Білімді ?рпа? ел болаша?ы

Тақырыбы: Ата-ана махаббаты.
Мақсаты: Бала тәрбиесінде ата-ананың алатын орнының ерекше екенін түсіндіру, ата-ана бойында өздерін тәрбиеші мұғалім ретінде қарайда қызығушылықтарын дамыту, баламен дұрыс тіл табысуға, сөйлеу мәдениетін үнемі қолдауға ой салу.
Түрі: Тренинг
Керекті құралдар: интерактивті тақта, формат А3, түрлі-түсті қиылған қағаздар, жағымды музыка, майшам, маркер, карточкалар.
Тренинг ережесі:
Бір-бірін тыңдау
Уақыт үнемдеу
Белсенділік таныту
Достық қарым-қатынас
Жағымды эмоция тудыру.
Жоспары:
«Есімдер аллитерациясы» Жаттығу
«Жанұя шаттығы» жаттығуы
Ситуациялық сұрақтар.
« Біз біргеміз!»  жаттығуы
«Сөйлемді аяқта» әдістемесі
ҰБТ қарсаңындағы мектеп психологы тарапынан қолдау Хат «Ақ тілек»
ҰБТ қарсаңындағы мектеп психологы тарапынан қолдау ( Хат )
«Тілек алма ағашы» жаттығуы
«Тілек шамы» жаттығуы
Ой-толғаныс
«Есімдер аллитерациясы» Жаттығу
Мақсаты: Тренингке қатысып отырған ата - аналар мен оқушыларды таныстыру.
Оқушыларға қойылатын сұрақтар:
- Есімің кім?
- Өз атыңыздың алғашқы әріпінен басталатын бойыңыздағы жақсы қасиетті атап өту.
Ата - аналарға қойылатын сұрақтар:
-Есіміңіз кім?
-Қандай мағына береді?
-Сіз қаншалықты өз балаңызды толық қанды, жақсы білесіз?
«Жанұя шаттығы» жаттығуы
Мақсаты: ата-ананың бала тәрбиесіндегі қарым-қатынасы туралы түсініктер беру арқылы ата-аналардың білімін көтеруге көмектесу.
«Жанұя шаттығы» атты тренингімізді бастайық. Тренингтің шарты: «Жанұя шаттығы» моделін құру. Яғни, ата-ана өзінің отбасын салу және отбасы бақытын сурет арқылы көрсетіп, суреттің жан жағына отбасы сөздері арқылы жеткізу керек.
Ситуациялық сұрақтар.
Сынақ; Мына стол үстінен кез – келген билетті алып ситуациялық сұраққа жауап
берулеріңіз керек. Сұрақты алмас бұрын 7 топқа бөлінгеніміз дұрыс. (Топпен жұмыс).
Балаңыз 11 сынып оқушысы. Ол мамандық таңдауға қатысты өз шешімін жасап
қойған. «Болашақ дәрігермін» дейді. Ал Сіз болсаңыз балаңыздың медицинаға еш қабілеті жоқ екендігін нақты білесіз. Тәжірибелі үлкен, жанашыр адам ретінде Сіз балаңызға қалай кеңес берер едіңіз? Оның өз бейімділігіне қарай мамандық таңдауына қалай бағыттар едіңіз?
Кейбір ата-аналардың баласының әрбір істеген іс-әрекетіне көңілі
толмай: «сен істей алмайсың, қолыңнан келмейді», - деп айтып жататынын байқаймыз. Балаға осылайша баға беруге ата-ана жалпы құқылыма?
Балаңыз 16 жастағы жасөспірім. Ол қазір өтпелі кезеңді бастан
өткізуде. Жазды күні Сіз оған ұялы телефон және компьютер сатып алып бердіңіз. Енді ол оны айналшақтап, қолынан тастамайды. Тамақтанса да, теледидар алдында да, тіпті сабаққа дайындалып отырған кезде де үнемі алаңдап отырады. Сіздің әрекетіңіз қандай болар еді?
Сіздің университет қабырғасынан дос болып келе жатқан Нұржамал
деген құрбыңыз  бар. Құрбы болуға тамаша-ақ, тек бала тәрбиесіне келгенде көп қателік жібереді. Баласымен сырласпақ түгіл, мүлдем түсінісе алмайды. Тіпті оны түсінуге тырыспайды да. Кез келген қателігін бетіне басып, ашуға салады. Өтпелі кезеңді басынан өткізіп жатқан оның баласы, күнен – күнге тұйықталып барады, іштей агрессивті. Өз үй-ішінен қолдау көрмеген бала, шарасыздан Сізге келіп көмек сұрайды. Сіз не істер едіңіз?
Сіздің 16 жасар қызыңыз  және 2 жасар ұлыңыз бар. Қызыңыз биыл11 сыныпқа келді. Алдында ҰБТ  күтіп тұр. Әдетте, үй шаруасын тыңдырып, баланы да бағатын үлкен балаңыздың күн тәртібін  енді Сіз қалай өзгертесіз? Балаңызға өз тарапыңыздан  қандай қолдау көрсетіп, оның алдында күтіп тұрған емтиханға  дайындалуына қалай жағдай жасайсыз?
