұнаған түске батырып, таза параққа тамшысын тамызып, парақты екінші жағына із қалатындай етіп бүктеу қажет. Қайтадан парақты ашып, парақтағы тамшының бейнесі неге ұқсайтындығы туралы айтуы қажет.
Сергіту жаттығуы.
Мақсаты: оқушылардың зейінін тұрақтандыру, көтеріңкі көңіл-күй сыйлау.
Үш қатысушы ортаға шақырылады. Әр қатысушыға бір өлең әнімен айту тапсырылады. Әрқайсысында әртүрлі ән болуы қажет. Ойын басында әр қатысушы өз өлеңдерін жеке айтады. Әрі қарай үшеуі бірге әрқайсысы өз әндерін айтуы қажет.
Нәтижесінде қай қатысушы өзінің зейінін тұрақты ұстай алғандығы анықталады.

«Денсаулық гүлі» жаттығуы.
Балалар «Денсаулық гүлін» бірі-біріне бере отырып, бір күлтеден алып қалады. Алған күлтеге қатысушылар өздері қалаған тілектерді, жылы сөздерді жазып, кезекпен оқи отырып, күлтелерді жабыстырады. Сіздердің жазған тілектеріңіз әрқашан орындалып, сіздердің денсаулықтарыңыз мықты әрі көңілді күйде жүріңіздер деп тілеймін.
«Күлкі сыйлайық» жаттығуы.
Мақсаты: жағымды қарым-қатынас орнату.
Қатысушылар шеңбер бойымен сағат тілі бойынша сол жағындағы көршісінің көзіне қарап, күлімсірейді.
Рефлексия
Бүгінгі жаттығулар сізге ұнады ма? Қай жаттығу ұнады?
Өзіңізге қандай жаңалықтар алдыңыз?
Олай болса, бір-бірімізге «рахмет» сөзін қаттырақ дауыспен айтып көрейікші? Рахмет!