Выступление на районном семинаре учителей калмыцкого языка

«ҖаӊҺр»- ухан седклин зөөр, күслин зөөр.
Келн-әмтн улс болҺн эврәтуужта, эврә зөөртә. Нег туслн и корм эзлжәхнь –мана «ҖаӊҺр» - ухан-седлклин зөөр, күслин зөөр.
Кишгин тускар, жирҺлтә Һазрин тускар, хальмг улсин олн жилин эргцд күсл кеҗ йовсн орн-нутгин тускар чимлҺтә келәр хальмг олн-әмтнә дуулвр «ҖаӊҺрт» келгдсинь меднәвидн. Эн күсл болгч- Бумбин орн. Бумбин орна улс өшәтнрлә олн дә кеснә хөөн,эдн төвкнәд,кишгтә олн-әмтн төвкнүн җирҺл эдлҗ бәәнә. Эн орнд бәәс улс көгшрдго,мөнк насар бәәнә, цуҺарн суусарн өнр болҗ бәәсәрн байн болҗ аль сансарн бәәцхәнә. Эднә бәәх бүр гисн хурта,сер-сер гисн салькта – иим бәәдләр эдн мөнкинд җирҺнә.
Мана өвкнр ямаран күслтә, ямаран седклтә ямаран уха ухалҗ, ямаран күсл күцәхәр зүткҗ йовснь «ҖаӊҺрас» медгднә.
Ямаранчн келн-улс эврәннь тууҗта. Тер өӊгрсн тууҗин үлгүрәр ямарнчн улс байр-бах кеҺәд, дорас өсч йовх баҺчудтан сурҺмҗ өгнә. Манна хальмг улсин ухан – седклин зөөр «ҖаӊҺрар» бидн өдгә цаг күртл сурҺмҗ кеҗ бәәнәвидн .
Кемр күн болҺн эврәннь өвкнрин үлдәсн зөөриг медәд, терүгәр соньмсад бәәхлә, күүнә медрлнь өөдләд, гүн уха дотран шингәҗ авна.
Мана хальмг келнә багшнр кичәлдән җаӊһрин бөлгүд дасад умшад учр-утхлань таньлдулнавидн. Җаӊһрин туск презентац үзүлнәвидн , тасрха чееҗәр дасад марҺа давулнавидн. Дәкәд «Хальмг келн гер , өрк-бүл болҺнд» гидг акцд орлцнавидн. Җаӊһрин нег бөлгәр наад сурҺульчнр тәвнә , викторинд орлцна .
Цогц махмудан батруллҺна кичәлд багшнь җил болҺн «Малая джангариада» гидг марҺа кенә. Тегәд , ээҗ-аавиннь хадлсн зөөриг дасч авад, улм гүүдүләд, ухананнь булнд үлдәҺәд йовхла, эн аҺу ик зокъялын сурҺмҗлгч чинр , сурҺмҗин ухан өөдләд йовх.