Ойын элементтерін пайдалана отырып о?ушыларды? а?ылшын тілі саба?ына ?ызы?ушылы?ын арттыру

Өскемен қаласы әкімдігінің «№16 орта мектебі» коммуналдық мемлекеттік мекемесінің ағылшын тілі пәні мұғалімі Жәнібекова Инабат Жәнібекқызы
Ойын элементтерін пайдалана отырып оқушылардың ағылшын тілі сабағына қызығушылығын арттыру
Бүгінгі таңда қоғамымыздың даму бағытында жан – жақты дамыған сауатты, саналы азамат тәрбиелеу мәселесі жүктеліп отыр. Мұндай мақсаттың баянды болуы оқу – ағарту жүйесінің үлесіне түсетінін ескерсек, білім негізі бастауыштан басталғандықтан, жас жеткіншектердің білімді, білікті болуында ойынның алатын орны ерекше. Менің ағылшын тілін оқытудағы әдістемелік тақырыбым «Ойын элементтерін пайдалана отырып оқушылардың пәнге қызығушылығын арттыру». Ағылшын тілін оқытып үйретуде көптеген ойындарды қолданамын. Ойынның негізгі мақсаты- баланы қызықтыра отырып білімді берік меңгеру болса, менің міндетім – сол ойын түрлерін пайдалана отырып, оқушылардың пәнге қызығушылығын арттыру және әр тақырыпты жете меңгерту, оқушыларды өздігінен жұмыс істей білуін ой белсенділігі мен тіл байлығын арттыра түсуге түрлі дағды мен шеберлікті меңгертуге қол жеткізу. Бастауыш буында шетел тілін оқытудағы бір негізгі аспект ол ойын элементтерін тиімді пайдалану болып табылады. Әр сабақ процесінде қандай дидактикалық ойын қолдануға болатынын сабақтың мазмұнына, мақсатына жас ерекшелігіне сәйкес таңдау керек. Сабақтағы ойын – ұжымдық еңбек.Мысалы, 4 сыныптағы «Тамақ» тақырыбына жаңа материалды бекіту кезінде «Артық сөзді тап» ойынын қолданамын.
Cheese rainHamburger breadPizza butterMilk meat Мұндай тапсырмалар оқушылардың өз ойын дәлелдеуге, абстрактілі ойлауға көмектеседі. 2-4 сыныптарда «Қай әріпті жоғалттым?», «Іздеп тап», «Түстерді айыр» ойындары тілдік, лексикалық, грамматикалық, фонетикалық ойындар ұйымдастырамын. 2 сыныпта дыбыстар алған кезде фонетикалық ойындарды қолдандым. Мысалы, «Естимін- Естімеймін» ойынын алатын болсақ ойын барысында оқушылар топқа бөлінеді. Мен сөздерді айтып отырамын, оқушылар сөздердегі дауысты, дауыссыз дыбыстардың кездесуіне орай шарт бойынша қолдарын немесе екі қолымен бірдей көрсетеді, тақтаға ойнап тұрған балалардың қателерін жазып тұрамын. Қатесі аз болған топ жеңімпаз атанады. Бұл ойын оқушылардың есту дағдысын қалыптастырады.
Сонымен бірге алфавитпен жұмыс істеуге арналған ойын. Мысалы, «Әріп қайда?» ойыны. Тақтаға бірнеше сөз жазып, солардың ішінен берілген әріп басқаша оқылатындай үш сөз табуды тапсырамын. Кім бұрын тапса сол жеңімпаз. Лексикалық ойындар. Мысалы, 3 сыныпта сан есімдерді өткен кезде «Сандар» ойыны ойналады. Оқушылар екі топқа бөлінеді. Тақтаның оң және сол жағына бірдей сандар жазылады. Мен сандарды бірінен кейін бірін айтып отырамын, ойыншылар сол сандарды тез тауып, сызып тастап отырады. Тапсырманы бірінші орындаған топ жеңіске жетеді. Ойын нәтижесінде балалардың сан есім туралы білімі қаншалықты меңгергені тексеріледі.
Грамматикалық ойындар. Мысалы, «Қимылдарды көрсету» ойынын қарастырайық. Ойыншылар жұп болып бірнеше топқа бөлінеді. Бір ойыншы мимикамен немесе понтомима мен бір қимылды көрсетеді, ал екіншісі етістіктерді қолдана отырып, бұл қимылды түсіндіруі керек. Мұндай ойындар нәтижесінде көбінесе, етістіктерді ауызша сөйлеуде тез қолдануға дағдыланады. Ал дайындық тобында «Parts of the body» тақырыбын өткенде оқушыларға жаңа сөздерді меңгерту үшін «Let’s fly» ойынын ойнаттым. Бұл ойында оқушылар орындарынан тұрып, қолдарын екі жаққа көтеріп құс тәрізді ұшады, бірге let's fly, fly, fly деп айтамыз. Мен «nose» деген сөзді естігенде мұрындарын ұстау керек. Қателескен немесе сөзді білмеген оқушы ойыннан шығады. Сол сияқты «face, head, hand…». Ойын нәтижесінде оқушылар жаңа сөздерді тез меңгереді.Бастауыш пен орта буын сабақтастығын ескере отырып, 5 сыныпта «Reading Robs» ойынын қолдануға болады. Мысалы, зат есімнің көптік жалғауын өткенде Сол сияқты «to be» етістігінің осы шақтағы Present Simple формасы Can модальді етістігін өткенде сөйлем құрауда немесе тақырыпқа қатысты сөз құрауда.Бұл ойын арқылы оқушылардың білім сапасын қалыптастыруда:
1. Грамматиканы жақсы меңгереді;2. Оқу мен жазу дағдыларын қалыптасырады;3. Бала бойында тілді үйренуге деген талпыныс пайда болады;4. Басқа елдің мәдениетіне, өміріне деген қызығушылығы туады;5. Сөздерді дұрыс айтуға ұмтылады.
Қорыта келе, бастауыш сынып пен орта буын сабақтастығы барысында оқу үрдісінде «ойын» түрлерін пайдалану, біріншіден оқушылардың білімін берік меңгерту құралы болса, екіншіден балалардың сабаққа деген қызығушлығын, белсенділігін арттырып, білім сапасын көтеру болып табылады.