А?ыз ??гімелер. Асан ?ай?ыны? жер?йы?ты іздеуі. Саба? жоспары 5 сынып.
«Сасан би атындағы орта мектеп» КММ
Тақырыбы: Аңыз әңгімелер.
«Асан қайғының Жерұйықты іздегені» аңызы.
ШҚО Тарбағатай ауданы Құмкөл ауылы
Сасан би атындағы орта мектепПәні:Қазақ әдебиеті Сыныбы:5
Қазақ тілі мен әдебиет пәнінің мұғалімі:
Мамиева Г.М. Білімі: жоғары
Санаты: ІЕңбек өтілі: 17 жыл
2014-2015 оқу жылы.
Мақсаты: 1. Тақырыпты терең талдау, идеясын жан–жақты айқындау. 2. Сыни тұрғыдан ойлау қабілеттерін дамыту, өзіндік пікірлерін ортаға салуға, талдай білу дағдыларын қалыптастыру. 3. Әдептілікті, әсемдікті бағалай білуге тәрбиелеу. Типі: СТО технологиясы, функционалдық сауаттылықты дамыту.Түрі: жаңа сабақ Әдісі: шашу шашайық стратегиясы, топқа бөлу, ЖИГСО-1 стратегиясы, ой шақыру стратегиясы, шығармашылық жұмыс, автор орындығы. Көрнекілігі: мәтіндер, кәмпиттер, слайд, смайликтер, бағалау парағы. Пәнаралық байланыс: музыка, тарих, бейнелеу өнері, өзін-өзі тану.ТСО: компьютер Сабақ барысы: І. Ұйымдастыру. а) Сәлемдесу, түгендеу. ІІ. Үй жұмысын тексеру. Мұғалім: -Балалар, біз сендермен ауыз әдебиетінің көптеген түрлерімен таныстық. Соның ішінде тұрмыс-салт жырларымен таныстық. Қане, сендер қазақтың қандай салт - дәстүрлерін білесіңдер? -Ал, сендер шашу шашу дәстүрін естігендерің бар ма? Шашуды қандай уақытта шашады? -Сендерге менің де бүгін шашу шашқым келіп тұр, себебі бізде алғашқы ашық сабақ. Бұл шашудың ішінде сендерге тапсырмалар бар. (оқушыларға кәмпит және кәмпиттің қағазында оралған сұрақтарды шашу)- Сұрақтарға жауап алу. Сұрақтар: 1. Әдебиет қай тілдің сөзі?
2. Әдебиет сөзінің мағынасы?
3. Әдебиет сөзіне аударма жасаған кім?
4. Әдебиеттің неше түрі бар?
5. Ауыз әдебиеті дегеніміз не?
6. Жазба әдебиеті дегеніміз не?
7. Ауыз әдебиетінің авторы кім?
8. Фольклор дегеніміз не?
9. Ауыз әдебиетінің түрлерін ата.
10. Ертегі дегеніміз не?
11. Ертегінің неше түрі бар?
12. Ер Төстіктің көмекшілері кімдер?
13.«Аяз би» ертегісінде хан уәзірлеріне қандай тапсырма береді?
14. «Керқұла атты Кендебай» қандай ертегіге жатады?
15. Кейіпкер дегеніміз кім?
16. «Қырық өтірік» ертегісінің кейіпкері кім?
17. «Қырық өтірік» ертегісін неше бөлімге бөлуге болады?
18. Тазша баланың бойынан қандай қасиеттерді көрдің?
19. Ертегілер ұнады ма? Несімен ұнады?
ІІІ. Шаттық шеңбері. Мұғалім: Қане, балалар, қазір сендер өзін-өзі тану сабағын естеріңе түсіріп, шаттық шеңберіне тұра қойыңдар да, «Атамекен» әнін шаттық шеңберінде орындайық.
ІV. Қызығушылықты ояту. «Ой шақыру» стратегиясы. Мұғалім: -Балалар, сендер қай елде өмір сүргілерің келеді? -Иә, балалар, Қазақстан - біздің Отанымыз, атамекеніміз. Дана халқымыз «Отан оттан да ыстық» деп бекер айтпаған. Жаңағы шаттық шеңберінде орындалған ән де осы сөзбен үндесіп тұр. Бүгінгі біздің тақырыбымыз - Аңыз әңгімелер. «Асан қайғының Жерұйықты іздегені» аңызы (слайдпен таныстыру).
