План-конспект по казахскому языку на тему Кемпір?оса?
Сабақтың тақырыбы: Кемпірқосақ
Сабақтың мақсаты: табиғатта болып жатқан өзгерістерді (кемпірқосақтың шығуы) сипаттай алуға үйрету, түстерді қайталау, тақырыпқа қатысты етістіктерді өткен шақта дұрыс қолдана алуға жаттықтыру.
Күтілетін нәтиже:
Пәндік: кемпірқосақ туралы айта алу, оның түстерін ажырата алу, тақырып бойынша белсенді сөздік қорды меңгерту.
Тұлғалық: айналаға, қоршаған ортаға ұқыпты қарау, табиғаттағы өзгерістерге мән беру.
Жүйелік-әрекеттілік:сабақ барысында меңгерген белсенді сөздік қор мен қарапайым үлгі құрылымдарды өзіне таныс өмірлік жағдаяттарда орынды қолдана алу.
Сабақтың түрі: жаңа сабақ
Сабақтың көрнекілігі: суреттер, пазл, интербелсенді тақта, үлестірмелі материал, сиқырлы таяқшалар, флипчарт
Сабақтың барысы:
I . Ұйымдастыру кезеңі
Амандасу,оқушылардың назарын сабаққа аудару
Психологиялық дайындық
Айдай арайлап,
Күндей күлімдеп,
Жұлдыздай жарқырып
Қазақ тілін бастаймыз!
Кезекшімен жұмыс
Бүгін сыныпта кім кезекші?
Сыныпта кім жоқ?
Қазір жыл мезгілі қандай?
Аптаның қай күні?
II. Өткен сабақ пен жаңа сабақты сабақтастыру
Интербелсенді тақтаның көмегімен алдыңғы сабақтарда алған білімдерін тексеріп, бекіте түсу.
№ 1 слайд Сурет бойынша сөз тіркесін немесе сөйлем құрастырып айтады (Бүгін күн . . .)
№ 2 слайд Ассоциация.
Табиғат құбылыстарын тыңдап, ажыратып айтады.
№ 3 слайд Жұппен жұмыс. –Бүгін ауа райы қандай?
Флипчарқа жұптасып ауа райын салады. Бір-бірімен ауыстырып, жазған жұмыстарын шығып оқиды.
III Жаңа сабақты меңгеру
Сынып назарын сабаққа аудару.
Балалар, тақтаға назар салып қарайықшы. Сабақтың тақырыбын анықтау үшін біз пазл жинап көрейік. Сонымен ең біріншіден пазлда жасырынлған сөзді табамыз. Барлығың бірігіп топпен пазл құрастырып көріңдер
Пазл құрастырып, шешуін табу
Тақырыпты жариялау, мақсатымен таныстыру (4 слайд)
Сурет арқылы оқушыларға мәлімет беру.
-Бұл кемпірқосақ, кемпірқосақ жаңбырдан кейін шығады.Кемпірқосақтың түстері ғажайып. Кемпірқосақ өте әдемі болады.
Табиғатта болып жатқан өзгерістер кемпірқосақ туралы видео ролик көрсету. (5 слайд)
(6 слайд) Сөздікпен жұмыс: үш тілде танысамыз, қайталаймыз, дұрыс оқуға, дұрыс айтуға жаттығамыз.
кемпірқосақ радуга rainbow жаңбырдан кейін после дождя after a rain шығады появляется appear түрлі түсті разноцветный colourful
Cөздіктерімізді ашамыз, сөздікке жазамыз.
(7 слайд) -Кітапта берілген №4 тапсырманың аудио жазбасын мұқият тыңдатамын, оқылым әрекетіне көңіл бөлемін
- Кітаптарын ашып №4 тапсырманы, тізбектеп бір бірден оқиды. Оқушылар сөйлемді дұрыс оқуға жаттығады. Сыныппен берілген мәтінді аударамыз
Сергіту сәті: «Ақ бұлақ!» -Ортаға шығыңдар, би билейміз. (8 слайд)
(9 слайд) -аудио жазбаны жақсылып тыңдап, кемпірқосақтың түстерін еске түсірейік.
Бірінші түс қызыл
Екінші түс қызғылт сары
Үшінші түс сары
Төртінші түс жасыл
Бесінші түс көгілдір
Алтыншы түс көк
Жетінші түс күлгін
(10 слайд) Кемпірқосақтың түстерін қайталаймыз. Схема бойынша өздері айтып көреді. Түстерді тағы бір қайталап жазылуына, айтылуына мән береді
(11слайд) «Есте сақтайық!» жаттығуын орындаймыз. Бірнеше рет тыңдайды оқып, қайталайды. Диалог ретінде бір біріне сұрақ қойып, жауап қайтарады.
-Кемпірқосақ қашан шығады? сұрағына жауап беріп дағдыланады. Оқушылардың назары Кемпірқосақ жаңбырдан кейін шығады жауабына аударылады. Бұл айдар бойынша жауады, шығады етістіктерінің өткен шақта қолданылуын меңгереді.
Дәптермен жұмыс.
Жұмыс істеу тәртібін тақтада түсіндіремін. Жұмыс дәптеріндегі тапсырмаларды орындау арқылы оқушылар оқулықтағы лексика-грамматикалық тапсырмаларды бекіте түседі.
(12слайд) Үлгі бойынша буын туралы білімдерін қайталауға бағытталған. Оқушылар берілген үлгіге сүйене отырып, буын туралы білімдерін толықтырады. Оқушылар бір біріне сұрақ қойып, достарының жауаптарын тыңдап дағдыланады. Оқушыларға түрлі түсті карточкалар таратамын(кемпірқосақтың түстері). Бір түстен таңдап алып, сол таңдаған түсті атап талдау жасаймыз. Талдау үлгісі кітапта берілген. Әр оқушы ауызша талдау жасайды.
IV. Сабақты қорытындылау
Оқушылар арасында жағымды психологиялық ахуал қалыптастыра отырып, сабақты қорытындылау
-Енді сабағымызды қорытындылау кезеңі. Әр оқушыға сиқырлы таяқшалар таратамын. Сұрақтар қоямын. Дұрыс болса жасыл түсті көтереміз, келіспесеңдер қызыл түсті көтереміз. (13слайд)
Кемпірқосақ әдемі болады.
Кемпірқосақтың жиырма төрт түсі бар.
Кемпірқосақтың жеті түсі бар.
Кемпірқосақ қардан кейін болады.
Кемпірқосақ жаңбырдан кейін болады.
Кемпірқосақтың бірінші түсі қызыл.
Кемпірқосақ түрлі түсті болады.
V. Рефлексия (14слайд) Оқушылармен кері байланыс орнатамын. Стикерге аттарын жазып тақтада ілулі тұрған кемпірқосаққа жабыстырады.
Жоғарғы түстер иә, мен түсіндім. Төменгі түстер жоқ, түсінген жоқпын.
VI .Бағалау
Өзара бағалау. Оқушылар үлкен саусақтары арқылы бір бірін бағалайды. Бағалау себебін түсіндіріп өтеді.
VII .Үй жұмысы Сөздік жаттау