6. Балаңыз сабақтан қашып, мектептен ерте келді, не істейсіз?
7. Балаңыз күнде 1- сабаққа кешігіп келеді. Қалай жөнге келтіресіз?
8.Балаңыз мектептегі бір мұғаліммен тіл табыса алмай жүр. Балаңызға қандай кеңес айтасыз?
« Біз біргеміз!»  жаттығулар
Мақсаты: Отбасындағы қарым –қатынасты нығайтуға өзара түсінушілікте ата-аналар мен балаларға қолдау көмек көрсету.
«Сөйлемді аяқта» әдістемесі
Мен өз отбасымды жақсы көрем, себебі ...
Отбасы бұл ...
Отбасым бақытты болу үшін ...
Отбасымда зорлық-зомбылыққа жол жоқ, себебі ...
Мен қалар едім отбасымның ...
Егер бала түсіністікте және сүйіспеншілікте өссе, ...
Егер баланы үнемі сынап отырса, ...
Егер балаға үнемі күлсе, ...
Егер баланы үнемі мақтап отырса, ...
Егер бала төзімділікте өссе, ...
Егер бала адалдықта өссе, ...
Егер бала қауіпсіз жағдайда өссе, ...
Егер бала кекшілдікте өссе, ...
ҰБТ қарсаңындағы мектеп психологы тарапынан қолдау
( Хат )
“Менің сүйікті де қымбатты ата-анам! Мен сіздерге хат жазып отырмын.
Мен ҰБТ-ны өте жақсы тапсыруды армандайтын,ЖОО-ның грантын иеленуді қалайтын ұрпағыңызбын. Мен үшін сіздердің маған деген қарым- қатынасыңыз өте маңызды. Қазір, тестілеу күніне аз уақыт қалғанда маған сіздердің қолдауларыңыз өте қажет, мен оған зәрумін.Сіздер де мен үшін қатты қобалжып жүрсіздер, алайда сіздер менімен жиі сөйлесіп, қолдау көрсетпейсіздер, маған көбінесе сенімсіздік ұялатасыздар. Қазір менде қорқыныш бар. Ол – “... Тест тапсыра алмай сіздердің үміттеріңізді ақтай алмаймын ба деген қорқыныш. ” Мен үшін ”Қорқатын еш нәрсе жоқ, сен тестіні жақсы тапсырасың! Ал егер тапсыра алмай қалсаң мен сені бәрібір жақсы көремін, сенің ең жақын адамың екенімді ұмытпа” деген сенім ұялатар сөздеріңіз маңызды...
Мен сіздерден қолдау күтемін. “ Сөз адамды өсіреді, немесе өшіреді”.
Таңдау сіздерде, мен сіздерді қатты жақсы көретінімді біліңіздер”
ҰБТ қарсаңындағы мектеп психологы тарапынан қолдау
Хат
«Ақ тілек»
Біздің қымбатты да сүйікті оқушымыз!
Біз саған хат жазып отырмыз. Сен ҰБТ-ні өте жақсы тапсыруды армандайтын, Қазақстанның беделді жоғары оқу орнында оқуды қалайтын мектеп бітірушісің. Қазір сенде қорқыныш бар. Ол қорқыныш «ҰБТ-ны тапсыра аламын ба, сіздердің үміттеріңізді ақтай алмаймын ба?» – деген қорқыныш. Сен үшін қорқатын еш нәрсе жоқ. «Сен мықтысың, білімдісің. Сондықтан ҰБТ-ны жақсы тапсырасың! Ал егер сен төмен баға алсаң да, біз сені түсенітінімізді, әрқашан саған қолдау танытып, бұрынғыша жақсы көретінімізді ұмытпағайсың! Алайда сен міндетті түрде тапсырасың!» Осы сөздерді есте сақтап, жүрегіңе қалдыр. Өз күшіңді сезінудің өзі күш беретінін ұмытпа! Сендерге қолдау көрсетіп, сенетін, сыйлайтын, жақсы көретін ұстаздарың, ата-аналарың.
«Тілек шамы» жаттығуы
Мақсаты: Тренинг туралы пікірлерін ортаға салу,жақсы тілектер айту
Отбасы, ұшқан жанұя-жылылықтың, жылулықтың мекені. «Отбасы» атауының мәніне үңілер болсақ,оттың да үлкен маңызы бар екенін сеземіз.Сондықтан оттың басы,ошағымыздың түтіні түзу болу үшін «Тілек шамы» жаттығуын бір-бірімізге тілек айта отырып жүргізейік.
Ой-толғаныс
Тренингтің басталуында сіздерге берілген күн, гүл, жапырақ, көбелек, бұл бейнесіндегі жапсырмалар бар. Осы белгілер бойынша ата-анаға, оқушыға, мұғалімге өз ұсыныстарыңызды немесе ой-пікірлеріңізді жазуыңызға болады. (Жазған пікірлерін оқи отырып, көктем бейнесін шығару.)