Казахстан — родина моя воспитательный час

Тәрбие сағаты -1 сынып
Менің Отаным - Қазақстан!
Мақсаты: Отан туралы білімдерін назарға ала отырып, Отанымыз – Қазақстан Республикасы туралы не білетіндігін саралау, алған мәліметтер бойынша білімдерін бекіту.Шеберлік: Отанды сүюге, еліміздің рәміздерін қастерлеуге, туған еліне деген сүйіспеншілігін аттыру.Дағды: Оқушыларды елін, жерін сүюге, байлығын қорғауға, өз елінің патриоты болуға дағдыландыру.Түрі: саяхат сабақӘдісі: топтық жұмыс, сұрақ - жауап, пікірталас, «Зымыран» сұрақтар, «Мозайка» әдісіКөрнекіліктері: жалауша, суреттер, плакат, слайдСабақтың барысы:І Ұйымдастыру кезеңі.Хор: Әнұран.
Санамақ бойынша 4 топқа бөлінеді
І топ – «Аудан»
ІІ топ – «Қала»
ІІІ топ – «Облыс»
ІV топ – «Республика»- Кәне, балалар Отан деген не?- Адамның туып өскен жері, туған - туысқандары, біз тұратын атамекен.- Балалар біздің отанымыз қалай аталады?- Біздің - Отанымыз Қазақстан.- Ендеше, бүгінгі тәрбие сағатымыз «Менің Отаным - Қазақстан» деп аталады.ІІ. Негізгі бөлім.Бүгінгі сабағымызда түрлі-түсті ұлттық оюлар жинау арқылы бал жинаймыз.
Балалар Отан туралы өлеңдер оқып, елімізді, жерімізді мадақтау бүгін біздің еншімізде. Ендеше өнерімізді ортаға салайық. Қоржынымызға ұпай жинайық.
Көрініс. (Музыка ойнап, аяғын ақырын басып ата шығады. Орындыққа келіп, демалып отырады. Осы кезде жүгіріп немересі шығады).
Немересі: Ата, не ойлап отырсыз?
Атасы: Ә, балам, атаң не ойламайды дейсін! Сенің болашағыңды ойлаймын.
Еліміздің болашағы жайлы, өткен өмір жайлы ойлаймын.Немересі: Ата, «өткен өмір» деген не?Атасы: Балам, «өткен өмір» деген сонау ежелгі бабаларымыздан бергі өткен өмір жолы, бұл тарих емес пе?Немересі: Ол қандай болған ата?Атасы: Ендеше тыңда, балам! Сен тарихыңды, жеті атаңды білуге тиіссің. Отаны жоқ адам нағыз бақытсыз жан, ал біз қазақ халқы нағыз бақ қонған тәуелсіз халықпыз. Сенің ата-бабаларың бірнеше жылдар бұрын Өзбекстан Республикасында өмір сүрді. Өз Отаны Қазақстанға келу арман болатын. Сол арманымызға жетуге ел ағасы Ибадулла Жантөре ұлының еңбегі зор болды. Ол кісі біздің өз Отанымыз Қазақстанға қоныстануымызға, сендердің осындай қалада тұруларыңа, мынадай зәулім мектепте оқуларыңа орасан зор еңбек етті. Президентіміздің қолдауымен,ел ағаларының еңбектерінің арқасында осындай «Асар» атты қалашық пайда болды.
Немересі: Ата, ол кісі қалай мықты болған?
Атасы: Балам, ол кісі терең, жан-жақты білімді адам. Ендігі кезде туған жерді гүлдендірер ұл - қызы, міна, сендерсіңдер.
Немересі: Ата, ендеше мен Қазақстанды одан әрі дамыту үшін сабағымды өте жақсы оқитын боламын.Атасы: Солай болсын балам, солай болсын. (Атасы мен немересі шығып кетеді).
Мұғалім: Ия, балалар, біздің ата-бабаларымыз бұдан бірнеше жылдар бұрынӨзбекстан Республикасында жасағанын, президентіміздің қолдауымен, ел ағаларымыздың еңбектерінің арқасында өз отанына қоныс аударғанын білдік, біздің «Асар» мөлтек ауданы үлкен еңбектің, бірліктің арқасында құрылғанына көз жеткіздік.
Олай болса, ел ағаларына, Асарымызға шашуымызды шашайық!
(«Асар» туралы видео ролик көрсету)
Әнель:Асар-Асар болғанша не бір күндер өтті ғой,
Қанша асыл –азамат маңдай терін төкті ғой.
Өз қорынан кейбіреу қомақты көмек етті ғой
Елі үшін кейбіреу жанын да пида етті ғой.
Тар жол тайғақ кешуін бірлікпен жеңіп өтті ғой
Асардың халқы мінеки- мақсатына жетті ғой.
