Саба?ты? ма?саты: 1. Натюрморт ?нерімен, натюрморт т?рлерімен ж?не та?ырыпты? натюрморттармен одан ?рі танысу. Онда?ы т?стер шешімі ар?ылы к??іл к?йді беруге ?йрету. 2. Шы?армашылы? ?абілетін арттырып, ой -?рісін дамыту .

Сабақтың тақырыбы: Натюрморт не туралы сыр шерте алады?
Натюрморт құрастыру өнері.
Сабақтың мақсаты: 1. Натюрморт өнерімен, натюрморт түрлерімен және тақырыптық натюрморттармен одан әрі танысу. Ондағы түстер шешімі арқылы көңіл күйді беруге үйрету.
Шығармашылық қабілетін арттырып, ой -өрісін дамыту .
Натюрморт салдыру арқылы өнерді түсінуге, әдемілікті, әсемдікті көре білуге баулу.

Сабақтың түрі: аралас сабақ.

Сабақтың әдісі: әңгімелесу, бейнелеу, түсіндіру, ой қозғау, үйрету, көрсету.

Көрнекілігі: әр түрлі репродукциялар, түрлі суреттер, заттар мен муляждар, түстік спектр, қажетті құрал жабдықтар.
Сабақтың барысы:
І. Ұйымдастыру кезеңі:
Шіркен сурет сабағы
Ауылды еске салады.
Мың құбылтып бояймыз
Туып өскен даланы.
ІІ. Өткен сабақты пысықтау
Иллюстрация дегеніміз не?
Иллюстрацияны кімдер орындайды?
Сен суретші болсаң қандай суреттер салған болар едің?
Жалпы суреттер саған несімен ұнайды?
Бейнелеу өнерінің неше түрі бар?
Живописьтегі қандай жанрларды білесіңдер?
Натюрморт дегеніміз не?
ІІІ. Жаңа сабақты меңгеру.
Сонымен біз тағы да натюрмортқа оралдық. Бұл кездейсоқ емес. Себебі күнделікті өмірде айналамызды алуан түрлі заттар қоршайды. Біз олардың сыртқы пішіні мен қолданысы жағынан әр алуан екендігін білеміз. Жалпы натюрморт француз сөзінен алынған «өлі табиғат» деген ұғымды білдіреді. Яғни олардың жаны жоқ бір орыннан, екінші бір орынға өздігінен қозғалмайды деген сөз.
Натюрморт өнердің дербес жанры ретінде XVII ғасырда Голландияда және көрші Фландрияда (қазіргі Бельгияның бір бөлігі) туып кеңінен дамыды.
Натюрморттағы бейнеленген заттар арқылы сол суретшінің қандай адам екендігін білуге болады екен. Ол оның салған суретіне байланысты. Мысалы ол ненің суретін салды, қандай түстерді қолданды. Осы арқылы ол суретші жайлы біраз мағлұмат алуға болады екен. Өте қарапайым елеусіз натюрморттың өзі нақтылы бір адам туралы, оның қуанышы мен реніші, тұрмысы мен қызметі жайлы сыр шерте алады.
Суретшілер натюрморт жазу кезінде негізгі міндеттердің бірі ретінде заттардың сұлулығымен қатар, жасалынған материалдың сұлулығын көрсетуді мақсат еткен.
Осылайша, біз натюрморттың екі түрімен таныстық.
1.Әдемі, сәнді заттарды бейнелейтін натюрморттар. Олар көрермендібейнелейтін заттарды көруге шақырады.
2. Бейнеленген заттар, оларды қолданатын адам жайлы, олардың әдеті сүйікті істері мен қызметі, талғамы тіпті мінез –құлқы туралы сыр шертетін натюрморттар.

ІV. Әр түрлі заттардан іріктеп натюрморт құрастыру. Оның композициялық шешіміне, түстік үйлесіміне назар аудару. Ондағы үйлесімділік, әдемілік, көңіл күйді білдіру.
V. Сергіту.
Тербеледі ағаштар
Алдымнан жел еседі.
Кіп –кішкентай ағаштар
Біп –биік боп өседі.
VI. Меңгергенін тексеру
Құраған натюрмортты қағаз бетіне үйлестіру жолдары туралы түсінік беру. Оқушылардың пікірін тыңдау.
VII. Өзі бетінше жұмыс.

Натюрмортты қағаз бетіне орналастыру, түстік шешімі: жылы және суық түстер. Олардың арасындағы үйлесімділік.
VIII. Қорытынды.
Жұмбақ шешу.
Картинадан көрсең сен
Әжеңнің ожау –тостағын
Атаңның қара торсығын
Немесе алмұрт, алманы
Қасында тұрған –шабдалы
Жүзімді де табарсың
Қызығып жақын барарсың –
Салынған мұндай суретті
Не деп қарарсың (натюрморт)

Бағалау.