V. Мағынаны тану «ЖИГСО-1» стратегиясы Мұғалім: Қазір мен сендерді үй тобына бөлемін. (Оқушыларды отырған орындарына қарай 1,2,3– ке бөлу). Үй тобынан жұмыс тобына оқушыларды жіберу. Үй тобы № 1,2,3 - Жұмыс тобы № 1,2,3
Мәтінмен жұмыс. Аңыз әңгімелер. «Асан қайғының Жерұйықты іздегені» аңызының мәтіндері үш бөлікке бөлінген. Жұмыс тобында әр оқушы жеке өз бөлігін оқиды. Одан кейін үй тобына оралып, бір-біріне өз бөліктерін айтып береді. Бірінші сандағы оқушы бірінші бөлігін, екінші сандағы оқушы екінші бөлігін, үшінші сандағы оқушы үшінші бөлігін бір – біріне айтып береді. Осыдан кейін барлық үй мүшелері тұтас мәтінмен өздері танысып шығады.
Білімді тексеру.
Мәтіннің мазмұнын меңгерілуін тексеруге арналған сұрақтар: №1 топ Аңыз дегеніміз не? №2 топ Қазақ аңыздарындағы кейіпкерлерді ата. №3 топ Аты аңызға айналған адамдар қандай адамдар?
№1 топ Аңыз әңгімелер бізге қалай жеткен?№2 топ «Жерұйық» дегенді қалай түсінесіздер? №3 топ Асан қайғы Маңғыстауға қандай баға береді? №1 топ Жетісуды көргенде не деп айтады?
№2 топ Баянауыл тауы туралы қандай ой түйеді? №3 топ Асан ата Жуалы жерін көргенде не айтады? №1 топ Қарсақбай аймағына қандай баға береді? №2 топ Шыңғырлау өзені туралы не деген екен?
№3 топ Асан ата қай жерде дүние салыпты?VІ. Ой толғаныс. Мұғалім: Жақсы, балалар, біз сендермен бүгін «Аңыз әңгімелер. «Асанқайғының Жерұйықты іздегені» аңызымен таныстық, осы жырдағы кейіпкер Асан ата туралы білдік. Қалай ойлайсыңдар, Асан қайғы жерұйықты тапты ма? Мүмкін сендердің де туған жерлеріңе келген шығар? Иә, балалар, әркімнің туған жері – Жерұйық. Ендеше, әркім өз туған жеріңе Асан қайғыша баға беріп көріңдер.
ҮІІ. Кері байланыс. Эссе. /шығармашылық жұмыс/ Тапсырма: Менің туған жерім – Жерұйық. (Әр топ жазған ойларын өзара тексеріп, «Автор орындығына» бір эссені ұсынады.)
Мұғалім: Сабағымызды қорытындылай келе,
Қамын ойлап халқының, Әділдікті жырлаған,Қайғы жұтқан қария. Ел бақытын ойлаған,Жайлы қоныс іздеген Желмая мініп шарлағанҚазақ деген халқына. Жерұйық іздеп жалғанда...деп,
ел аузындағы аңыздарда Асан қайғы халқының қамын ойлап, күңіренген абыз- жырау екенін білдік. Шоқан Уәлиханов Асан қайғыны «Көшпенді қазақ, ноғай ұлысының философы» деп атаған.
VІІ. Бағалау: Оқушылардың білімін бағалау /топ жетекшісі сабақ барысында топ мүшелерін бағалап отырады./VІІІ. Үйге тапсырма: 1. Эссені толықтыру.
2. Басқа да жерлерге берген бағасын тауып оқып келу.
Бағалау парағы №.....топ
/5 балдық жүйемен бағалау/
№ Оқушының
аты-жөні: сұраққа жауап беруі өз ойын айтуы мәтінмен жұмыс істеуі шығар-қ жұмысы қорыт. баға
1 2 3 4 5 6