Дулат:
Елбасы келіп еліне, үндеуін елге жолдады,
Елімнің ой-пікірін ден қойып әбден тыңдады,
Уәде беріп ел-жұрттың көңілін көтеріп тастады,
Пилоттық жоба «Нұрлы көш» жұмысын солай бастады.
Ұлжамал:
Көп ұлттың еңбек өкілі еңбек етті еселі
Жемісін көріп еңбектің мерейлері өседі.
Бос жатқан жердің орнына, құрдығой көркем жас қала
Елге оралған ағайын құтты болсын баспана.
Абылай:
Құрылып мектеп, бақшасы, суы менен жарық, газы бар
Жұмыс орны болсын деп, құрылды алып заводтар.
Бау-бақшамен, жылы жай, саябағы тағы бар
Қоныстанған Асарға елімнің сондай бағы бар.
Нұрбибі:
Ел басқарған ағалар, еңбегін ел бағалар
Жетелеп елді қашанда жеңістерге жете бер.
Дендерің сау боп шаршамай,
Мың жасай бер- Ағалар!
Әниса:
Тым аяулы мекенді қойнауы құт
Қоныстанған бұл жерге оралман жұрт.
Аталады мекенім Асарым деп,
Көк аспанын ешқашан жаппаған бұлт.
Мөлдір:
Асарымда мектеп бар тәрбиенің ұйытқысы
Бала – бақша мешіт бар имандылық белгісі.
Қажеттінің бәрі бар табылады не керек,
Жарасып тұр емхана адамдарды емдемек.
Дархан:
Өлкем менің көркейсін дәулетпенен бақ дарып,
Садулла ағай үлесті қосар әлі шаттанып.
Береке мен бірлігі ынтымағы жарасқан,
Асарым менің осы деп айта аламын мақтанып.
Қоңырат:
Он жыл болды Асарым жайнап келеді,
Халық саны көбейіп дамып келеді.
Ел жағдайын жасаған Ибадулла ағай,
Тек халықтың алғысын алып келеді.
Жумағали:
Асарым да толып жатыр 10 жасқа
Біздің Асар өзгеше ғой, бір басқа
Құлпырады жылдан-жылға гүлденіп
Мәңгі жаса осылайша түрленіп.
2. -Балалар, біз қай қалада тұрамыз?
-Шымкент қаласында
Неткен сұлу, неткен көркем,
Осы менің туған өлкем! деп ақын ағаларымыз жырлағандай сұлу да, көркем Шырайлы Шымкентке сапар шегеміз.
«Менің қалам», «Сөз ойла, тез ойла» әдісі бойынша суретке қарап әңгіме құрау.
3.-Біз қай облыста жасаймыз?
-Оңтүстік Қазақстан облысында
-Оңтүстік Қазақстан облысында қанша аудан бар?
- 14 аудан бар
Ендеше «Мозайка» әдісі бойынша аудандарды біріктіру арқылы Оңтүстік Қазақстан облысының картасын жасайық.
Олай болса облыс орталығына қарай сапарымызды жалғастырайық.
-Оңтүстік Қазақстан облысы жайлы мәлімет...
4. – Біз қай Республикада жасаймыз?
- Қазақстан
- Республикаға саяхатымызды жалғастырамыз.
5. Оқушылар Отан туралы өлең оқиды
Аселя:Отан- менің  ата-анам,             Отан -досым, бауырым,             Отан -өлкем астанам,             Отан- аудан, ауылым.Нұрдос:Отанды біз атамекен,              Деп аялап атаймыз.              Өйткені оны мекен еткен.             Бабамыз бен атамыз.Байдаулет:Азаматқа лайық,
Отанымның ұлымын.
Отанымды қорғайтын,
Азаматтың бірімін.
Ердаулет:Отан деген –Атамекен
Отан деген-туған жер.
Отан –ана,отан –үлкен,
Қазақстан — туған ел.
Дулат:  Отан дейміз –от жаққан жерімізді,  Отан дейміз- өсірген елімізді.  Отан дейміз – туған жер, атамекен  Биік тау, орман, тоғай, көлімізді.         
Қоңырат:Отан дейміз- кең байтақ астананы,              Жасыл жайлау, жаңа жол, жас қаланы,              Отанның шеті де жоқ, шегі де жоқ,             Ол бірақ өз үйіңнен басталады.Айжан:Көк байрағын көтеріп  Желбіреткен қазақпыз  Түбі бірге бауырды  Елжіреткен қазақпыз  Бостандықты сағынып   Қолына алған қазақпыз   Жұлдызымыз жарқырап  Жолы болған қазақпыз  
Абылай:Өзіңдікі туыңда,
От пен ауа суың да.
