Конспект урока чтения по кумыкскому языку в 1 классе

Урок чтения по кумыкскому языку в 1 классе.
Дарсны темасы: [Н] аваз,Нн гьарплар.
Дарсны мурады: 1. Яшланы таныш этмек шу
аваз булан ва гьарп булан.
2. Авуз тилин артдырмакъ .3. Чебер ва чалт охувгъа уьйретмек.
Къоллав алатлар: компьютер, проектор, шиърулар, карточкалар.
Дарсны барышы.
Яшланы низамгъа тартыв.
Такрарлав.
Оюн къайдада шулай иш этиле: доскагъа эки яш чыгъарыла. Бириси гьарпланы кассадан а гьарп булангъы карточкаланы, биревюсю у гьарп булангъы карточканы ала. Гьар яш оьзюню гьарпын охуй. Сонг тийдириле, класс хор булан - «АУ»- деп охуй, сонг алыштырып охуй- «УА»- деп.
[Н] авазны айырыв.
Накъыра деген сёзню схемасы анализ этиле
Биринчи бувундан [Н] аваз айрыла. О тутукъ экенни токъташдырыла, неге тюгюл бу авазны айтагъанда авзубузда пуршав болдурула ону, созуп айтып болмай.
Шу кюйде нар деген сёзню анализи этиле.
Н,н гьарплар булан таныш болув.
Учитель [н] аваз Н,н гьарплар булан гёрсетилегенни айтып, яшланы тергевюн гёк дёртмююшню ичиндеги гьарплагъа бакъдыра. Гьарплар неге гёк тюслю дёртмююшде берилгени такрарлана ва беклешдириле.
Суратгъа гёре хабарлав.
-Суратда кимлени гёресиз? (Ананы ва яшланы гёребиз).
Олар къолларына нелер тутгъан? Анасы чечеклер тутгъан, гиччи яш шар тутгъан, къызыны къолунда буса портфель бар). Булар къайда бара? (Булар школагъа бара. Анасы къызын школагъа алып бара).Ананы гьакъында гиччирек шиъру охула.
Яшлар, сизин кёп сюегенКимдир аявлап оьбеген?
Класс хор булан : «Ана!» деп жавап бере.
Сиз деп гьеч гёзюн юммайгъан,
Сизден жанын аямайгъан? (Ана!)
- Тюз, яшлар. Ол – аявлу анна.
Ана деген сёзден [н] аваз айрыла.
Бувунланы охума уьйретив.
«Азбукадан» бувунланы лентасы охула.
Гесилген азбукадан бувунлар тизив.
Учитель яшлагъа гесилген гьарплардан бирикген бувунлар тизив тапшура, бир яш доскадагъы жыйым полотно булан ишлей.
Иш, яшлар ичинде шо бувунлары бар сёзлер айтып , тамамланы.
Предложениени охув.
Суратны тюбюндеги предложениелер охула (авазлагъа ва бувунлагъа бёлюнюп).
Заман къала буса. Доскада предложениелени схемаларын этме ярай.
Натижа чыгъарыв.
Тутукъ [н] аваз Н,н гьарплар булан гёрсетилегенни билдик. Бувунлар тизмеге ва предложениелени охумагъа уьйрендик.