Жаса, Қазақстаным,
Белді бекем буында.
Нұрсая: Жаса жаңа Астанам
Өркен жая бастаған
Болашақтың есігін
Өз қолыңмен аш маған.
- Еліміздің бас қаласы қай қала?
- Астана
–Ендігі сапарымыз еліміздің бас қаласы Астана қаласына.
Астана қаласы...
Бәйтерек...
«Зымыран» сұрақтар
Слайдқа назар аудару. Дұрыс жауап берген топ өзінің қоржынына ұпай жинайды.
20 – ҚР тәуелсіздігін қай жылы алды?
1991 ж. 16 желтоқсан
20 – Еліміздің бас қаласы
Астана қаласы
20 – Біздің ана тіліміз
Қазақ тілі
20 – ҚР Президенті кім?
Нұрсұлтан Әбішұлы Назарбаев
50- Президентіміз қашан сайланды?
1991жылы 1 желтоқсан
100 –Қазақстан мемлекетімен шекаралас елдер
Өзбекстан, Қырғызстан, Түркіменстан, Қытай, Ресей
6. Қазақстан рәміздерім елдігімнің белгісі
Білу керек үлкенге дейін ең кіші
Елтаңба, көгілдір ту, әнұран
Рәміздерді жатқа білсін әр кісі – дегендей рәміздеріміз жайлы білімдерімізді ортаға салайық, қоржынымызға ұпай жинайық.
50 – ҚР туының авторы
Авторы: – Шәкен Ниязбеков   
Жумағали
Күнді құшқан қос қыран,Аясында қалқыған.Аспан түсті туым бар,Көк теңіздей шалқыған.
Дилназ
Көк туым көтерілді бағым жанып,Елтаңбам әлемге танылды анық.Шырқадым ән ұранды бар дауыспен,Арманым ата заңым қабылданып.
Зарина
Бұлт баспасын күнімдіТартылмасын өрісіңБиік ұстау туымдыҚасиетті борышым.
Балнұр
Сәуле шашқан алтын түсті күні бар,Екпіндеген қыран құсты үні бар.Ою басқан мөп - мөлдір көк аспандай,Қазағымның желбіреген туы бар
50 – ҚР елтаңбасының авторлары
Елтаңбаның авторлары – Жандарбек Мәлібеков және Шота
Уәлиханов.
Назерке:Елтаңбасы елімнің ,
Қандай әйбат әдемі
Тұнығындай  көңілдің ,
Ортада аспан әлемі
Нұрлыбек:Құт береке шаңырақ,
Орын алған ол төрден.
Қанатты қос арғымақ,
Екі жақтан көмкерген.
50 – Әнұранымыздың авторлары:
Республикамыздың Әнұранының сөзін жазған ақын Жұмекен Нәжімеденов
және Нұрсұлтан Назарбаев Әнін жазған Шәмші Қалдаяқов.   
Миран:Әнұраным, жанұраным  Айтар әнім, сөйлер сөзім  Мәңгі бақи шырқалады   Республикам – Әнұраным  Мерей:Шексіз көк аспанды жамылады  Уақыттың басылған жоқ дауылы әлі  Бірігіп бір жүрекпен шырқай тұғын  Әнұран – Мемлекеттің халық әні  
4. Отан, туған жер туралы қандай мақал - мәтелдер білеміз?
Әр оқушы өздерінің білетін мақал – мәтелдерін айтады.
Әр топтың ұпайын санап, қорытындысын шығару.
Қорытынды:
Қыран құсым көк аспанда самғасын,Желбіресін көк байрағың сан ғасыр!Жас ұландар, берік ұста туыңды,Жарқыратып туған елдің таңбасын.
Балалар, бүгінгі тәрбие сабағында айтылғандарды өнеге етіп, елді, жерді сүюді, қадірлеуді өмірлік мақсат етейік.Еліміздің келешек тағдыры, Қазақстан ертеңі өз қолдарыңда. Туған елдеріңді өркениетті мемлекеттермен терезесі тең, керегесі кең ететін сендерсіңдер. Ол үшін терең әрі жан – жақты білімді болу – міндеттерің.
Хормен:
Біз-тәуелсіз қазақ елінің жастарымыз.
Сондықтан өз жерімізді, өз елімізді
қадірлеуге, сүюге, қорғауға міндеттіміз.
Оған уәде береміз.
Хор: «Алға Қазақстан»
Байтақ дала жерім меніңАрта берсін даңқың сеніңКөк байрағың желбіресінЕгеменді елім менің– дей отырып, құрметті қонақтар, оқушылар осымен «Менің Отаным - Қазақстан! атты ашық тәрбие сағатымыз аяқталды. Сау болыңыздар!